YEREMIA 14:7 - WUKE SUSI WATTI'U AL᷊AL᷊USASSA

⁷ Uma-U ma'ial᷊are, ‘Mawu, salaiwe rosan kami mammaṛṛansilla si yami arawe ontol᷊ewe i yami ere buatte nipa'ine-Nu. I yami buatte nanantang-Ngu masokka-sokka; atonna, i yami narosate su Mawu.

YEREMIA 14:7 Referans Kwoze

HOSEA 5:5

Awawungan balahannu Israel aasiloanna ringannu massemakka, wuṛṛu maola'a tialan pasasal᷊an mangitou. Rosan mangitou naaola'a si mangitou natara wuṛṛu nawal᷊atta, wuṛṛu walahannu Yehuda nanawo suadio'a lai ringanni mangitou.

DARALO 25:11

Mawu, ampungewe i ya'u ere buatte nipa'ire-Nu, ana waugu pasasal᷊a'u tumaniten wahewalla.

YEREMIA 5:6

Ana waugu i mangitou sarun pateannu singa wuassu mahurangnge, wuṛṛu ringanna wangngasannu serigala wuassu wadda'u anne. Macan tutul sarun mammal᷊intadda maddea'a inassa maranin manga soa mangitou, wuṛṛu suapan taumata apan sumabbangnga sarun tamboanne. Sarangkanambone udde mariaddi ana waugu i mangitou manambote rosane, wuṛṛu masokka-sokka tumal᷊i'udda Ruata.

YESAYA 59:12

Tumanite manambo al᷊al᷊eong kami su saruan-Nu; manga rosang kami mapaasal᷊ang kami. I yami atonna-tonna naatutukka al᷊al᷊eong kami, wuṛṛu naasingkatta manga rosan kami.

YEREMIA 2:19

Al᷊al᷊eonu sassane apan makkuumannu, i'o nasusa ana waugu nanol᷊a-U, Ruatanu. Orassa indi pamendampe aroddi apettane wuṛṛu aṛṛagene amungkangngu i Ya'u tal᷊i'urannu wuṛṛu tawe addatannu. I Ya'u, Mawu Ruatanu buatte nabbisara; Ete i Ya'u Mawu Ruata Apan Atanggaṛṛanne wuṛṛu Lembontaṛṛino.”

EFESUS 1:12

Wala'e i ite, apan paarorone mangngantima si Kristus, maddalo Ruata ana waugu awawantu-Ge!

EFESUS 1:6

Dalo su Ruata apan mawantuga, ana waugu sulal᷊ummu Anang-Nge apan arangnguanna, i Tou lembon marangngu si ite.

HOSEA 7:10

Awawungan taumatan Israel aasiloanna ringanu matualaga wuṛṛu maola'a tialan pasasal᷊an mangitou. Salaiwe sarangkanambone udde buatte natipussa, i mangitou tawe lai maddea'a si Ya'u, ara'e mabbelengnga ringang-Ku, Mawu Ruatan mangitou.

YEHEZKIEL 20:22

Arawe i Ya'u tawe na'ola'a tadea'u arang-Ku tawe lobbosannu manga walahanna apan naasilo si Ya'u nangapiddu Israel sinumabbangnga wuassu Mesir.

YEHEZKIEL 20:14

Arawe i Ya'u maddiri ma'ola'a udde waugu awawantugu arang-Ku, tadea'u arang-Ku tawe al᷊uandahannu manga walahanna apan naasilo si Ya'u nangapiddu Israel sumabbangnga wuassu Mesir.

YEHEZKIEL 20:9

Arawe i Ya'u tawe na'ola'a udde, tadea'u arang-Ku tawe al᷊uandahannu manga walahanna su tampa i mangitou uatana'a. Ana waugu su saruannu manga walahanna udde, i Ya'u buatte namasingkatta manungku walahannu Israel sarun Ta'u iapidda sumabbangnga wuassu Mesir.

YEREMIA 3:6

Sutempo i Ratu Yosia uaparenta, Mawu nabbisara arendi si ya'u, “I'o naasilote inolaannu Israel, wawine apan mal᷊awangnga udde? I tou nanantang-Ku wuṛṛu mammanara sussandaga su puiddu anambon wuidda apan matanggakka wuṛṛu su al᷊ungngu suapan aaluanna apan mapaṛṛampunga.

DARALO 115:1

Wal᷊ine i yami, oh Mawu, wal᷊ine i yami, arawe tumba'u I'o apan raddaloanna, ana waugu I'o mapia wuṛṛu sidutu marangngu.

EZRA 9:15

Mawu, Ruatan Israel! I'o matul᷊idda, salaiwe aroddi I'o namalan kami wiakka. I yami tawe su tampane sumaruanna aṛṛa'uan-Nu.”

YOSUA 7:9

Taumatan Kanaan wuṛṛu anambon taumata waine su leta'a indi sarun maaringikka olangnge udde. I mangitou sarun mamangalo wuṛṛu mamate si yami sarangkanambone! Ana see apa sarun olaannu tadea'u I'o sidutu a'addatanna?”

TAHIUL᷊E 32:27

Arawe i Ya'u maddiri seettu Israel mamarabunga; aṛṛengenne i mangitou massal᷊a sunna wuṛṛu mabbisara manungku i mangitou namaddon al᷊aṛṛana-U,’ wutte'e ete i Ya'u apan na'ola'a.

YEREMIA 8:14

“Anio i ite mangke mal᷊anna-l᷊annabba?” unnu umattu Ruata. “Wette i ite suaddio'a inaite massal᷊iu watukku manga soa apan pia tanda batune wala'e i ite mate poiaroddi. Mawu Ruatang kite buatte nanantunna manungku i ite ṛinone mate. I tou buatte nangonggolla si ite racunna iapa'inumma ana waugu i ite marosa si Tou.

DARALO 79:9

Ontol᷊ewe i yami oh Ruata, mananal᷊amatti yami, ampungewe manga rosan kami wuṛṛu pallosaawe i yami maola'a aaddata Si'o sassane.

YESAYA 48:11

Udde Ta'u niola'a hunan batangang-Ku sassane, ana waugu i Ya'u tawe mamalan arang-Ku lal᷊eoanna; awawantu-U tawe tahiang-Ku sisai-sai.”

YEREMIA 3:25

Nariaddi, wala'e i yami mamasanna asasili, wuṛṛu wala'e i yami mabbal᷊i lal᷊ebbone. Ana waugu, i yami wuṛṛu al᷊amonan kami narosate su lantakku hati Mawu Ruatang kami, wuṛṛu taambe saran paassa tumuṛṛutta manga parenta-Ne.”

YEREMIA 8:5

Arawe anio i yamiu, uma-U, sidutu sussempalla wuṛṛu mannantang-Ku? I yamiu uaagassa matohassa su manga paal᷊uannu, wuṛṛu maddiri mabbelengnga ringang-Ku!

AMOS 7:2

Manga saṛṛappalanna udde mangke maranin manginsue anambon sinuananna su leta'a. Wua'udde i ya'u nabbisara, “Mawu Apan Atanggaṛṛanne, ampungewe uman-Nu! I mangitou tumaniten addio'a wuṛṛu lome, ereapa wotongnge i mangitou maataṛṛangnga?”

YEREMIA 5:25

Arawe manga rosanu eteudde maola'a hal᷊ahe su al᷊awo'u apapia, na'oman sara i yamiu tawe maatemma udde.

YEREMIA 10:19

Tumana'u Yerusalem mangngintul᷊i, “I yami nal᷊essa wahewalla wuṛṛu tate mapia. Dorone i yami massunna manungku asasusa indi wotongnge i yami maapasanna, wutte'e tawe.

MIKHA 7:9

I ite narosate su Mawu, ana waugu udde orassa indi i ite ṛinone mamendamma asasa'u-Ne. Arawe tate mal᷊annu lai i Tou sarun manamba'a si ite wuṛṛu mangonggollu atatul᷊idda si ite. i Tou sarun mangapiddi ite sumabbangnga watukku asasemakka; i ite sarun maapendamma sassane manungku i Tou nanal᷊amatta si ite.