YEREMIA 14:22 - WUKE SUSI WATTI'U AL᷊AL᷊USASSA

²² Manga mongannu manga walahanna tawe mapanossokku uranna su runia. Langitta lai tawe wotongnge manossokku uranna ringannu taṛṛinone sassane. Tumba'u ete I'o aantimanni yami. I'o na'ola'a sarangkanambone udde nariaddi.

YEREMIA 14:22 Referans Kwoze

YOEL 2:23

Ei tumana'u Sion, lalluasse! Lallala'e wuṛṛu paggiote! ana waugu al᷊owo'u apapia wuassu Mawu Ruatanu. Sutempon manontongnga i Tou nangonggollu uranna manambo si'o. Sutempon masunge urana niwambin-Ne, wuṛṛu lai sutempo mallal᷊uwo ere su inanaramanne.

YEREMIA 5:24

Taambe saran paassa i yamiu mannaungnga tadea'u mangaddatta si Ya'u, sumbal᷊i ete i Ya'u apan nandolokku uranna, mawae ete su panattaṛṛanne aroddi lai su panginsueannu tempon uranna. Ete i Ya'u lai apan nangonggolla si yamiu tempon pangitinganna suapan mattonna.

DARALO 135:7

Wuassu pentakku runia i Tou nandantan winabbawa, i Tou na'ola'a sawallo hunan kuranna. Ana see i Tou namarenta anginna tadea'u sumabbangnga wuassu tampa pangaddoanne.

YESAYA 30:23

Napawe i yamiu mangasi'u wualanna, Mawu sarun mandolokku uranna tadea'u wualanna udde tumuwo wuṛṛu mangonggollu pangitinganna apan manambo-nambo. Su winatangnga papadul᷊ianannu sarun uasaddiate wadda'u nannal᷊o apan mal᷊alangnga.

TAHIUL᷊E 32:21

I mangitou na'ola'a i Ya'u nasa'u su saranapa apan wal᷊ine Ruata, wuṛṛu massa'u su paal᷊uanna sassubbanni mangitou. Ne i Ya'u na'ola'a manga al᷊aṛṛana-U nasa'u su apa apan wal᷊ine walahanna, wuṛṛu nasa'u su walahanna apan longonna.

YEREMIA 51:16

Tumba'u ringannu mangonggollu parenta, mangngelekke ua'e su winalanganna. Wuassu manga pentakku runia niaparanta-Ne winabbawa, wuṛṛu niolang-Nge sawallo malleessa sulal᷊ummu uranna, see niaparanta-Ne anginna wuassu tampa araddoanne.

YEREMIA 16:19

Mawu, ete I'o apan ual᷊u'adda si ya'u wuṛṛu nangonggollu atatohassa si ya'u; I'o nantul᷊ungku sutempon asasusa. Manga walahanna wuassu pentakku runia sarun dumanta ringan-Nu wuṛṛu mabbisara, “Al᷊amonan kami tumba'u pia mawu awusu apan mangke tawe gunane.

YEREMIA 10:15

Manga paal᷊uanna udde tawe aregane, ṛinone a'al᷊uandahanna wuṛṛu lobbosanna. Napawe nia'omante tempone i mangitou sarun mate.

YESAYA 41:29

Atonna-tonna, manga monganna udde tawe gunane, i mangitou tumba'u paal᷊uanna niwoso apan tawe maal᷊ore, wuṛṛu atwe mappa'ola'a manga apa.”

DARALO 130:5

I ya'u uaṛṛaddo sasumbalan Mawu, paaire-Ne ta'u aantimanna.

DARALO 25:21

Antimanna apapia wuṛṛu atatul᷊idda maṛṛundinganna si ya'u, ana waugu i ya'u uaantimma Si'o.

1 MARARATU 17:14

Ana waugu Mawu, Ruata apan sassubbannu taumatan Israel, nabbisara manungku mangko udde sidutu lal᷊oṛṛoannu taponna, wuṛṛu wotolla udde sidutu lal᷊oṛṛoannu lana ma'oman sara tempone Mawu mandantan uranna su runia.”

1 MARARATU 17:1

Pia sangkatou nabi aranne i Elia. I tou darantane wuassu Tisbe, sambau soa su wageangngu Gilead. Su allo sambau i tou nirumanta ringanni Ratu Ahab wuṛṛu nabbisara, “Ringannu arannu Mawu apan biakka, Ruata apan sassubbannu taumatan Israel wuṛṛu ta'u a'imbeanna, i ya'u mamasingkatta si Tuangnga manungku al᷊annune darua ara'e tallu tonna apan manansunna indi sarun tawe angngukka ara'e uranna saran addio'a, tabbene'e i ya'u mabbisara.”

TAHIUL᷊E 28:12

Mawu sarun manossokku uranna su tempone wuassu tampa aradoanne su langitta. I Tou sarun mangal᷊amatta al᷊awo'u inasaharannu, na'oman sara i yamiu wotongnge mapawallassa su anambon balahanna, arawe i yamiu sassane tawe mabballassa.

MIKHA 7:7

Arawe i ite mangngantimma Mawu; ringannu napenen pangangimanna i ite tuttuṛṛutta Ruatan kite. I Tou sarun maddaringikka aal᷊iomanni ite wuṛṛu manal᷊amatta si ite.

AMOS 4:7

I Ya'u namo'a uranna mangansalla sutempo sinuanannu tumaniten mappandumma ua'e. I Ya'u nanossokku uranna su soa apan sambau wuṛṛu wal᷊ine su soa apan waine. Wawail᷊anna sambau na asomba aansallu urana, ewe'e wawail᷊anna waine mamara-mara.

YEREMIA 10:13

Tumba'u ringannu mangonggollu parenta, mannuntingikke ua'e su langitta. Wuassu manga pentakku runia niaparanta-Ne winabbawa, wuṛṛu niolang-Nge sawallu ma'ilatta sulal᷊ummu uranna, see lai niapasabbang-Nge anginna wuassu pananahipunan-Ne.

YESAYA 30:18

Salaiwe aroddi, Mawu mangke ual᷊aṛṛaddo tempone mamasilon tatal᷊antu-Ne si yamiu. I Tou uasaddiate umakkanni yamiu. Ana waugu Mawu eteudde Ruata apan ma'ola'a sarangkanambone apan suṛṛinone. Lal᷊umanna'a su taumata apan mangngantimma si Tou.

DARALO 147:8

Ete i Tou apan namataddu winabbawa su langitta; i Tou nanaddia uranna iemaa'a su runia, wuṛṛu na'ola'a nannal᷊o niapatuwo su wuidda.

DARALO 27:14

Pangantimpe sidutu su Mawu, tohasse wuṛṛu patammura'e naungku; ore, pangantimpe Mawu!

DARALO 25:3

Taumata apan nandal᷊eo Si'o sarun pansilianna, arawe apan mangngimanna Si'o sarun tawe sumassila.

AYUB 5:10

I tou nanossokku uranna su wowon dunia, na'oman sara wawail᷊anna wuṛṛu wadda'a naṛṛolo niwokkanne.

1 MARARATU 18:1

Napawe manga pira tempo al᷊annune, su tonna atallune tempon mamara udde, Mawu nabbisara si Elia, “Roote saruanna si Ratu Ahab, tate mal᷊annu lai Ya'u manossokku uranna.”

1 MARARATU 8:36

antimanna wuassu surga I'o maddaringikka si mangitou. Wuṛṛu ampungewe rosan uman-Nu Israel wuṛṛu ratun mangitou. Aṛṛa'ete i mangitou ma'ola'a apa apan mapia. Wua'udde, oh Mawu, panossokken uranna su wanua-Nu indi, wanua apan buatte nionggollu Mawu su uman-Nu maola'a pussaane saran mal᷊annu-l᷊annu.

MATIUS 5:45

tadea'u i yamiu maola'a al᷊aṛṛana'u Iamangngi yamiu su surga. Ana waugu Ruata mapasabangngu matannallo su taumata apan mapia, wuṛṛu su taumata apan dal᷊eo lai. I tou napa'uranna su taumata apan ma'ola'a apapia wuṛṛu su taumata apan ma'ola'a al᷊al᷊eo lai.

YEREMIA 5:12

Umattu Mawu maggahatton apa apan tawe suṛṛinone su ola'u Mawu. I mangitou nabbisara, “Eh, i Tou tawe ma'aola'a apa-apa. I ite tawe aṛṛiaannu asasilaka wuṛṛu tawe lai maapendamma pangalo wuṛṛu ṛutumma.

YEREMIA 10:3

Addatta inanaramannu manga walahanna udde atonna-tonna tawe gunane. I mangitou mannuwangnga alu su mahurangnge, wuṛṛu mandolokku manga wasen kalu nirolokka niapamanara mallanginnu paal᷊uanna sassubbanna.

HOSEA 2:7

I tou sarun mangenggenna arangnguanne, arawe sarun tawe ma'oma ringanni mangitou. I tou sarun maddea'a si mangitou, arawe tawe maasangkalla si mangitou. Wua'udde i tou sarun mabbisara, ‘I ya'u sarun mabbelengnga ringannu awingku paarorone; dorone lal᷊umanna'u mappianne wuassu orassa indi.’

AYUB 28:26

sutempo i Tou nanantunnu tampan uranna mangansalla, wuṛṛu lal᷊anna apan amatannu sawallo wuṛṛu rallu'a;

YEREMIA 10:12

Mawu apan nandiaddi runia ringannu taṛṛino-Ne, na'ola'a runia ringannu asingkan-Ne, wuṛṛu namilattu langitta ringannu apapia-Ne.

MIKHA 5:6

Taumatan Israel apan lambene sarun maola'a ere wal᷊angngukka apan masuge wuassu Mawu hunan anambon balahanna, wuṛṛu ere uranna nangansalla su sinuananna. I mangitou sarun mangunsandakka su Ruata wuṛṛu wal᷊ine su taumata.