YEREMIA 13:21 - WUKE SUSI WATTI'U AL᷊AL᷊USASSA

²¹ Apa apan sarun iwisarang kamiu amungkangngu manga taumata apan haggaweanni yamiu namaddo wuṛṛu uataṛṛino si yamiu? I yamiu sarun maapendamma hiadda ere wawine apan tantal᷊anna mangngunsiwe.

YEREMIA 13:21 Referans Kwoze

YESAYA 13:8

I mangitou sarangkanambone sarun aṛṛiaannu atata'utta apan bahewalla, wuṛṛu tuttambul᷊ilinnu atataddu'a ere wawine apan tantal᷊anna mangngunsiwe. I mangitou sarun masasaile ringannu asasinggawanga, hatine namillossa ana waugu massili.

YEREMIA 4:31

I ya'u naaringikka tingikku sasal᷊iomanna ere wawine apan mangunsiwete; ere wawine wakku mangunsiwen anangnge apan paarorone, etearoddi lal᷊uain Yerusalem apan maappu sasangngone. Limane ia'uawa wuṛṛu i tou sussal᷊ande, “Nasilakate i ya'u – i ya'u pateanten seetta!”

YEREMIA 38:22

Sulal᷊ummu aellega udde i ya'u naasilo anambon bawine apan ta'e su wal᷊en araratuannu Yehuda niapasabbangnga su liudde ṛattangannu manga tembonannu Babel. Lapiddu u'amatta i mangitou mabbisara, ‘Ratu niaawusuante manga hawene ate, wuṛṛu paparentanni mangitou. Orassa indi, napawe leddane nal᷊ioṛṛo'a sulal᷊ummu labbo, i mangitou sarangkanambone sinumoṛṛotta.’ ”

YEREMIA 5:31

manga nabi mangngawusu, manga imam mangngimbe tumuṛṛuttu apulun naungnge sassane wuṛṛu i yamiu uma-U mappulun inolaanna udde. Arawe apa apan sarun olaanni yamiu napawe nia'omante allo panginsueanne?”

YESAYA 10:3

Apate a'olaani yamiu su allo Ruata makkuumanni yamiu? Apa apandenu sutempo i Tou mandantan asasilaka wuassu wanua apan marau? Sisai i yamiu sarun maddorongnga aontolla? Suapate i yamiu sarun mamunin paa'alan kamiu udde?

1 TESALONIKA 5:3

Amungkangu taumata mabbisara, “Sarangkanambone mal᷊annabba wuṛṛu matammudda,” ne ete su tempo udde inaṛṛombanganne i mangitou sarun aṛṛiaannu papate wuṛṛu tawe saran sangkatou apan wotongnge maatal᷊angnga. Olangnge udde sarun mariaddi sangkaṛṛondapa, ere taddu'u sangkatou wawine apan sarun mangunsiwe.

YEHEZKIEL 28:9

Ne, napawe nia'omante tempone udde, ta'e wotongngewe i'o mabbisara manungku i'o Ruata? Su saruannu manga mamamatenu, nasemakke manungku i'o tumba'u taumata wiasa.

YEREMIA 48:41

Manga soa wuṛṛu manga tanda batune sarun aṛṛoanna wuṛṛu tantarane sarun mata'utta ere wawine apan mangunsiwete.

YEREMIA 30:6

Ṛingira'o wuṛṛu tutuṛṛe'o! Wotongngewe esakka mangunsiwen ana'a? Amungkangngu aroddi, anio i Ya'u naasilo suapan esakka hatine namillossa wuṛṛu maṛṛaddannu tianne ringannu lima ere wawine apan mangunsiwete?

YEREMIA 22:23

I yamiu matana'a ringannu mal᷊angnganna papal᷊iwutannu manga diṛṛi cemaran Libanon, arawe sal᷊immurine napawe i yamiu aṛṛiaannu atataddu'a, i yamiu sarun matataṛṛangnga ere wawine apan tantal᷊anna mangngunsiwe.”

YEREMIA 6:24

Naaringikka watti'a udde, tumana'u Yerusalem nabbal᷊i nallome. I mangitou naapendamma atata'utta, wuṛṛu uatataṛṛangnga ere wawine apan mangunsiwete.

YESAYA 21:3

Sondappa udde nangal᷊iwu'u na'oman sara tate maasilo wuṛṛu maaringikka lai. I ya'u matta'utta wuṛṛu nataddu'a, naal᷊ihidda sangkatou wawine apan tantal᷊anna mangngunsiwe.

2 MARARATU 16:7

I Ahas nandolokku daroloṛṛanna inai ringanni Tiglat-Pileser ratun Asyur ringannu tanata indi, “I ya'u allangu apan matuṛṛutta; ana waugu udde, i ya'u sumal᷊ande, rantate wuṛṛu ontol᷊ete i ya'u wuassu ratun Siria wuṛṛu ratun Israel apan tantal᷊anna mammangalo si ya'u.”

MATIUS 24:8

Sarangkanambone udde wakkute panattaṛṛanne, ere radda'a apan niapendamannu sangkatou wawine su tempo mangunsiwe.

YEREMIA 2:25

Israel, imbaṛṛangnga i'o tumal᷊angnga mangenggenna manga monganna, wuṛṛu imbaṛṛangnga mangintul᷊i mamaggo si mangitou, sal᷊immurine leddanu mal᷊essa wuṛṛu tonggol᷊annu mamara ana waugu marou. ‘Tawe, i ya'u tawe suṛṛinone maawelengnga,’ i'o mabbisara, ‘ana waugu i ya'u marangngu manga monganna, wuṛṛu mappulu tumantalongnga si mangitou.’ ”

YEREMIA 4:30

Ei Yerusalem, i'o buatte nitantangnga wuṛṛu mangke tawe napa'ola'a apa-apa! Ipa'ura malluṛṛen laubba maṛṛamu wuṛṛu mallogakka watangannu ringannu wul᷊awanna wuṛṛu sal᷊a'a, se'e lai namuṛṛa mata ringannu wawuṛṛa? Tawe gunane i'o malloggakka watangannu, ana waugu manga apulunu maddirinute, ewe'e lai i mangitou mappulu manawutta niawanu.