YEREMIA 15:4 - WUKE SUSI WATTI'U AL᷊AL᷊USASSA

⁴ I Ya'u sarun ma'ola'a anambon balahanna su runia matta'utta maasilo si mangitou. Sarangkanambone udde Ta'u olaanna ana waugu inolaanni Manasye ana'i Hizkia su Yerusalem sutempo i tou naola'a ratun Yehuda.”

YEREMIA 15:4 Referans Kwoze

YEREMIA 24:9

I Ya'u sarun manilaka si mangitou aroddi olangnge na'oman sara al᷊awo'u walahanna su ahewallu runia mabbal᷊i mata'utta. Suapan tampa i mangitou Ta'u itantilla, i mangitou sarun al᷊uandahanna, maola'a ilallage wuṛṛu lallobbosanna. Aranni mangitou sarun ipaatta maola'a wawontoga.

YEREMIA 29:18

I mangitou sarun Ta'u enggenanna ringannu pangalo, ṛutumma, wuṛṛu al᷊aṛṛusa'itta ma'oman sara al᷊awo'u walahanna su ahewallu runia sarun maapendamma atata'utta maasilo ola'i mangitou. Sauapan tampa i Ya'u manal᷊iawukki mangitou, taumata sarun maapendamma atata'utta maasilo apa apan buatte nariaddi si mangitou. I mangitou sarun al᷊uandahanna, wuṛṛu aranni mangitou ipaatta maola'a wawontoga.

YEHEZKIEL 23:46

Mawu Apan Atanggaṛṛanne nabbisara, “Waggoite sangwiliṛṛana taumata iapasansara wuṛṛu iapaaṛṛo ruang katou sumasandaga udde.

TAHIUL᷊E 28:25

Amungkangngu i yamiu tawe maddaringikka Mawu Ruatanu, i Tou sarun ma'ola'a si yamiu mawaddo su manga seennu. I yamiu sarun mamangalo ringannu uaatokka arawe tumal᷊angnga ringannu uasongkakka. Anambon balahannu su runia sarun maapendamma atata'utta maasilo asasusanu.

2 MARARATU 21:2

I Manasye na'ola'a rosa su Mawu, ana waugu nattanno manga inanaramanna lal᷊eo wuassu manga walahanna apan nilimbuaṛṛannu Mawu wuassu Kanaan sutempo taumatan Israel sinumutta su wanua udde.

IMAMATTA 26:33

I Ya'u sarun mandantan papangalo su wanuanu wuṛṛu manal᷊iawukki yamiu su manga wanua waine. Manga wawail᷊annu tate lu'aranna, wuṛṛu manga soanu niwalate naola'a tuidda.

LAL᷊ALLU 1:8

Yerusalem malluhudda watanganne sassane ringannu ma'ola'a manambo rosa apan maarantinna. Sarangkanambone apan dorone mangngaddatta si tou, orassa indi mangngal᷊uandaga ana waugu naasilo uatantol᷊ene. I tou sussal᷊iomanna, ana waugu inawul᷊ianten hatine.

YEREMIA 9:16

I mangitou sarun Ta'u isal᷊iawukka suwallattu manga walahanna apan awagananni mangitou ara'e al᷊amona mangitou. I Ya'u sidutu sarun mandolokku tantara apan mammangalo si mangitou ma'oman sara i Ya'u mamate si mangitou abbi.”

TAHIUL᷊E 28:64

Mawu sarun manal᷊iawukki yamiu suwallatu manga walahanna su ahewallu runia. Poiaroddi yamiu sarun massubba manga Mawu apan niola'a wuassu alu wuṛṛu watu, manga Mawu apan awagananni yamiu wuṛṛu awaganannu iupungngu al᷊amonanu.

2 MARARATU 21:1

I Manasye uukke 12 su tonnane sutempo i tou naola'a ratu su Yehuda, wuṛṛu i tou namarenta su Yerusalem 55 su tonnane al᷊annune. Inangnge aranne i Hefzibah.

2 TAWARIKH 33:1

Manasye uukke 12 su tonnane sutempo i tou naola'a ratun Yehuda ne i tou lai namarenta su Yerusalem 55 su tonnane al᷊annune.

2 TAWARIKH 33:2

I tou na'ola'a rosa su lantakku hatin Mawu, ana waugu nangaṛṛussa manga anaramma lal᷊eo wuassu walahanna apan nilimbuaṛṛannu Mawu wuassu Kanaan sutempo taumatan Israel sinumuttate su wanua udde.

YEHEZKIEL 18:19

Arawe asinungka pia taumata apan maiwal᷊o anio ana'a udde tawe lai suadio'a mamasanna pangillul᷊eannu manga rosan iamange. Sasimbakke eteudde, ana waugu ana'a udde mapia wuṛṛu tawe awusune. I tou matuṛṛutta su manga tita-U wuṛṛu mappaamatta ringannu satia, ne i tou sidutu wiakka.

2 MARARATU 21:15

Sarangkanambone sarun Ta'u olaanna su saruannu walahangKu ana waugu i mangitou buatte na'ola'a rosa su saruang-Ku wuṛṛu nandal᷊eo naungku ro'en al᷊amonan mangitou sinumabbanga wuassu Mesir naddatingngu allo indi.”