YEREMIA 12:17 - WUKE SUSI WATTI'U AL᷊AL᷊USASSA

¹⁷ Arawe walahanna apan maddiri tumuṛṛutta si Ya'u, sarun Ta'u abbutanna ere sasuanna wuṛṛu Ta'u punanna. I Ya'u, Mawu, buatte nabbisara.”

YEREMIA 12:17 Referans Kwoze

YESAYA 60:12

Walahanna wuṛṛu araratuanna apan maddiri tumuṛṛutta si'o, sarun mate wuṛṛu mawul᷊i tawe baddi'a.

2 TESALONIKA 1:8

wuṛṛu ringannu putungnga apan mabbanala. I Tou sinumossoka maṛṛuumannu manga taumata apan tawe mangngimanna Ruata wuṛṛu maddiri mabbiakka su apulun Watti'u Al᷊al᷊uassa su ola'u Mawun kite Yesus Kristus.

LUKAS 19:27

Wuṛṛu orassa indi apira'e inawarendi manga see'u udde apan maddiri ya'u maola'a ratune. Patete i mangitou su saruangku!’ ”

DANIEL 11:4

Arawe su panginsueannu awawantuge, araratuanna udde sarun mapesangnga mabbal᷊i appattu wageangnga. Manga ratu apan wal᷊ine papapulunne sarun mamarenta maola'a hahantine, wuṛṛu i mangitou tawe atatohassa ere i tou.

YEHEZKIEL 19:12

Arawe i tou niabuttu manga lima apan massa'u, wua'udde niema'a su leta'a. Anginna Ra'i tinumiuppa, naṛṛangute wuane apan mapia. Rannane napaddi, naṛṛangu see nitutungnga.

YEREMIA 31:28

Su ereapa dorone i Ya'u buatte nallu'adda si mangitou tadea'u wua'udde i Ya'u mangabbutta, maṛṛa'a wuṛṛu makkimunsa'a si mangitou, aroddi lai i Ya'u sarun mallu'adda si mangitou tadea'u i Ya'u manohassa wuṛṛu i mangitou mabbangunna apia.

YEREMIA 18:7

Napawe su sambau tempo i Ya'u makkawessa mamate, maṛṛa'a wuṛṛu makkimunsa'a sambau walahanna ara'e araratuanna,

ZAKARIA 1:6

Ringannu nappaattu manga nabi manga allang-Ku udde, i Ya'u namasingkattu manga parenta wuṛṛu manga tataggu su iupungngu al᷊amonanu. Arawe i mangitou tawe maddaringikka na'oman sara i mangitou ṛinone mamasanna pangillul᷊eanne. Wua'udde i mangitou sinumassilla wuṛṛu nanga'u manungku i Ya'u, Mawu Apan Lembontaṛṛino, buatte nakkuumanni mangitou uasul᷊ungngu pasasal᷊a mangitou, wuṛṛu uasul᷊ungngu apa apan buatte nitantung-Ku.”

YESAYA 41:11

Pa'ellege, anambon taumata apan massa'u si'o, sarun iwaddo wuṛṛu iapaasili. Manga taumata apan mando'appa si'o, sarun mate wuṛṛu masue masahangginna.

MIKHA 5:14

Sulal᷊ummu asasa'u-U apan wahewallu i Ya'u sarun mabbalissa al᷊al᷊eon anambon walahanna apan maddiri tumuṛṛutta si Ya'u.”