YEREMIA 16:13 - WUKE SUSI WATTI'U AL᷊AL᷊USASSA

¹³ Ana waugu udde, i yamiu sarun Ta'u limbuaṛṛanna wuassu wanua indi wuṛṛu Ta'u iramme su sambau wanua apan awagananni yamiu wuṛṛu al᷊amonanu. Poiaroddi i yamiu sarun mattaṛṛamawu allo ṛabbi su manga mawu waine, wuṛṛu i Ya'u tate umakkanni yamiu. ’ ”

YEREMIA 16:13 Referans Kwoze

TAHIUL᷊E 28:36

I yamiu wuṛṛu ratunu sarun iapiddu Mawu watukku wanua apan awagananni yamiu wuṛṛu awaganannu iupungngu al᷊amonanu. Isudde i yamiu sarun mattaṛṛamawu manga Mawu apan niola'a wuassu alu wuṛṛu watu.

YEREMIA 15:14

Su wanua waine apan awagananni mangitou, i Ya'u sarun ma'ola'a si mangitou allangngu manga seetti mangitou, ana waugu asasa'u-Ku nilumambalante ere putungnga sussal᷊oi wuṛṛu tawe iapaddumma.”

YEREMIA 17:4

I yamiu sarun ipabbawata'a manantillu leta'a apan buatte Ta'u nionggolla si yamiu, wuṛṛu i Ya'u sarun ma'ola'a si yamiu mattaṛṛamawu su seennu su wanua apan mangke awaganannu. I Ya'u na'ola'a sarangkanambone udde ana waugu asasa'u-U sinumopate ere putungnga apan lukkenggamma tawe iapaddumma.”

2 TAWARIKH 7:20

ne i Ya'u sarun mapasabbangngi yamiu wuassu wanua apan buatte Ta'u nionggola si yamiu. I Ya'u lai sarun manantangngu wal᷊en indi apan buatte Ta'u niatokka maola'a tampa patataṛṛamawuanna si Ya'u. Su al᷊awo'u tampa wal᷊en indi sarun al᷊uandahanna wuṛṛu ilallage.

YEREMIA 22:28

I ya'u Yeremia nabbisara, “Apa i Ratu Yoyakhin buatte naola'a ere urinna napesangnga apan niramme wuṛṛu ipa'adirite lai? Ana waugu udde i tou wuṛṛu manga anangnge nilimbuaṛṛanna wuṛṛu niramme su wanua apan awagananni mangitou?”

YEREMIA 15:4

I Ya'u sarun ma'ola'a anambon balahanna su runia matta'utta maasilo si mangitou. Sarangkanambone udde Ta'u olaanna ana waugu inolaanni Manasye ana'i Hizkia su Yerusalem sutempo i tou naola'a ratun Yehuda.”

YEREMIA 14:8

Ete I'o sassa pangantimannu Israel, apan manal᷊amatta si yami wuassu asasilaka. Arawe anio I'o ere Taumata raho su wanuang kami, ere uma'amatta apan tumba'u niumotongnga saṛṛabbi see manantangnga?

YEREMIA 6:15

Ṛinone i mangitou masili ana waugu buatte na'ola'a sarangkanambone apan dal᷊eo udde. Arawe i mangitou wambala maappalla wuṛṛu wagga masili. Ana waugu udde i mangitou sarun manawo ere taumata waine, nuddusse watti'u pabbiaṛṛanni mangitou napawe i Ya'u makkuumanni mangitou. I Ya'u, Mawu, buatte nabbisara.”

YEREMIA 5:19

Arawe amungkangngu i mangitou maiwal᷊o anio i Ya'u na'ola'a sarangkanambone udde su saruanni mangitou, wal᷊oa'e ei Yeremia, manungku ereapa i Ya'u buatte tinantangngi mangitou su wanua mangitou sassane huna mattaṛṛamawu manga mongannu walahanna waine, aroddi lai i mangitou sarun maola'a allangngu manga taumata raho su wanua waine.”

DARALO 81:12

Arawe al᷊aṛṛana-U maddiri maddaringikka si Ya'u, Israel maddiri tumuṛṛutta si Ya'u.

TAHIUL᷊E 29:28

Asasa'u Mawu mangke sinumopa, wuṛṛu sulal᷊ummu asasa'u-Ne apan bahewalla udde i Tou nallimbuakka walahannu Israel wuassu leta'i mangitou wuṛṛu nangapidi mangitou watukku wanua apan awagananna, na'oman sara i mangitou natana'e poiaroddi.’

YEREMIA 15:1

Mawu nabbisara si ya'u, “I Ya'u tate umakkannu walahanna indi, salaiwe i Musa wuṛṛu i Samuel uarisikka isindi sumal᷊ande si Ya'u maiakkanna huna mangitou. Doloṛṛa'e walahanna indi massal᷊iu, i Ya'u maddirite ma'ellega si mangitou!

YEREMIA 22:26

I'o wuṛṛu inangngu sarun Ta'u limbuaṛṛanna wuṛṛu Ta'u iramme watukku wanua wal᷊ine niariaddiannu, wuṛṛu poiaroddi iraddua sarun nate.

2 MARARATU 25:21

su wageangu leta'u Hamat. Poiaroddi i mangitou nisansara wua'udde nipate. Etearoddi manga taumatan Yehuda niṛoota wuassu wanuan mangitou wuṛṛu niapidda watukku leta'a pamamuanganna.

YEREMIA 10:18

Paassa indi Mawu sarun manuntungngu anambon walahannu Yehuda su pamamuanganna; i yamiu sarangkanambone sarun ṛimunsaan-Ne sara masue. Eteudde tanata wuassu Mawu.

YEREMIA 16:5

Arie inai su wal᷊en taumata apan tantal᷊anna lullal᷊o, Yeremia. Arie lumal᷊on sisai-sai. I Ya'u tate lai mangal᷊amatta uma-U ringannu lal᷊umanna'a, wuṛṛu tate lai mamasilon apendamma u'akkanna ara'e tatal᷊antuppa si mangitou.