YEREMIA 12:14 - WUKE SUSI WATTI'U AL᷊AL᷊USASSA

¹⁴ Mawu nabbisara, “Eteindi tanata-U su manga araratuanna ual᷊indongannu Israel apan buatte nanggohakka wanua apan Ta'u nionggolla su uma-U Israel. Ere sinuananna apan niabbutta wuassu leta'a, etearoddi lai manga taumata lal᷊eo udde sarun Ta'u iapasabbangnga wuassu manga wanua mangitou, wuṛṛu Yehuda sarun ipallossa wuassu lima mangitou.

YEREMIA 12:14 Referans Kwoze

ZAKARIA 2:8

Isai apan mamangalo si yamiu, namangalo tatuno naungku.” Ne Mawu Apan Lembontaṛṛino nandalo'u mamasingkattu tanata indi su manga walahanna apan buatte nangaṛṛo uman-Ne,

YEREMIA 3:18

Israel sarun ma'aukku Yehuda, wuṛṛu su sampunna rumanta wuassu wanua pinamuanganna su samba'an sawannakka. I mangitou sarun mabbelengnga su wanua apan buatte Ta'u nionggolla maola'a leta'a pussa'an al᷊amonanu.”

YEREMIA 49:7

Eteindi apan niwisara Mawu Apan Lembontaṛṛino su ola'u Edom, “Apa taumatan Edom tawe maaṛṛingidda ringannu asingkatta? Apa manga mananantirone tate mangonggollu tatantiro apia? Apa nawul᷊ite asingkatti mangitou!

YEREMIA 2:3

Israel, i'o pussa'a-U sassane, tatuno naung-Ku apan arangnguang-Ku. I Ya'u nangema'u asasilaka su al᷊awo'a apan na'ola'a si'o uatataṛṛangnga susa, i Ya'u, Mawu, buatte nabbisara.”

DARALO 106:47

Sal᷊amatewe i yami, oh Mawu Ruatan kami, ammul᷊aawe i yami wuassu wallattu manga walahanna, tadea'u i yami wotongnge maadiangkamanna wuṛṛu maddalo aran-Nu apan susi.

TAHIUL᷊E 30:3

ne Mawu Ruatanu sarun umakkanni yamiu. I yamiu sarun iapiddi Tou mabelengnga wuassu manga walahanna suapa i yamiu nisal᷊iawukka wuṛṛu iapawiakka su lal᷊umanna'a apia.

ZAKARIA 1:15

Arawe i Ya'u tuminiten massa'u su manga walahanna apan uapendamma mal᷊annabba wuṛṛu matammudda. Ana waugu sutempo i Ya'u naṛṛaddannu asasa'u-U su uma-U, manga walahanna udde mannamba asasusan uma-U.

HOSEA 1:11

Walahannu Yehuda i wuṛṛu walahannu Israel sarun iapaaukka apia. I mangitou sarun manenegu sangkatou piaṛṛa'a, wuṛṛu i mangitou sarun maṛṛite wuṛṛu su lal᷊umanna'a su wanuan mangitou. Atonna, allon Yizreel sarun maola'a allo apan wahewalla!

YEHEZKIEL 37:21

Ana see wal᷊oa'e si mangitou manungku i Ya'u, Mawu Apan Atanggaṛṛanne sarun mangul᷊e apia anambon walahang-Ku wuassu manga wanua suapa i mangitou buatte nanu. I mangitou sarun Ta'u iammulla wuṛṛu Ta'u iapidda apia watukku wanua mangitou sassane.

YEHEZKIEL 36:24

Wuassu anambon balahanna wuṛṛu wanua, i ya'u sarun Ta'u iammulla wuṛṛu Ta'u iapapul᷊e watukku letangngu sassane.

YEHEZKIEL 28:25

Mawu Apan Atanggaṛṛanne nabbisara, “I Ya'u sarun mangammullu manga taumatan Israel wuassu manga wanua marau sutampa i mangitou apan buatte Ta'u nisal᷊iawukka, wuṛṛu anambon balahanna sarun maasingkatta i Ya'u na'ukkassa. Walahannu Israel sarun matana'a apia su leta'i mangitou sassane, leta'a apan buatte Ta'u nionggolla si allang-Ku Yakub.

YEREMIA 48:1

Eteindi apan niapasingkattu Mawu Apan Lembontaṛṛino, Ruatan Israel su ola'u Moab, “Nasilakate tumana'u Nebo, soane naṛṛaate! Kiryataim niaṛṛo, wuṛṛu tanda batune apan matohassa niṛṛimunsa'a, na'oman sara tumanangnge nasili;

YEREMIA 32:37

I Ya'u sarun manggemonnu walahanna indi wuassu anambon banua sutampa i mangitou Ta'u nisal᷊iawukka ana waugu asasa'u-U wuṛṛu araṛṛagi-U si mangitou. I mangitou sarun Ta'u iapidda mapul᷊e watukku tampa indi wuṛṛu Ta'u iwala matana'a isindi ringannu matammudda.

DARALO 105:15

“Imbaṛṛangnga manal᷊awa'u manga taumata nipile-U, imbaṛṛangnga ma'ola'a al᷊al᷊eo su manga nabi-U!”

TAHIUL᷊E 28:63

Ere lai Mawu mal᷊uassa mangonggolu lal᷊umanna'a si yamiu wuṛṛu mannimu reengannu, i Tou sarun mal᷊uassa mamate wuṛṛu manginsue si yamiu. I yamiu sarun limbuaṛṛanna wuassu wanua apan tate mal᷊annu lai atanaanni yamiu.

YEREMIA 48:47

Arawe su allo sal᷊immurine i Ya'u sarun manul᷊e ola'u wanua Moab. I Ya'u, Mawu, buatte nabbisara!” Eteudde apan olaannu Mawu su Moab.

YEREMIA 49:1

Eteindi wisara Mawu su ola'u Amon, “Anio leta'u ṛuangannu Gad niaṛṛo wuṛṛu niatanaannu manga taumata apan massubba si Monganna Milkom? Apa piate lai taumatan Israel apan botongnge manahekku leta'a udde?

YEREMIA 25:9

‘I Ya'u sarun mamaggo anambon balahanna wuassu sawannakka, wuṛṛu lai allang-Ku, i Nebukadnezar ratun Babel. I mangitou sarun Ta'u parentanna iapapangalo mando'appa Yehuda wuṛṛu tumanangnge see lai al᷊awo'u walahanna maranine. Walahannu Yehuda suadio'a ringannu manga walahanna al᷊indonganne sarun Ta'u pateanna wuṛṛu Ta'u iwala maṛṛimunsa'a saran mal᷊annu-l᷊annu. Manga taumata apan naasilo udde sarun ṛumindu'a wuṛṛu maapendamma atata'utta. I Ya'u, Mawu, buatte nabbisara.

YEHEZKIEL 28:26

I mangitou sarun mabbiakka ringannu matammudda isudde wuṛṛu mapararisikku manga wal᷊en see ma'ola'a manga waillu anggore. I Ya'u sarun makkuumannu anambon al᷊indonganni mangitou apan buatte nangal᷊uandaga si mangitou, ma'oman sara Israel maola'a mal᷊angnganna. Ne i mangitou masingkatte manungku ete i Ya'u, Mawu Ruata mangitou.”