YEREMIA 14:15 - WUKE SUSI WATTI'U AL᷊AL᷊USASSA

¹⁵ I mangitou mabbisara sulal᷊ummu arang-Ku manungku wanua indi sarun tawe aṛṛiaannu pangalo ara'e al᷊aṛṛutumma, sumbal᷊i Ya'u tawe nandolokki mangitou mabbatti'u udde. I Ya'u, Mawu, namasingkatta si yamiu, Yeremia, apa apan sarun Ta'u olaanna ringannu manga nabi apan tawe Ta'u nirolokka udde. I Ya'u sarun mamate si mangitou ringannu pangalo wuṛṛu al᷊aṛṛutumma.

YEREMIA 14:15 Referans Kwoze

YEHEZKIEL 14:10

Mawae nabi udde ara'e i mangitou apan maddorongnga tatantirone, sarun maasomba ṛuumanna apan uasul᷊ungnga.

SONDAPPA 19:20

Ne winatangnga udde niasametta suadio'a ringannu nabi awusu apan suete na'ola'a manga al᷊aṛṛindu'a su saruannu winatangnga udde. (Ringannu manga al᷊aṛṛindu'a uddewe winatangnga udde nangawusu manga taumata apan uatahuanna tatialam binatangnga udde, wuṛṛu manga taumata apan massubba paal᷊uannu winatangnga udde.) See winatangnga udde wuṛṛu nabi awusu udde niramme ta'e wiakka sulal᷊ummu tahal᷊oangngu putungnga apan lukkenggama ringannu belerangnga.

AMOS 7:17

Mawu nabbisara manungku awingngu sarun mabbal᷊i wawine masandaga su manga lal᷊annu soa, wuṛṛu manga anangngu pateanna sulal᷊ummu pangalo. Letangngu sarun tahianna apan tawe maaillal᷊a Mawu. Tumana'u Israel sarun ṛuwoanna watukku pamamuanganna, marau wuassu wanuane sassane.”

YEREMIA 20:6

Wuṛṛu i'o, Pasyhur, suadio'a ringannu anambon amonannu lai sarun sametanna wuṛṛu iapidda watukku Babel. Poiaroddi i'o sarun mate wuṛṛu ilabbingnga; aroddi lai anambon hawenu apan buatte naddaringikka manga awusunu.’ ”

YEREMIA 8:12

Ei uma-U, ṛinone i yamiu masili ana waugu buatte na'la'a sarangkanambone apan dal᷊eo udde! Arawe wambalang kamiu maappalla wuṛṛu tawe masili. Ana waugu udde i yamiu sarun manawo ere taumata waine apan nanawote; nasuete hattone napawe i Ya'u makkuumanni yamiu.

YEREMIA 6:15

Ṛinone i mangitou masili ana waugu buatte na'ola'a sarangkanambone apan dal᷊eo udde. Arawe i mangitou wambala maappalla wuṛṛu wagga masili. Ana waugu udde i mangitou sarun manawo ere taumata waine, nuddusse watti'u pabbiaṛṛanni mangitou napawe i Ya'u makkuumanni mangitou. I Ya'u, Mawu, buatte nabbisara.”

1 MARARATU 22:25

I Mikha sinumimbakka, “Paṛṛaddote i'o pa'ellega tialane sutempo i'o sumutta su sambau wabbo'a maddea'a pa'imbunianna.”

YEREMIA 23:30

I Ya'u sarun mando'appa manga nabi apan mammasingkattu tanata wuassu hawene, wua'udde mabbal᷊o manungku udde tanata wuassia-U.

YEREMIA 27:15

I mangitou nabbisara manungku i mangitou mabbisara ringannu arannu Mawu, arawe i mangitou mangngawusu. Mawu sassane nabbisara manungku i Tou tawe nandolokki mangitou. Ana waugu udde i Tou sarun manal᷊iawukka wuṛṛu mamate si Tuangnga suadio'a ringannu manga nabi apan buatte nangawusu si Tuangnga.”

LAL᷊ALLU 1:19

I ya'u namaggo manga hawe'u ate arawe i mangitou namontol᷊osanna si ya'u. Manga imam wuṛṛu piaṛṛa'u walahanna sarangkanambone natete su manga lal᷊annu soa. Sutempo maddea'a wiakka ipandalukka niawa.

LAL᷊ALLU 2:20

Mawu, ellehete wuṛṛu panutukke i mangitou apan sassansaran-Nu udde! Apa piaddu suete apan niolang-Ngu aroddi? Inangnga niuminassa anangne sidutu apan arangnguanna, imam wuṛṛu nabi nipate sulal᷊ummu Wal᷊en-Nu apan susi.

YEHEZKIEL 13:14

I Ya'u pia pandumma mapaṛṛa'an darandungnga apan niwuṛṛanni yamiu udde, ringannu ihohakka ma'oman sara mallambe ete mal᷊itangnge sassane. Darandungnga udde sarun maṛṛa'a wuṛṛu mamate i yamiu sarangkanambone. Ne i yamiu masingkatte manungku ete i Ya'u Mawu.

YEHEZKIEL 14:9

Amungkangngu sangkatou nabi buatte niwahianna na'oman sara mangonggollu sasimbakka nassal᷊a, ete i Ya'u apan namahia si tou. I Ya'u Mawu Apan Atanggaṛṛanne sarun mallimbuakka si tou wuassu manga taumatan Israel.

MIKHA 3:5

Walahangku niwahiannu manga nabi apan manni'attu apapia su taumata apan tawe mongonggolla. Su manga nabi aroddi, Mawu nabbisara,

TAHIUL᷊E 18:20

Arawe amungkangngu sangkatou nabi waṛṛani mamasingkattu sambau tanata wuassu arang-Ku sumbal᷊i Ya'u tawe nandolokki tou ma'ola'a aroddi, i tou ṛinone mate; aroddi lai suapan nabi apan mabbisara ringannu arannu manga Mawu waine udde ṛinone mate.’

YEREMIA 8:13

Mappulu atonna i Ya'u mangammullu uma-U ere taumata mangammullu hessin letangnge. Arawe, uma-U ere punnu anggore wuṛṛu punnu alu ara apan tawe mabbua, ewe'e lai manga rongngane tinumolangke. Ana waugu udde i Ya'u buatte namalan taumata raho rumanta wuṛṛu mangagassa wanuan mangitou. I Ya'u, Mawu, buatte nabbisara.”

YEHEZKIEL 13:9

I Ya'u sarun makkuumanni yamiu, ei manga nabi apan mammasingkattu pani'atta awusu wuṛṛu ma'ira-ira manga sondappa! I yamiu tate lai wotongnge mangonggollu laṛṛawessa sulal᷊ummu manga ammul᷊annu uma-U. Manga rannu sarun pappasanna wuassu reengannu walahannu Israel, wuṛṛu i yamiu tate maapule su leta'a inariaddiannu. Ne i yamiu masingkatte manungku ete i Ya'u Mawu Apan Atanggaṛṛanne.

YEHEZKIEL 13:15

Darandungnga udde wuṛṛu i yamiu apan buatte namuṛṛa sarun maapendamma aroddi ahewalle asasa'u-U. Wua'udde Ta'u iwal᷊o si yamiu manungku darandungnga udde nawul᷊ite, ere lai i yamiu apan namuṛṛa,

YEHEZKIEL 33:6

Arawe amungkangngu mandariaga udde naasilo seetta nirumanta wuṛṛu i tou tawe napantuntingikku tatialan silaka, see seetta namate manga taumata marosa udde, winabbawa su ola'u papate mangitou Ta'u ipandansilanna si tou.