YEREMIA 15:19 - WUKE SUSI WATTI'U AL᷊AL᷊USASSA

¹⁹ Mawu sinumimbakka, “Amungkangngu i'o mabbelengnga, i Ya'u sarun manarimmannu. I'o sarun maola'a allang-Ku apia. Amungkangngu i'o mabbatti'u manga inolaanna apan mahuna wuṛṛu wal᷊ine awusu, ne i'o wotongnge maola'a nabi-U apia. Manga taumata sarun dumanta apia ringannu, wuṛṛu i'o tate inai ringanni mangitou.

YEREMIA 15:19 Referans Kwoze

ZAKARIA 3:7

“Amungkangngu i'o tumuṛṛutta manga tita-U wuṛṛu mappaamattu manga manara apan Ta'u nionggolla si'o, ne sarangkal᷊o'engnge i'o wotongnge mabbali piaṛṛa'a sulal᷊ummu Wal᷊e-U wuṛṛu mammaresi rallakke. I Ya'u sarun maddaringikka manga aal᷊iomannu, ere lai i Ya'u maddaringikka aal᷊iomannu mala'ekatta apan uatana'u marani-Ku.

LUKAS 21:15

I Ya'u sassane sarun mangonggolu wisara wuṛṛu apande udde, ma'oman tawe saran sangkatou wuassu manga seetti yamiu wotongnge lumawangnga ara'e massinaaddu apa apan suete niapaasingkatti yamiu.

IMAMATTA 10:10

I yamiu ṛinone wotongnge mapadaṛṛalan apan niṛṛae su Ruata, wuṛṛu tawe niṛṛae suwallatu nassal᷊a wuṛṛu tawe nassal᷊a.

YEHEZKIEL 44:23

Manga imam ṛinone mangaṛṛa'a uma-U tadea'u masingkatta mapaparala suapa apan niṛṛae si Ya'u wuṛṛu suapa tawe, suapa apan waresi tumuṛṛutu agama wuṛṛu suapa apan dal᷊eo.

YEHEZKIEL 22:26

Manga imam Israel nilumawangnga manga tita-U wuṛṛu nalluhudda manga saranapa apan niṛṛa'e si Ya'u. I mangitou waggate ma'ellega suapa apan botongnge wuṛṛu apa apan isassingadda. Wuṛṛu lai i mangitou tawe mangaṛṛa'a tumanangnge tadea'u masingkatta ma'ellega suapa apan baresi wuṛṛu suapa apan dal᷊eo tumuṛṛuttu atorannu agama. I mangitou tate mangareggan allon Sabat. Ringannu aroddi i Ya'u nilobbosannu walahannu Israel.

YUDAS 1:24

Ruata, apan wotongnge mallu'adda si yamiu ana see tawe manawo, wuṛṛu wotongnge mangapiddu su araratuan-Ne apan mawantuga ringannu al᷊al᷊uassa apan tawe urangnge,

GALATIA 1:10

Apa ringannu olangnge udde pendamanna ere i ya'u mangngantima a'uannu taumata? Atonna-tonna tawe! I ya'u tumba'u mangngantima panga'uanna wuassu Ruata. Apa i ya'u sidutu mattinsahadda mammol᷊engnga naungngu taumata tadea'u i ya'u maal᷊uassa taumata? Amungkangngu inolaangku sidutu aroddi, ya'u wal᷊inewe allangngi Kristus.

IBRANI 5:14

Anna apan maattika udde wuattu taumata timmade ana waugu asingkane, wotongngete maṛṛingidda suapa mapia wuṛṛu suapa apan lal᷊eo.

WATTI'U MANGA RASUL 20:27

Tawe saran paassa i ya'u tinumal᷊angnga wuassu manara'u mannal᷊a'a si yamiu anambon pandumannu Ruata.

LUKAS 10:16

See Mawu Yesus nabbisara manga mallal᷊aṛṛenggen-Ne, “Taumata apan madaringikka si yamiu, madaringikka lai si Ya'u. Taumata apan mannol᷊a'i yamiu, mannol᷊a-U lai. Wuṛṛu taumata apan mannol᷊a-U, mannol᷊a'i Tou lai apan nandolo-U.”

YEREMIA 15:1

Mawu nabbisara si ya'u, “I Ya'u tate umakkannu walahanna indi, salaiwe i Musa wuṛṛu i Samuel uarisikka isindi sumal᷊ande si Ya'u maiakkanna huna mangitou. Doloṛṛa'e walahanna indi massal᷊iu, i Ya'u maddirite ma'ellega si mangitou!

SASABANGNGA 4:12

Orassa indi, roote, i Ya'u sarun mantul᷊ungngu mabbisara wuṛṛu mangaṛṛa'u sarangkanambone apan ṛinone iwisaranu.”

YEHEZKIEL 2:7

Pasingkata'e anambon tanata-U si mangitou, tanne i mangitou mappulu maddaringikka ara'e maddiri. Naungete manungku i mangitou udde manga lumal᷊awangnga.

LUKAS 12:12

Ana waugu apa apan sarun iwisaranu udde, sarun itantiron Ghaṛṛahon Ruata si'o su temponete.”

LUKAS 1:19

Mala'ekatta udde sinumimbakka, “I ya'u indi Gabriel. I ya'u mangngimbe Ruata wuṛṛu ete i Tou nandolo'u mamasingkattu watti'a mapia indi si'o.

YEREMIA 20:9

Arawe napawe sulal᷊ummu naungku i ya'u mabbisara, “Wala'e Mawu timbul᷊ianangkute, i ya'u maddirite lai maggahatto ringannu aran-Ne,” ne tanata-Nu naal᷊ihidda putungnga apan lukkenggamma sulal᷊ummu naungnga. I ya'u buatte naannamma manaṛṛangnga, arawe inauranna i ya'u tawe auatanna.

GALATIA 2:5

arawe i yami maddiri sumoṛṛota sarang kadio'a wuassi mangitou, ana waugu i yami maapulu mandiaga tadea'u Watti'u Al᷊al᷊uassa udde mangke uatana'a waresi ringanni yamiu.

LUKAS 21:36

Paariagate, wuṛṛu sidutu a'al᷊iomanna tadea'u i yamiu matohassa mamipen al᷊awo'u hatto apan sarun mariaddi wuṛṛu i yamiu wotongnge sumaruanna Ana'u Taumata.”

AMSAL 22:29

I'o buatte naasilo sangkatou taumata pande mammanara manarane? Taumata udde sarun iapamanara su wal᷊en manga ratu, wal᷊ine su wal᷊en taumata wiasa.

1 MARARATU 17:1

Pia sangkatou nabi aranne i Elia. I tou darantane wuassu Tisbe, sambau soa su wageangngu Gilead. Su allo sambau i tou nirumanta ringanni Ratu Ahab wuṛṛu nabbisara, “Ringannu arannu Mawu apan biakka, Ruata apan sassubbannu taumatan Israel wuṛṛu ta'u a'imbeanna, i ya'u mamasingkatta si Tuangnga manungku al᷊annune darua ara'e tallu tonna apan manansunna indi sarun tawe angngukka ara'e uranna saran addio'a, tabbene'e i ya'u mabbisara.”

2 KORINTUS 5:16

Ana waugu udde, i yami tate lai manguukka taumata tumuṛṛuttu aul᷊aannu taumata. Atonna i yami suete nanguukka Kristus wuassu pahuddu taumata, arawe orassa indi tate.

YUNUS 3:2

Wisara-Ne, “Roote watukku Niniwe, soa wahewalla udde, wuṛṛu wal᷊oa'e su tumanangnge, tanata apan Ta'u nionggolla si'o.”

YEREMIA 4:1

Mawu nabbisara, “Umattu Israel, amungkangngu i yamiu mappulu mabbelengnga, wette pabbelengke ringang-Ku. Rammea'e dorone manga paal᷊uanna apan ia'aranting-Ku udde, wuṛṛu paatuṛṛutte si Ya'u.

YEREMIA 6:29

Auntapanna mal᷊osote, arawe tain logamma tawe lai tumuro wuṛṛu mawul᷊i. Tawe gunane uma-U sidutu sassal᷊u'atanna tadea'u mawaresi, ana waugu manga taumatane apan dal᷊eo tawe niapasal᷊iu.

YEREMIA 35:19

Ana waugu udde, i Ya'u, Mawu Apan Lembontaṛṛino, Ruatan Israel, maddiandi manungku wuassu papapulunni Yonadab ana'i Rekhab sidutu sarun pia sangkatou esakka apan mangngimbe si Ya'u.”

LAL᷊ALLU 1:11

Ringannu sussal᷊iomanna tumanangne maddea'a anna; saranapa maarega ipannal᷊iun mangitou roti, tumba'u tadea'u i mangitou sidutu wiakka wuṛṛu tawe mate. Yerusalem sinumal᷊ande, “Oh Mawu, ellehete i ya'u, intannoi'o al᷊awo'u asasusa'u.”

IMAMATTA 14:57

Manga atoranna udde hunane ipanantunna tanne saranapa udde waresi ara'e ma'arantinna.

YEREMIA 1:9

Wua'udde Mawu nangul᷊ukku lima-Ne, wuṛṛu namita moṛṛongku see nabbisara, “Paddaringikke wuṛṛu al᷊iata'e manga wisara apan Ta'u niapasingkatta indi.