YEREMIA 14:10 - WUKE SUSI WATTI'U AL᷊AL᷊USASSA

¹⁰ Su ola'u walahanna udde Mawu nabbisara, “I Ya'u tawe mal᷊uassa su manga taumata udde apan maapulu tumal᷊angngu watanganne wua dingang-Ku, wuṛṛu tawe maaatokku watanganne. I Ya'u tawe maabul᷊i pasasal᷊a mangitou, i Ya'u sarun makkuumanni mangitou ana waugu rosa mangitou.”

YEREMIA 14:10 Referans Kwoze

HOSEA 9:9

Tumaniten dal᷊eo inolaannu ere buatte niola'u tamata su Gibea Ruata sarun mannaungnga pasasal᷊anu, wuṛṛu makkuumanni yamiu ana waugu rosanu.

HOSEA 8:13

I mangitou apulune mangngonggollu sasamba si Ya'u, wuṛṛu u'inassa ṛemessu sasamba udde, arawe i Ya'u Mawu, tawe mal᷊uassa ringannu manga sasamba udde. Orassa indi i Ya'u mannaungke rosan mangitou wuṛṛu makkuumanni mangitou ana waugu manga rosa udde; i Ya'u sarun mangirimmi mangitou mabelengnga apia su Mesir!

DARALO 119:101

I ya'u nallinda'u manga pallal᷊aghu lal᷊eo, tadea'u i ya'u matuṛṛutta su manga al᷊aṛṛang-Ngu.

AMOS 5:22

Amungkangngu i yamiu mangapiddu sasamba itattambunna wuṛṛu gandumma, i Ya'u maddiri manengkamma. I Ya'u maddiri manengkamma manga winatangngu apan mangkatawa udde apan ionggolli yamiu si Ya'u maola'a sasamban paddareme.

YEREMIA 6:20

Ipa'ura amania apan iapiddi mangitou si Ya'u wuassu Syeba, ara'e manga rampa-rampa wuassu wanua marau? Tawe maola'a i Ya'u manengkamma sasamba mangitou. I Ya'u maddiri manga sasamba itattambunna wuassi mangitou.

IBRANI 8:12

I Ya'u sarun mangampunga manga pasasal᷊a mangitou, wuṛṛu tate lai mannaungnga manga rosa mangitou.”

YEREMIA 31:34

Tate gunane lai wuassi mangitou mangaṛṛa'a sansul᷊ungnge ipa'illal᷊a Mawu. Ana waugu i mangitou sarangkanambone, wahewalla addio'a, sarun maaillal᷊a si Ya'u. Manga pasasal᷊a mangitou sarun timbul᷊ianang-Ku, manga rosa mangitou Ta'u ampunganna. I Ya'u, Mawu, buatte nabbisara.”

HOSEA 11:9

I'o sarun tawe Ta'u iṛṛuumanna sulal᷊ummu asasa-U; i'o tate Ta'u ṛimunsaanna apia. Ana waugu ete i Ya'u Ruata, wal᷊ine taumata. I Ya'u, Apan Susi, uarundinganna si'o, wuṛṛu maddirite lai masa'u si'o.”

HOSEA 11:7

wuṛṛu mangke mappulu manantang-Ku. Ne i mangitou sarun allanganna, arawe taweddu mamallossi manitou salaiwe i mangitou mangngintul᷊i ma'iontolla.”

YEREMIA 8:5

Arawe anio i yamiu, uma-U, sidutu sussempalla wuṛṛu mannantang-Ku? I yamiu uaagassa matohassa su manga paal᷊uannu, wuṛṛu maddiri mabbelengnga ringang-Ku!

YEREMIA 2:36

Mal᷊ihakka atonna i yamiu inai ringannu manga mongannu walahannu waine tadea'u maiontolla! I yamiu sarun iapasassillu taumata Mesir, ere lai i yamiu niapasassillu Asyur.

1 MARARATU 17:18

Ana see unnu wawine wal᷊u udde si Elia, “Allangngu Ruata, anio Iamangnga na'ola'a olangnge indi su saruangku? Apa Iamangnga rumanta tadea'u Ruata manaungnga rosa'u, na'oman sara ana'u rinone mate?”

1 SAMUEL 15:2

I tou sarun makkuumannu taumatan Amalek, ana waugu al᷊amonan mangitou nilumawangnga taumatan Israel sutempo taumatan Israel nirumanta wuassu Mesir.

YEREMIA 3:13

Panga'ute manungku i'o nassala wuṛṛu buatte nilumawangnga su saruannu Mawu, Ruatanu. Panga'ute manungku su al᷊ungngu suapan punnu alu apan mappaṛṛampunga i'o buatte namatu'a apulunu su manga mawun balahanna waine, wuṛṛu tawe tumuṛṛutta manga parenta-U. I Ya'u, Mawu buatte nabbisara.”

YEHEZKIEL 29:16

Israel tate lai maddorongnga sasumbala si'o. Pal᷊addu pabbiaṛṛannu ei walahannu Mesir sarun mapanaungngu Israel aroddi nial᷊iwune mangngasakku Mesir, ere buatte niolangne. Ne Israel naasingkatte manungku ete i Ya'u Mawu Apan Atanggaṛṛanne.”

HOSEA 7:2

Tawe saran paasa sinumambbi sulal᷊ummu ṛingiranni mangitou manungku i Ya'u sarun mannaungnga al᷊awo'u al᷊al᷊eo udde. Arawe manga rosan mangitou uapal᷊iwutta si mangitou na'oman sara i Ya'u naasilo ringannu matualaga.”

HOSEA 7:13

Nasilakate i mangitou, ana waugu i mangitou buatte nanantang-Ku. I mangitou sarun maṛṛimunsa'a ana waugu buatte nilumawangnga si Ya'u. I Ya'u mappulu manal᷊amatta si mangitou, arawe patataṛṛamawun mangitou mangke awusu atonna.

AMOS 3:2

“Wuassu anambon walahanna su runia, ete i yamiu sassane walahanna apan asingkatang-Ku wuṛṛu lal᷊u'arang-Ku. ana waugu udde rosanu wahewalla, wuṛṛu i Ya'u sarun makkuumanni yamiu.”

SASABANGNGA 32:34

Roote orassa indi, wuṛṛu apira'e i mangitou udde watukku tampa apan buatte niwal᷊o si'o. Mala'eka'-U sarun mangehetta si'o, arawe tempone sarun dumanta manga taumata udde sarun Ta'u iṛṛuumanna ana waugu manga rosan mangitou.”

DARALO 95:10

Appatu pul᷊o su tonnane al᷊annune i Ya'u nuallen mangitou; wisara-U: Atonna, walahanna udde mal᷊awangnga! I mangitou tawe maddaringikka manga parenta-U.