YEREMIA 13:18 - WUKE SUSI WATTI'U AL᷊AL᷊USASSA

¹⁸ Mawu nabbisara si ya'u, “Doloṛṛa'a ratu wuṛṛu wo'i lumintukka wuassu adderan araratuanna, ana waugu makotane apan maṛṛansanga nanawite wuassu puane.

YEREMIA 13:18 Referans Kwoze

YEREMIA 22:26

I'o wuṛṛu inangngu sarun Ta'u limbuaṛṛanna wuṛṛu Ta'u iramme watukku wanua wal᷊ine niariaddiannu, wuṛṛu poiaroddi iraddua sarun nate.

2 MARARATU 24:12

ana see i Ratu Yoyakhin wuṛṛu inangnge, al᷊aṛṛanangnge, manga tembonannu tantarane, see lai mammamanaran araratuanne nassuṛṛubawate si Nebukadnezar. Ana see i Yoyakhin nisamette. Olange udde nariaddi su tonna aual᷊une sutempo i Nebukadnezar uaparenta.

2 TAWARIKH 33:19

Sulal᷊ummu wuke Watti'u Manga Nabi buatte niwoṛṛetta lai aal᷊iomanni Manasye wuṛṛu sasimbakku Ruata su aal᷊iomanna udde, see lai watti'u manga rosane tantal᷊anna i tou taambe awawal᷊u, manga tampa pasasubbanna paal᷊uanna wuṛṛu manga paal᷊uannu Monganni Asyera apan nilanginne, wuṛṛu manga monganna apan sassubbanne.

YESAYA 47:1

Mawu nabbisara, “Ei, Babel, lintukke wuassu adderan araratuannu, wuṛṛu a'iante su awu. I'o tate mamunga wuṛṛu maṛṛamaga ere dorone.

2 TAWARIKH 33:12

Sulal᷊ummu asasusane udde i tou sinumallungngu watanganne su saruannu Mawu Ruatane, wuṛṛu niumal᷊iomanna maddorongnga aontolu Mawu.

1 PETRUS 5:6

Ana waugu udde panantillen watangannu su al᷊ungngu liman Duata apan matohassa, tadea'u i Tou mapaatanggaki yamiu napawe nia'omante tempone.

YAKOBUS 4:10

Ṛinone i yamiu sumallungu watangannu su saruannu Mawu, ne Mawu sarun manduitti yamiu.

MATIUS 18:4

Taumata apan mappaawawon dirine wuṛṛu maola'a ere ana'a addio'a indi, ete i tou ahewal᷊anne su wallattu lal᷊oṛṛon araratuannu Ruata.

YUNUS 3:6

Sutempo ratun Niniwe naaringikka watti'a udde, i tou nasasaṛṛawutta sinumossokka wuassu adderan araratuanne. I tou nalluatta juban araratuanne wuṛṛu nalluṛṛe nasa karongnga, see niuma'ianna su wowon awu.

YESAYA 3:26

Su manga pasallangannu soa taumata sarun lumal᷊o wuṛṛu lumuai, wuṛṛu soa udde sassane sarun maola'a ere wawine apan nitantol᷊ete wuṛṛu ua'ianna su leta'a.

2 TAWARIKH 33:23

Arawe uapapaṛṛalan iamangnge, Amon tawe sinumallungngu watanganne, wuṛṛu tawe nabbal᷊i'a ringannu Mawu; ewe'e i tou maddosanna wuassu iamangnge.

SASABANGNGA 10:3

Ana see i Musa wuṛṛu i Harun inaite sinumaruanna ratu wuṛṛu nabbisara si tou, “Mawu, Ruatan balahannu Ibrani, nabbisara, ‘Sara tingngera i'o tawe massuṛṛubawa si Ya'u? Wala'awe al᷊aṛṛana'U inai, tadea'u i mangitou wotongnge mattaṛṛamawu si Ya'u.

LAL᷊ALLU 2:10

Manga matatimmadu soa ua'ianna nimmoune su leta'a; i mangitou mannal᷊iawukku awu su pua wuṛṛu nalluṛṛen nasa karongnga tatialan massusa. Manga maṛṛuala lai niumaruutu puane sara leta'a.

SASABANGNGA 39:28

see lai paporongnga, dastere sal᷊ana maa'utta wuassu linen,

AMSAL 27:24

ana waugu paa'ala tawe mattaṛṛangnga mal᷊annu, ewe'e lai taṛṛino ipamarenta lai sidutu saran mal᷊annu-l᷊annu.

YESAYA 3:20

tatindungngu pua, manga jimatta su pulal᷊anna wuṛṛu lawassa,

YEREMIA 29:2

Suratta udde ta'u niwoṛṛetta napawe i Ratu Yoyakhin, inangnge, manga mammamanaran araratuanna, manga tembonannu araratuannu Yehuda wuṛṛu Yerusalem, manga base, wuṛṛu manga mapapande manara apan niapidda su pamuanganna.

YEREMIA 36:16

Napawe i tou buatte nabbasa, i mangitou nasasailete ringannu apendamma sussinggawanga ana see nabbisara si Barukh, “I yami ṛinone mamasingkattu olangnge indi su ratu.”

LAL᷊ALLU 1:6

Paa'alan soa Yerusalem tumba'u watti'u tempon dorone. Manga piaṛṛangnge naola'e lome ere rusa tumaniten mal᷊unussa. I mangitou tawe naal᷊ore su saruannu seetta apan mangngenggena.

LAL᷊ALLU 1:9

Al᷊al᷊eone aasiloanna ringannu matualaga arawe i tou tawe pandumma su apa apan sarun mariaddi su watanganne. Tumaniten bahewalla ahahohakke, arawe tawe saran sangkatou malluassa si tou. Ne i tou naddorongnga tatal᷊antuppa wuassu Mawu, ana waugu manga seenne naauntungke.

LAL᷊ALLU 5:16

Al᷊al᷊uassi yami nasuete, i yami nasilaka ana waugu marosa.

YEHEZKIEL 16:12

Ta'u nionggolla si'o sinsingngu ngirunna, ngante-ngante wuṛṛu araposan araratuanna apan maṛṛansanga.

YEHEZKIEL 21:26

I Ya'u, Mawu Apan Atanggaṛṛanne buatte nabbisara. Luatte mahkotanu wuṛṛu wu'ate paporongngu. Orassa indi, tempo nawal᷊ute saṛṛene. Ola'e paapia taumata asiangnga wuṛṛu i mangitou onggol᷊eten taṛṛino! Lintuṛṛa'e manga tembonanne wuassu aiananne!

YEHEZKIEL 24:17

Arie ma'oman sara lal᷊uainu aringiṛṛanna. Arie umamatta tawe tatindungu pua, arie tawe apampakku ledda, ere taumata apan lullal᷊o. Arie lai hatinu taapanna, wuṛṛu arie umanna rotin lal᷊al᷊o.”

YEHEZKIEL 24:23

I yamiu sarun tawe umamatta ringannu tawe tatindungu pua ara'e apampakku ledda, tawe lumallu ara'e lumuai. I yamiu sarun lembon maṛṛasa ana waugu manga rosanu; i yamiu sarun sumal᷊iomanna sangkatou ringannu waine.

YEHEZKIEL 44:18

Tadea'u tawe masal᷊ihangnga wuṛṛu liahanna, i mangitou ṛinone malluṛṛen sal᷊ana linen ringannu tawe papeṛṛetta, wuṛṛu paporongnga wuassu linen.

DANIEL 5:20

Arawe sutempo i tou nabbal᷊i mawunga, tawe maddaringikka wuṛṛu maṛṛagissa, i tou niema'a wuassu adderan araratuanne na'oman sara i tou niawul᷊iannu awawantuge.

YEREMIA 22:24

Mawu nabbisara si ratu Yoyakhin, ana'i Yoyakim ratun Yehuda, “Ringannu arang-Ku, Ruata apan biakka, i Ya'u mabbisara manungku salaiwe i'o si Ya'u ere sinsingnga meterai su lima uanang-Ku, arawe i'o sarun Ta'u sawutanna