YEREMIA 14:14 - WUKE SUSI WATTI'U AL᷊AL᷊USASSA

¹⁴ Arawe Mawu sinumimbakka, “Manga nabi udde mangapiddu watti'a awusu ringannu arang-Ku; i Ya'u tawe nandolokki mangitou, wuṛṛu tawe lai nangonggollu parenta ara'e naggahatto mangitou. Manga aellegga apan iwabbatti'i mangitou wal᷊ine wuassia-U; i mangitou maṛṛangngo manga inolaanna tawe gunane apan iaarangnga sassane.

YEREMIA 14:14 Referans Kwoze

YEHEZKIEL 12:24

Su Israel tate lai sondappa ara'e aellega palassu,

YEREMIA 29:31

nangirimmu watti'a su ola'i Semaya su anambon taumatan Israel apan niwuanga su Babel. Eteindi watti'a udde, “Semaya buatte nabbisara si yamiu ere ola'u i tou nabi; sumbal᷊i Ya'u, Mawu, tawe nandolokki tou. Ana waugu i tou buatte na'ola'a si yamiu mangngimanna su wisara awusu,

LAL᷊ALLU 2:14

Apan niapasingkattu manga nabi si'o, tumba'u aawusu wuṛṛu wawahia sassane. I mangitou taambe naasi'attu rosanu, na'oman sara ana waugu udde i'o maddiri mawal᷊u. Nawal᷊i'a i mangitou tumba'u mammasingkatta si'o manga wisara awusu apan maasarootta.

MIKHA 3:11

Manga tembonannu soa mammarenta ringannu maasomba roitta aonggolla, manga imam mangngaṛṛa'u titan Mawu tadea'u maasomba lal᷊antakke, wuṛṛu manga nabi maddorongnga tatantiro wuassu Ruata tadea'u maasomba roitta – ana see i mangitou sarangkanambone massunna manungku Mawu uasamba'a si mangitou. I mangitou nabbisara, “Mawu udde su pattangnganni ite; i ite sarun tawe aṛṛiannu asasilaka.”

YEREMIA 5:31

manga nabi mangngawusu, manga imam mangngimbe tumuṛṛuttu apulun naungnge sassane wuṛṛu i yamiu uma-U mappulun inolaanna udde. Arawe apa apan sarun olaanni yamiu napawe nia'omante allo panginsueanne?”

YEHEZKIEL 21:29

Aellega apan niasiloanni yamiu udde palassu, wuṛṛu pani'atta apan iwabbalong kamiu udde lai wawahia wuṛṛu awusu. I yamiu lal᷊eo wuṛṛu mal᷊awangnga, wuṛṛu tempo ipakkuumannu apan panginsueanne maranite. Hal᷊ele udde sarun maṛṛata ullekkanu.

1 TIMOTIUS 4:2

apan niapaasingkatu taumata lilangkamal᷊e'a wuṛṛu taṛṛa wahia. Lal᷊ummu naungngu manga taumata udde marandumpe.

ZAKARIA 13:3

Wuṛṛu amungkangngu ta'e pia taumata apan mabbisara manungku i tou mammasingkattu tanata, iamangnge inangnge sassane sarun mabbal᷊o si tou manungku i tou ṛinone iṛṛuumanna pateanna, ana waugu apan niwisarane uddewe awusu. Amungkangngu i tou sidutu mangnga'u watanganne sangkatou nabi lai, i tou sarun usu'annu iamangnge inangngene sassane ma'oman sara nate.

ZAKARIA 10:2

Manga taumata apan maddorongnga tantatiro su manga paal᷊uanna wuṛṛu manga manani'atta, arawe manga sasimbakka apan niasombanganni mangitou uddewe awusu wuṛṛu mangke tawe loṛṛone. Piaddu mannal᷊a'an bal᷊iawa,arawe tatal᷊a'an mangitou tumba'u mangal᷊iwun kamiu, wuṛṛu lal᷊uassa apan nionggolle tawe pangaratianne. Ana waugu udde tumanangnge nassal᷊iawukka ere domba. I mangitou massusa ana waugu tawe piaṛṛangnge.

YEHEZKIEL 13:23

Orassa indi nuddusee manga sondappa awusu wuṛṛu manga pani'atta wawahianu. Ta'u iapasal᷊amatta uma-U wuassu wawonongu lal᷊eo. Ne i yamiu masingkatte manungku ete i Ya'u Mawu.”

YEREMIA 37:19

Suapate manga nabin Tuangnga udde apan mabbisara manungku ratun Babel tawe mamangalo si Tuangnga wuṛṛu wanua indi?

YEREMIA 29:21

Mawu Apan Lembontaṛṛino, Ruatan Israel, buatte nabbisara su ola'i Ahab ana'i Kolaya, wuṛṛu su ola'i Zedekia ana'i Maaseya apan nappaattu arannu Mawu ipamasingkattu manga inolaanna awusu. Mawu nabbisara manungku i Tou sarun manantilli mangitou su taṛṛino Nebukadnezar ratun Babel, apan sarun mamate si mangitou su saruannu matanu.

YEREMIA 28:15

Sarangkanambone udde ta'u niapasingkatta si Hananya, ana see i ya'u nabbisara apia, “Paddaringikka, ei Hananya! I'o tawe nirolokku Mawu; i'o buatte na'ola'a manga walahanna indi mangngimanna wisara awusu.

YEREMIA 28:13

inai ringanni Hananya mabbisara arendi, “Mawu nabbisara manungku i'o wotongnge lai mamaddi pasanganna alu, arawe i Tou sarun mangganti udde ringannu pasanganna atta'a.

YESAYA 9:15

Manga piaṛṛa'u walahannu udde buatte nangal᷊iwu wuṛṛu nanongkakku tumana'u soa.

1 YOHANES 4:1

Manga tuṛṛangnga apan arangnguanna! Arie pangimanna anambon taumata apan mangnga'u Ghaṛṛahon Duata, arawe annama'a asuene i mangitou tanne ghaṛṛaho mangitou udde niarantanne wuassu Ruata ara'e tawe. Ana waugu manambonabi awusu apan u'amatta su al᷊awo'u tampa.

TAHIUL᷊E 18:20

Arawe amungkangngu sangkatou nabi waṛṛani mamasingkattu sambau tanata wuassu arang-Ku sumbal᷊i Ya'u tawe nandolokki tou ma'ola'a aroddi, i tou ṛinone mate; aroddi lai suapan nabi apan mabbisara ringannu arannu manga Mawu waine udde ṛinone mate.’

YESAYA 56:10

Mawu nabbisara, “Manga piaṛṛa'u pabbawala-U uddewe manga taumata wuta! I mangitou waggan apa-apa. I mangitou naal᷊ihidda asu mou apan tawe tumawanna, arawe sidutu mattiilla wuṛṛu mabbal᷊iawa. Lal᷊umanna'a atonna i mangitou mattiilla!

YEREMIA 8:11

Manga lessan uma-U su sunna mangitou tumba'u lessa addio'a. ‘Eh, tawe apa-apane,’ unni mangitou, ‘Sarangkanambone mapia wuṛṛu mal᷊angnganna.’ Wutte'e mangke tawe.

YEREMIA 20:6

Wuṛṛu i'o, Pasyhur, suadio'a ringannu anambon amonannu lai sarun sametanna wuṛṛu iapidda watukku Babel. Poiaroddi i'o sarun mate wuṛṛu ilabbingnga; aroddi lai anambon hawenu apan buatte naddaringikka manga awusunu.’ ”

YEREMIA 28:11

Su saruannu anambon tumana'u soa apan nirumanta isudde, i tou nabbisara, “Mawu nabbisara manungku ete arendi olangnge i Tou sarun mamaddi pasanganna apan niandangngi Ratu Nebukadnezar su pal᷊u'an al᷊awo'u walahanna; Mawu sarun mapaamattu udde sulal᷊ummu rua tonna indi.” Wua'udde i ya'u napul᷊ete.

LAL᷊ALLU 2:9

Manga ngarane niaomboannu leta'a, anambon papal᷊ene napaddi; ratu wuṛṛu tembonannu pamarenta poite su pamuanganna. Titan Mawu tate lai iaṛṛa'a; nabi tate lai manengkamma sondappa wuassu Mawu.

YEREMIA 8:10

Ana waugu udde i Ya'u sarun mangonggollu wailla su manga mawun leta'a waine, wuṛṛu awingngi mangitou su taumata waine. I mangitou sarangkanambone, wahewalla addio'a, maddea'a auntungnganna ringannu lal᷊anne mammahia. Ewe'e lai manga nabi wuṛṛu imam mangngawusu taumata.

YEHEZKIEL 13:2

“Ei taumata apan mattate, tagguete manga nabin Israel apan mammasingkattu nubuatta apan niarangnge sassane. Doloṛṛa'e i mangitou maddaringikka wisara-U.”