YEREMIA 13:22 - WUKE SUSI WATTI'U AL᷊AL᷊USASSA

²² Asinungka i yamiu maiwal᷊o anio sarangkanambone udde naṛṛia'a su watangannu, anio laungngu nihesa'a wuṛṛu i yamiu niṛṛampassa. Ṛinone i yamiu masingkatta manungku udde nariaddi ana waugu rosanu tumaniten bahewalla.

YEREMIA 13:22 Referans Kwoze

NAHUM 3:5

Mawu apan Lembontaṛṛino nabbisara, “Ei Niniwe, i'o sarun Ta'u sansaranna! Nasanu Ta'u luatanna su saruannu manga walahanna, ma'oman sara sangkullu aellehanni mangitou.

YEREMIA 5:19

Arawe amungkangngu i mangitou maiwal᷊o anio i Ya'u na'ola'a sarangkanambone udde su saruanni mangitou, wal᷊oa'e ei Yeremia, manungku ereapa i Ya'u buatte tinantangngi mangitou su wanua mangitou sassane huna mattaṛṛamawu manga mongannu walahanna waine, aroddi lai i mangitou sarun maola'a allangngu manga taumata raho su wanua waine.”

HOSEA 2:10

Sarun Ta'u tantol᷊eanna i tou su saruannu anambon apulune. Tawe saran sangkatou wuassi mangitou wotongnge maapallossi tou wuassu taṛṛino-U.

LAL᷊ALLU 1:8

Yerusalem malluhudda watanganne sassane ringannu ma'ola'a manambo rosa apan maarantinna. Sarangkanambone apan dorone mangngaddatta si tou, orassa indi mangngal᷊uandaga ana waugu naasilo uatantol᷊ene. I tou sussal᷊iomanna, ana waugu inawul᷊ianten hatine.

YEREMIA 13:26

I Ya'u sassane sarun manggesa'a laubba wuassu waddangngu tadea'u i yamiu matantol᷊e wuṛṛu masili.

TAHIUL᷊E 7:17

Asinungka i yamiu maṛṛingidda manga walahanna udde mannamboanne reenganne na'oman sara i yamiu tawe mal᷊imbuakka si mangitou.

YESAYA 3:17

Arawe i Ya'u sarun makkuumanni mangitou; puan mangitou sarun mapenen akke wuṛṛu lungguṛṛanna.”

ZEFANYA 1:12

Sutempo udde i Ya'u sarun manganu sasol᷊oanna, wuṛṛu mamarikissa Yerusalem. Sarun Ta'u iṛṛuumanna tumanangnge apan uapapadua udde see apan mammungan batanganne sassane, wuṛṛu apan maṛṛingidda manungku i Ya'u, Mawu tawe mammanara arendi ara'e aroddi.

HOSEA 12:8

Mawu nabbisara su walahannu Israel, “I yamiu mallinga ere taumatan Kanaan; manga maddaragangnga apulune mammahia mamamalline ringannu timbanganna apan tawe su ṛinone.

HOSEA 2:3

Amungkangngu i tou sidutu sussandaga, i Ya'u sarun malluatta laungnge tadea'u i tou matantol᷊e ere lai sutempo i tou siasungkangnga. Sarun Ta'u olaanna i tou ere leta'a mamara wuṛṛu maṛṛasa, ne i tou sarun mate amarouanna.

YESAYA 47:8

Ana waugu udde paddaringikke si Ya'u, ei i'o apan tumba'u apulune maddea'a lal᷊umanna'a! I'o massunna manungku wiakku matammuda, wuṛṛu taweddu ere i'o. I'o maṛṛingidda tawe maola'a inawaluanna, wuṛṛu papapulunnu tawe mate.

YESAYA 20:4

Ratun Asyur sarun manawanna manga taumatan banua darua udde wuṛṛu i mangitou sarun ul᷊uhanna ara'e iapidda ringannu tantol᷊e. Timadde wuṛṛu dario'a, sarangkanambone sarun umamatta tawe laubba wuṛṛu apampakku ledda ringannu ottane ia'asilo, maola'a hahelo su taumatan Mesir.

TAHIUL᷊E 18:21

Asinungka i yamiu maiwal᷊o sulal᷊ummu naungngu, ‘Ereapa yami masingkata apa tanatan sangkatou nabi udde darantane wuassu Mawu ara'e tawe?’

TAHIUL᷊E 8:17

Nariaddi, arie saran paassa i yamiu maṛṛingidda manungku ringannu apulu wuṛṛu atatohannu sassane i yamiu wotongnge mabbal᷊i ala.

YEREMIA 14:16

Manga taumata apan buatte nanengkamma manga pani'atti mangitou udde lai sarun Ta'u pateanna ringannu olangnge apan uasul᷊ungnga. Winal᷊unanni mangitou sarun iwareta su manga lal᷊anna su Yerusalem ringannu taweddu mallabbinga. Etearoddi nasippi mangitou wuṛṛu ana'a awingngi mangitou. I mangitou sarun Ta'u olaanna maapendamma pangillul᷊eannu al᷊al᷊eo mangitou.”

YEHEZKIEL 23:26

I'o sarun tantol᷊eanna wuṛṛu manga lal᷊ogakku sarun aṛṛoanna.

HOSEA 2:5

Inangngu sumasandaga apan tawe masili. I tou mabbisara, ‘I Ya'u sarun inai ringannu manga arangnguangku apan mangngonggolla si ya'u anna wuṛṛu ua'e, wol wuṛṛu linen, lanan zaitun wuṛṛu anggore.’