YEREMIA 14:17 - WUKE SUSI WATTI'U AL᷊AL᷊USASSA

¹⁷ I ya'u nirolokku Mawu mamasingkattu asasusa'u su uman-Ne. I ya'u ṛinone mabbisara arendi, “Wala'ewe i ya'u lumuai tawe illol᷊one, allo ṛabbi mangngelekka allom mata. Ana waugu walahangku nal᷊essa wahewalla wuṛṛu tumaniten uatataṛṛangnga.

YEREMIA 14:17 Referans Kwoze

YEREMIA 8:21

Naungku naṛṛimunsa'a ana waugu walahangngu maradda'a mawakkatta; i ya'u lullal᷊o wuṛṛu u'ambul᷊isadda.

LAL᷊ALLU 2:13

O Yerusalem, Soa Sion apan arangnguanna, winal᷊alanne ahewalle ere laudda. Apa apan wotongnge ta'u iwisara ipangonggollu bawinalatta? Ana waugu, taambe piaddu natataṛṛangnga asasusa ere i'o. Atonna taweddu wotongnge mamelengngu lal᷊umannangngu.

YEREMIA 13:17

Amungkangngu i'o tawe maddaringikka, i ya'u sarun lumuai tawe tingikke. Ringannu apendamma massusa ta'u luaianna awawunganu udde. Allo mata'u mangngelekka ana waugu umattu Mawu niapidda naola'a atawanna.

YEREMIA 9:1

Apiawe eteapa amungkangngu pua'u ere paṛṛihi apan napeneng kua'e, wuṛṛu mata'u ere sal᷊ossogga apan sidutu mangngelekka! Ne i ya'u wotongnge lumuai allo wuṛṛu ṛabbi, lullalu manga taumata sambalahangku apan nipaten ro'appa.

MIKHA 6:13

Orassa indi Ya'u manattakke manggesekka wuṛṛu makkimunsa'a si yamiu ana waugu manga rosanu.

LAL᷊ALLU 2:18

Ei manga darandungngu Yerusalem, sal᷊andete su Mawu! Paturoa'e allon mata ere sal᷊ukka apan mangngelekka allo ṛabbi. Lalluaite sidutu, arie pangillol᷊o ma'oman sara watangannu mallome!

YEREMIA 10:19

Tumana'u Yerusalem mangngintul᷊i, “I yami nal᷊essa wahewalla wuṛṛu tate mapia. Dorone i yami massunna manungku asasusa indi wotongnge i yami maapasanna, wutte'e tawe.

YESAYA 37:22

Mawu nabbisara, “Soan Yerusalem lullage wuṛṛu mallobbossa si'o, Sanherib!

DARALO 39:10

I ya'u mal᷊annaba tawe namu'a moṛṛongku, ana waugu ete I'o apan mamuulla si ya'u.

AMOS 5:2

Nanawote Israel apan ta'e parawanna, i tou sarun tate maarisikka apia! Su wowon letangnge sassane i tou niwala taweddu massumbala si tou dumarisikka.

DARALO 119:136

Allommata'u mangngelekka ere sal᷊ukka, ana waugu tita-Nu tawe tuṛṛutanna.

YEREMIA 8:18

Naungku na'iṛṛitta wuṛṛu maṛṛagge, asasusa'u tawe aundumanna.

2 MARARATU 19:21

Mawu nabbisara, “Soan Yerusalem lullage wuṛṛu mangngal᷊uandaga si'o, Sanherib.

YEREMIA 9:18

Taumatan Yehuda mabbisara, “Doloṛṛa'e i mangitou mangngantarin aantarin lalal᷊o hunan kite sarangkanambone, tadea'u allon mata mangke lakkubbasanna su wambalan kite.”

YEREMIA 18:13

Mawu nabbisara, “Iwal᷊oi su anambon balahanna apa buatte nariaddi olangnge ereudde. Umattu Israel buatte na'ola'a sambau inolaanna apan ma'ata'utta!

LAL᷊ALLU 2:11

Mata'u hinumanne ana waugu lulluai tawe illol᷊one, ṛimuu'u massusa tawe sumandingnge. Naungku natuno naasilo ahahohakku walahanna; naasilo al᷊aṛṛana'a see bayi ana'a maradio'a napinsanna su manga lal᷊annu soa.