YEREMIA 17:1 - WUKE SUSI WATTI'U AL᷊AL᷊USASSA

¹ Mawu nabbisara, “Ei walahannu Yehuda, rosanu buatte ni'uitta su naungngu wuṛṛu su anambon pappi'uannu manga mezbahnu ringannu pena atta'a apan matane wuassu intanna.

YEREMIA 17:1 Referans Kwoze

AMSAL 3:3

Ṛinone i'o sidutu mangngimanna wuṛṛu satia su Ruata wuṛṛu su sansul᷊ungngu taumata. Naungewe udde, wuṛṛu sahipunte sulal᷊ummu naungngu,

2 KORINTUS 3:3

I mangitou sassane wotongnge maasilo manungku tuṛṛangnga naola'a suratta apan niwoṛṛetti Kristus, wuṛṛu niapaapidda si yami. Suratta udde wal᷊ine niwoṛṛettu tinta, arawe ringannu Ghaṛṛahon Duata apan wiakka; wal᷊ine lai su wowon batu pamamoṛṛetanna, arawe sulal᷊ummu naungngu taumata.

AMSAL 7:3

Naungete sidutu manga al᷊aṛṛa'u udde wuṛṛu sahipunte sulal᷊ummu wantan dal᷊ummu naungngu.

IMAMATTA 4:25

Imam ṛinone mangammon tal᷊imaddone sulal᷊ummu daṛṛan binatangnga udde ana see iwuṛṛa su manga tatandu'a su manga wu'un mezbah wuṛṛu lambene iwokka su apampakku mezbah.

HOSEA 12:11

I Ya'u buatte, nabbisara su manga nabi, wuṛṛu nangongollu manambo sondappa si mangitou. Wuassi mangitou i Ya'u namasingkattu manga ṛiing-Ku hunan kamiu, uma-U,

YESAYA 49:16

Yerusalem, i Ya'u sidutu uanaungnga si'o; arannu Ta'u ni'uitta su pal᷊addu lima-U.

YEREMIA 2:22

Salaiwe i'o mandeno ringannu mamuṛṛa manambo atonna sabonna, arawe manga luhuddu pasasal᷊anu ta'e lai a'asiloang-Ku.

YEREMIA 4:14

Yerusalem, rammea'e al᷊al᷊eonu wuassu naungngu tadea'u i'o masal᷊amatta. Ma'oman sara tingngera manga ṛingiranna lal᷊eo udde sahipunanna sulal᷊ummu naungngu?

HOSEA 7:2

Tawe saran paasa sinumambbi sulal᷊ummu ṛingiranni mangitou manungku i Ya'u sarun mannaungnga al᷊awo'u al᷊al᷊eo udde. Arawe manga rosan mangitou uapal᷊iwutta si mangitou na'oman sara i Ya'u naasilo ringannu matualaga.”

ZAKARIA 7:12

I mangitou mangngattikku naungngi mangitou na'oman sara ere aattikku watu. I Ya'u tumaniten nasa'u ana waugu i mangitou tawe tumuṛṛutta manga al᷊aṛṛa'a apan buatte Ta'u nionggolla si mangitou wuassu manga nabi apan paarorone.

YEREMIA 11:13

Manga mawun taumatan Yehuda manambo atonna, anambone ere manga soa mangitou. Tumana'u Yerusalem napararisikku manga mezbah anambone ere manga lal᷊anna su soan Yerusalem ipangonggollu sasamba su Monganna Baal.

YEREMIA 31:33

Eteindi pa'aire wakku apan Ta'u niola'a ringannu umattu Israel: Manga tita-U sarun Ta'u iaddo sulal᷊ummu naungngi mangitou, wuṛṛu Ta'u iwoṛṛetta sulal᷊ummu ate mangitou. I Ya'u sarun maola'a Ruatan mangitou, wuṛṛu i mangitou sarun maola'a uma-U.

HOSEA 8:11

Lembon manambo mezbah iapararisikku taumatan Israel ipamappasa rosa, lembon manambo lai tampa pa'olaanna rosa!