YEREMIA 14:19 - WUKE SUSI WATTI'U AL᷊AL᷊USASSA

¹⁹ Mawu, apa Yehuda buatte nito'e-Nu atonna-tonna wuṛṛu tumana'u Sion iaarantin-Nu? Anio aroddi aikkanne I'o namuulla si yami na'oman sara i yami tate lai mapia? Tate gunane i yami maddea'a paddarame, tate gunane i yami mangngantimma aaul᷊en baddangnga, ana waugu nallambe ete tumba'u araṛṛagissa.

YEREMIA 14:19 Referans Kwoze

LAL᷊ALLU 5:22

Arawe i yami buatte niramme-Nu atonna-tonna? Tawe pattaal᷊anne asasa'u-Nu si yami?

YEREMIA 8:15

Tawe gunane i ite mangngantimma paddarame wuṛṛu tempon pangangapia, ana waugu pia tumba'u araṛṛagissa.

1 TESALONIKA 5:3

Amungkangu taumata mabbisara, “Sarangkanambone mal᷊annabba wuṛṛu matammudda,” ne ete su tempo udde inaṛṛombanganne i mangitou sarun aṛṛiaannu papate wuṛṛu tawe saran sangkatou apan wotongnge maatal᷊angnga. Olangnge udde sarun mariaddi sangkaṛṛondapa, ere taddu'u sangkatou wawine apan sarun mangunsiwe.

YEREMIA 6:30

I mangitou sarun isaggo sal᷊a'a niramme, ana waugu i Ya'u, Mawu, buatte nandamme mangitou.”

YEREMIA 30:13

Tawe saran sangkatou apan umakkanna maddea'a apapianu, tawe undamma su manga hannenu, tate antimma si'o apan mapia.

YEREMIA 15:18

Anio i ya'u sidutu mangke uatataṛṛangnga? Anio lessa'u mangke tawe mapia? Apa I'o pia pandumma mangaddio'a naungku ere sal᷊ukka apan nabbal᷊i mamara sutempon paddissa?”

YEREMIA 12:8

Walahanna apan nipile-U lullawangnga si Ya'u; ere singa su mahurangnge etearoddi i mangitou mammaṛṛo si Ya'u. Ana waugu udde i Ya'u maddantinni mangitou.

DARALO 78:59

Naasilo udde, Ruata mangke nasa'u, wuṛṛu nanol᷊a'i mangitou.

AYUB 30:26

I ya'u mangngantimma lal᷊umanna'a wuṛṛu asasemakka, arawe ete asasusa wuṛṛu ararandumma apan nirumanta.

LAL᷊ALLU 4:17

Matan kami naasilote, ual᷊aṛṛaddo sumbala apan tawe rumanta. I yami uaantimma aontollu sambau walahanna, apan ṛinone tawe mapangonggollu manga apa.

LAL᷊ALLU 2:13

O Yerusalem, Soa Sion apan arangnguanna, winal᷊alanne ahewalle ere laudda. Apa apan wotongnge ta'u iwisara ipangonggollu bawinalatta? Ana waugu, taambe piaddu natataṛṛangnga asasusa ere i'o. Atonna taweddu wotongnge mamelengngu lal᷊umannangngu.

YEREMIA 15:1

Mawu nabbisara si ya'u, “I Ya'u tate umakkannu walahanna indi, salaiwe i Musa wuṛṛu i Samuel uarisikka isindi sumal᷊ande si Ya'u maiakkanna huna mangitou. Doloṛṛa'e walahanna indi massal᷊iu, i Ya'u maddirite ma'ellega si mangitou!

YEREMIA 8:22

Apate apan naahal᷊ahe na'oman sara walahangku naddatingngu orassa indi taambe lai napia? Apa su ahewallu Gilead tawe doktere ara'e undamma?

YEREMIA 7:29

Mawu nabbisara, “Ei tumana'u Yerusalem, lallal᷊ote! Pol᷊ote utangngu wuṛṛu rammea'e! Pangantariten aantarin asasusa roso su manga puiddu panenteanna ana waugu i Ya'u Mawu, tantal᷊anna massa'u wuṛṛu nano'eten kami nambo.

DARALO 89:38

Araratuanne sidutu tawe mawul᷊i ere wul᷊anna, tatiala mapia su winabbawa.”

2 TAWARIKH 36:16

Arawe i mangitou mannalangnga manga daroloṛṛannu Ruata udde, wuṛṛu lullagen manga nabi-Ne see lai tawe maddaringikka manga wisara-Ne. Panginsueanne Mawu aroddi nasa'u si mangitou na'oman sara tate dal᷊anna sabbanganni mangitou tadea'u mapallossa wuassu ṛuuman-Ne.

YEREMIA 12:7

Mawu nabbisara, “Tampa atatanaang-Ku tate lai iṛṛingi-U, wanua apan maola'a pussa'a-U buatte nitantang-Ku, wuṛṛu uma-U apan arangnguang-Ku buatte Ta'u nitantilla su lima manga seenne.

MIKHA 1:12

Asasilaka wuassu Mawu na'omate su saruannu ngara sasuttanna su Yerusalem! Ana waugu udde, tawe mariaddi taumatan Marot mangantimma aontolla.

AMSAL 29:1

Isai sidutu lullawangnga awungkangngu tantiroanna, su sambau tempo sarun mawinasa wuṛṛu tate maola'a apia.

YEREMIA 30:12

Mawu nabbisara su uman-Ne: “Raddangngu tumaniten mawakkatta, su lessanu tawe undamme.

YEREMIA 51:5

I Ya'u, Mawu, Ruata Apan Lembontaṛṛino, Ruata Israel susi, sarun tawe manantangu Israel wuṛṛu Yehuda, salaiwe i mangitou buatte na'ola'a rosa su saruang-Ku.

LAL᷊ALLU 2:22

I'o namaggo manga seetta apan iaata'utti yami niapaola'a andeangngu araṛṛagissa su tampan kami. I mangitou namate sarangkanambone apan papadul᷊iananna wuṛṛu arangnguanni yami. Su allo asasa'u-Nu, tawe saran sangkatou apan wotongne tumal᷊angngu watanganne.