YEREMIA 14:12 - WUKE SUSI WATTI'U AL᷊AL᷊USASSA

¹² Salaiwe i mangitou mappuasa, i Ya'u maddirite maddaringikka sasal᷊ande mangitou ma'intolla; wuṛṛu salaiwe i mangitou mangonggolla si Ya'u sasamba itattambunna ara'e sasamba gandumma, i Ya'u tawe mal᷊uassa si mangitou. Arawe mawal᷊i'a, i Ya'u sarun mamate si mangitou ringannu pangalo, al᷊aṛṛutumma wuṛṛu al᷊aṛṛusa'itta.”

YEREMIA 14:12 Referans Kwoze

YEHEZKIEL 8:18

I mangitou sarun mattemma asasa'u-U apan bahewalla! I Ya'u tawe mangonggollu ampunge si mangitou. Salaiwe i mangitou mangintul᷊in aal᷊iomanna si Ya'u ringannu ma'ikka-ikkatta, i Ya'u maddiri maddaringikka!”

YEREMIA 11:11

Ana waugu udde, i Ya'u, Mawu, mapanaungnga manungku i Ya'u sarun mandantan asasilaka si mangitou wuṛṛu i mangitou tawe maal᷊inda'a. Amungkangngu i mangitou mailal᷊are maiontolla si Ya'u, i Ya'u maddiri maddaringikka.

YEREMIA 6:20

Ipa'ura amania apan iapiddi mangitou si Ya'u wuassu Syeba, ara'e manga rampa-rampa wuassu wanua marau? Tawe maola'a i Ya'u manengkamma sasamba mangitou. I Ya'u maddiri manga sasamba itattambunna wuassi mangitou.

AMSAL 1:28

Sutempo udde i yamiu sarun mamaggo si ya'u, arawe i ya'u tawe sumimbakka. I yamiu sarun maddea'a si ya'u suapan tampa arawe tawe massomba'u.

ZAKARIA 7:13

I Ya'u tawe sumimbakka aal᷊iomanni mangitou, ana waugu i mangitou lai tawe maddaringikka sutempo i Ya'u mabbisara.

MIKHA 3:4

Sarun a'omanna tempone i yamiu mangintul᷊i maiontolla su Mawu, arawe i Tou maddiri sumimbaka. i Tou tawe maddaringikka manga aal᷊iomannu, ana waugu i yamiu buatte na'ola'a al᷊al᷊eo.

YEHEZKIEL 14:21

Mawu Apan Atanggaṛṛanne nabbisara, “I Ya'u mangema'u appatta ṛuumang-Ku apan asaddatanne su Yerusalem ipamate mawae taumata aroddi lai winatangnga. Ṛuumanna udde eteudde: pangalo, al᷊aṛṛutumma, winatangnga mal᷊aṛṛaga wuṛṛu ṛiwutta.

YEREMIA 24:10

I Ya'u sarun mandanta si mangitou pangalo, ṛutumma, wuṛṛu sa'itta ma'oman sara i mangitou sarangkanambone mate wuṛṛu taweddu matantangnga su wanua indi apan buatte Ta'u nionggolla si mangitou wuṛṛu al᷊amona mangitou.”

YEREMIA 16:4

I mangitou sarun mate amatannu sa'itta apan mangipiddi mangitou su papate, wuṛṛu i mangitou sarun mate sulal᷊ummu pangalo ara'e maten al᷊aṛṛutumma. Tawe saran sangkatou apan lumuai ara'e mallabbingngi mangitou. Winal᷊unanni mangitou sarun massal᷊iawukka ere pupukka su leta'a, wuṛṛu inasannu manu'u winalanganna wuṛṛu winatangnga mal᷊aṛṛaga.

YEREMIA 9:16

I mangitou sarun Ta'u isal᷊iawukka suwallattu manga walahanna apan awagananni mangitou ara'e al᷊amona mangitou. I Ya'u sidutu sarun mandolokku tantara apan mammangalo si mangitou ma'oman sara i Ya'u mamate si mangitou abbi.”

YESAYA 58:3

Walahanna udde naiwal᷊o, “Apa hunane mappuasa amungkangngu Mawu tawe maasilo? Apa hunane i ite mattingkawawon batanganni ite amungkangngu i Tou tawe mappandumma?” Mawu nabbisara, “Atonna-tonna manungku tantal᷊anna i yamiu mappuasa, i yamiu maddea'a auntunganna sassane wuṛṛu mammoddo manga taumatan sewanu.

AMSAL 28:9

Amungkangngu i'o tawe tumuṛṛutta titan Duata, Ruata lai sarun masamballu aal᷊iomannu.

AMSAL 21:27

Mawu tawe lumuassu sasamban taumata lal᷊eo, nangillembote amungkangngu ionggolla ringannu naungnga lal᷊eo.

AMSAL 15:8

Mawu mannengkamma aal᷊iomannu taumata mapia, arawe i Tou maddantinnu sasamban taumata lal᷊eo.

SONDAPPA 6:8

I ya'u na'ellega, see niasiloangku sambau awal᷊o hatine namillosa. Sumasa'ene aranne Papate. Wuassu liudde, i tou tatantalongannu Runiam Papate marani-rani. Taṛṛino su wageangnge aiappane su runia indi tinantilla si mangitou, tadea'u i mangitou wotongnge mamate sulal᷊ummu pangalo, sulal᷊ummu ṛutumma, ara'e al᷊aṛṛusa'itta wuṛṛu wuassu manga winatangnga mal᷊aṛṛaga.

AYUB 27:9

Apa Ruata sarun maddaringikka lal᷊uaine napawe asasusa maṛṛia'a si tou?

YEREMIA 8:13

Mappulu atonna i Ya'u mangammullu uma-U ere taumata mangammullu hessin letangnge. Arawe, uma-U ere punnu anggore wuṛṛu punnu alu ara apan tawe mabbua, ewe'e lai manga rongngane tinumolangke. Ana waugu udde i Ya'u buatte namalan taumata raho rumanta wuṛṛu mangagassa wanuan mangitou. I Ya'u, Mawu, buatte nabbisara.”

YEREMIA 21:6

Tumana'u soa indi sarun Ta'u pateanna; mawae ete taumata aroddi lai winatangnga sarun mate ana waugu al᷊aṛṛusa'itta apan bahewalla.

YEREMIA 32:24

Manga taumatan Babel buatte napararisikku manga tanda'a batu palliwunanna mipamal᷊iwutta soa huna ipangaṛṛo, wuṛṛu orassa indi i mangitou mammangalote. Pangalo, ṛutumma, wuṛṛu al᷊aṛṛusa'itta maola'a pangillul᷊ennu soa indi manawo su lima mangitou. I'o maasilo manungku sarangkanambone apan niwisara-Nu nilumiatta'e.

YEHEZKIEL 14:19

Wotongnge mariaddi i Ya'u mandantan ṛiwutta su wanua udde, wuṛṛu Ta'u iapasabbangnga asasa'u-U su saruanne ma'oman sara mawae taumata aroddi lai winatangnga sarun mate.

HOSEA 5:6

I mangitou inaite maddea'a Mawu ringannu uaapiddu domba wuṛṛu sapi olaanna sasamba, arawe sarangkanambone udde tawe gunane. Ana waugu Mawu nanantangken mangitou, wuṛṛu i mangitou tate maasomba si Tou.

AMOS 5:21

Mawu nabbisara, “I Ya'u maddantinna wuṛṛu mattaṛṛa muta ma'ellega manga ramean agamanu!

MALEAKHI 1:10

Mawu Apan Lembontaṛṛino nabbisara, “Mappianne ngaran Wal᷊e-U irṛṛudda, ana waugu tawe gunane i yamiu mande'omma putungnga su wowon mezbah-U. I Ya'u tawe mal᷊uassa si'o, wuṛṛu maddiri manengkamma sasambanu.

MALEAKHI 2:13

Wuṛṛu indi inolaannu apan waine. Mezbah Mawu niammoanni yamiu ringannu allom mata; i yamiu lulluai wuṛṛu sussangitta ana waugu tate lai manengkamma manga sasambanu.

YEREMIA 11:14

Ana waugu udde, Yeremia, ariete umal᷊iomanni mangitou ara'e maiontolla si Ya'u huna mangitou! Amungkangngu i mangitou sulal᷊ummu asasusa wuṛṛu maiontolla si Ya'u, i Ya'u maddiri maddaringikka si mangitou.”

YEREMIA 15:1

Mawu nabbisara si ya'u, “I Ya'u tate umakkannu walahanna indi, salaiwe i Musa wuṛṛu i Samuel uarisikka isindi sumal᷊ande si Ya'u maiakkanna huna mangitou. Doloṛṛa'e walahanna indi massal᷊iu, i Ya'u maddirite ma'ellega si mangitou!