YEREMIA 12:13 - WUKE SUSI WATTI'U AL᷊AL᷊USASSA

¹³ Walahang-Ku mangngasi'u ganduma, arawe ete ṛoa'a apan niitingnga. I mangitou mattinsahadda arawe sahadde udde tawe gessine. I Ya'u tumaniten nasa'u na'oman sara pangitinganni mangitou tawe loṛṛone.”

YEREMIA 12:13 Referans Kwoze

HAGAI 1:6

I yamiu buatte nangasi'u manambo wualanna, arawe pangitingannu addio'a. I yamiu pia anna, arawe tawe mattiudda ipallaidda tiannu. I yamiu uatahuanna anggore, arawe tawe maawusaingnga naungngu. I yamiu uatahuanna laubba, arawe tawe mapanal᷊ihangnga waddangngu. Wuṛṛu lal᷊antakka apan nitarimmatu manga lal᷊ebbone tawe mattiudda ipanampa'a pabbiaṛṛanni mangitou.

MIKHA 6:15

I yamiu sarun mangasi'u gandumma, arawe tawe mangitingnga wuane. I yamiu sarun manaṛṛitta lana wuassuwuan zaitun, arawe tawe mapapaattu lanane. I yamiu sarun mamakkan anggore, arawe tawe mappa'inumma.

TAHIUL᷊E 28:38

Manambo wualanna apan niasi'i yamiu, arawe matul᷊unga hessine apan asombanganni yamiu, ana waugu sasuannu nasuete ni'annu saṛṛappalanna.

YESAYA 55:2

Apa hunane mamalli sambau saranapa apan tawe maal᷊uassa naungnga, wuṛṛu mammanara hunan apa apan tawe maal᷊aidda? Tuṛṛutte parenta-Ku, ne i yamiu sarun umanna anna apan mapia, wuṛṛu mattemma anna uaimbe apan matemangnga.

IMAMATTA 26:16

i yamiu sarun Ta'u iṛṛuumanna. I Ya'u sarun mandantan asasilaka si yamiu, radda'a wuṛṛu sal᷊iubba apan tawe ia'undamma, ma'oman sara matanu mabbal᷊i wuta wuṛṛu i yamiu mabbiakka sansara. I yamiu sarun mabbailla arawe tawe maal᷊ewa hessine, ana waugu manga seennu sarun dumanta mamaddon kamiu wuṛṛu manginsue sinuanannu.

HABAKUK 2:13

Manga walahanna apan niawaddonu mattinsahadda tawe gunane, al᷊awo'u saranapa apan niapararisikki mangitou nasue niepoddu putungnga. Sarangkanambone uddewe apulun Mawu Apan Lembontaṛṛino.

YEREMIA 4:26

Leta'a masuwukka nabbal᷊i wadda'a mamara, manga soa narusa nallambe tuidde, ana waugu Mawu mangke massa'u su uman-Ne. (

ROMA 6:21

Su tempo udde auntunganna apa apan nisengkammi yamiu wuassu manga inolaanna apan orassa indi maasili si yamiu amungkangngu olaanna? Manga inolaanna udde tumba'u mangapidda su papate!

IMAMATTA 26:20

Anambon inasaharannu tawe gunane, ana waugu letangu tawe mangonggolu hessine wuṛṛu manga sasuannu sarun tawe mabbua.

YEREMIA 9:5

Sarangkanambone mangke uawawahia taweddu mabbisara matul᷊idda. Moṛṛongnge ninumarampe mangngawusu, i mangitou tate lai maatantangngu rosane. Araṛṛagissa ringannu araṛṛagissa, wawahia ringannu pangangawusu sidutu a'olaanni mangitou, i mangitou mangke sidutu mannol᷊a'u Mawu.

YEREMIA 17:10

I Ya'u, Mawu, mannaṛṛassidda naungnga, naungngu taumata Ta'u i uji. Suapan taumata sarun Ta'u wal᷊isanna tumuṛṛuttu pallal᷊agune, wuṛṛu Ta'u olaanna uasul᷊ungngu inolaanne.”

DARALO 78:62

I Tou nasa'u al᷊aṛanang-Nge, pussa'a-Ne, wuṛṛu namalan mangitou nipaten hal᷊ele.

HOSEA 8:7

Uma-U mangngasi'u anginna ne i mangitou sarun mangitingnga tandi'a! Wawail᷊annu gandummi mangitou tawe mandirikka, ne tawe maola'a taponna tadea'u annananna. Arawe amungkangngu wawail᷊anna udde mandirikka lai, ne gandumme sarun insueannu manga walahanna waine.

HAGAI 1:9

I yamiu mangngantimma wuan pangitinganna apan nangillembo, wutte'e apan niasombanganni yamiu tumba'u addio'a atonna; i yamiu nangapidda mapul᷊e, arawe wuan pangitingannu udde Ta'u nitiuppa, na'oman sara nasue niapiddu anginna. Anio Ta'u niola'a udde? Sasimbakke eteudde; Ana waugu Wal᷊e-U ta'e ere manga tuidda, arawe i yamiu sarangkanambone maṛṛimadda mabbangunna wal᷊enu sambau-sambau.