YEREMIA 12:11 - WUKE SUSI WATTI'U AL᷊AL᷊USASSA

¹¹ Ore, i Ya'u naasilo si mangitou na'ola'a wanua-U tampa mal᷊annabba wuṛṛu ma'asusa. Sarangkanambone niwala aroddi, taweddu mamadul᷊i.

YEREMIA 12:11 Referans Kwoze

YEREMIA 23:10

Wanuan kite napanen taumata apan mal᷊awangnga Mawu. I mangitou mabbiakka lal᷊eo wuṛṛu massal᷊a paattu taṛṛino mangitou. Ana waugu tatal᷊a Mawu, nannal᷊o su wadda'a nabbal᷊i mamara wuṛṛu ahewallu wanua lullal᷊o.

YESAYA 42:25

Ne i Tou na'ola'a si ite maapendamma asasa'u-Ne apan bahewalla, wuṛṛu uatataṛṛangnga susa ana waugu pangalo apan masaddatta. Asasa'u-Ne mannoṛṛobba su Israel naal᷊ihidda putungnga, arawe i ite tawe maatutukka, wuṛṛu tawe mapangurumma wuassu ola'u pabbiaṛṛanni ite.

YEREMIA 14:2

“Yehuda naungnge massusa manga soane maranite mate. Manga taumatane ual᷊allowangnga su leta'a wuṛṛu sussal᷊iomanna. Yerusalem mangngintul᷊i ma'iontolla.

MALEAKHI 2:2

Pangaddatte si Ya'u ringannu pallal᷊agunu. Amungkangngu i yamiu maddiri maddaringikka wisara-U, i yamiu sarun Ta'u wontohanna. Sarangkanambone apan sengkamanni yamiu ma'ola'a al᷊amatta sarun mawal᷊u mabbal᷊i wawontoga. Mangke atonna, sarangkanambone apan mapia udde buatte Ta'u niwontohanna, ana waugu i yamiu tawe maddaringikka parenta-U.

ZAKARIA 7:5

Wisara-Ne, “Wal᷊oa'e su anambon tumana'u wanua indi wuṛṛu su manga imam, manungku puassa wuṛṛu lal᷊uai apan niola'i mangitou su wul᷊anna al᷊imane wuṛṛu appitune al᷊annune pitun pol᷊o su tonnane indi wal᷊inewe aaddatta si Ya'u.

YEREMIA 19:8

I Ya'u sarun maṛṛia'u asasilaka apan wahewalla su soa indi, ma'oman sara suapan taumata apan sumabbi isudde sarun ṛumindu'a wuṛṛu mata'utta.

YEREMIA 10:25

Sabbanga'e asasa'u-Nu su manga walahanna apan tawe manga'u Si'o wuṛṛu apan tawe mattaṛṛamawu Si'o. Ana waugu i mangitou buatte namate uman-Nu sara nasue wuṛṛu nanggohakku wanuang kami.

YEREMIA 10:22

Paddaringikke! Pia batti'a manungku sambau walahanna su sawannakka nanattakku paggahahio. Tantarane sarun ma'ola'a manga soan Yehuda mabbal᷊i mal᷊annabba wuṛṛu tawe taumatane. Manga asun ahuranganna sarun ma'imbuni poiaroddi.”

YEREMIA 9:11

Mawu nabbisara, “Yerusalem Ta'u olaanna napapussa'a tampa pa'imbuniannu asun ahuranganna. Manga soan Yehuda sarun mabbal᷊i mal᷊annabba, tampa apan tate lai atanaanna.”

YEREMIA 6:8

Ei tumana'u Yerusalem, ṛinone anambon hal᷊ahe udde maola'a pananaungannu! Arie ma'oman sara i Ya'u manantangngi yamiu wuṛṛu Ta'u wal᷊uanna soanu mabbal᷊i wadda'u anne apan tawe wanuannu taumata.”

YESAYA 57:1

Taumata mapia wuṛṛu maagama nate, taweddu maasunna ara'e ma'innunu olangnge udde. Napawe buatte nate, i mangitou nal᷊iute wuassu asasilaka wuṛṛu mangngillol᷊ote ringannu paddarame.

MANNANASE 7:2

Mapianne inai su wal᷊en taumata nate wuassu inai su tampan andeangnga. Ana waugu i ite ṛinone sidutu mannaungnga manungku papate uaṛṛaddo suapan taumata.

ROMA 8:22

I ite masingkata manungku sara orassa indi ahewallu pati'uppu runia sussal᷊ande ana waugu asasusa, naal᷊ihida ere sangkatou inangnga uatataṛṛanga su tempo mangunsiwe.

IMAMATTA 26:32

Wanuanu sarun Ta'u ṛimunsaanna atonna, na'oman sara manga seetta apan matana'a ṛumindu'a maasilo ahewallu asasilaka udde.

YEREMIA 4:20

Asasilaka nirumanta ualal᷊intuṛṛutta nanggohakku ahewallu wanua. Niaṛṛombanganne rasangku nihohakka, manga pampelene ringanna nihesa'a.

YEREMIA 4:27

Mawu nabbisara manungku ahewallu runia sarun maoala'a wadda'u anne, arawe i Tou tawe manggohakka abbi.)

YEREMIA 4:28

Runia sarun lumal᷊o, langitta ete wasa tuudda. Mawu buatte nabbisara wuṛṛu tate mamal᷊u hol᷊a-Ge. I tou buatte namutussa wuṛṛu tate sumoṛṛotta sara sangkal᷊empanga.

YEREMIA 25:11

Ahewallu wanua indi sarun Ta'u iwala maṛṛimunsa'a wuṛṛu mabbal᷊i mal᷊annabba. Manga walahanna maranine sarun mattaṛṛamawu ratun Babel pitun pul᷊o su tonnane al᷊annune.

YOEL 1:10

Manga wawail᷊anna orassa indi nassongkakke. Leta'a lullal᷊o, ana waugu naṛṛangute al᷊awo'u gandumma namarate wuan anggore, wuṛṛu nasuete lanan zaitun.

YEREMIA 9:9

Tawe mariaddi su walahanna ereindi i Ya'u tawe mapaarantan ṛuumanna apan ṛinone? Sarun Ta'u wal᷊isanna inolaanni mangitou; i Ya'u, Mawu, buatte nabbisara!”

YEREMIA 9:10

I ya'u, Yeremia, nabbisara, “I ya'u lumuaite wuṛṛu lumal᷊o ana waugu nannal᷊o su wadda'a wuṛṛu su manga wowone apan naṛṛangute wuṛṛu naṛṛaggassa see lai tate amatannu taumata. Tingikku winatangnga tate aringiṛṛanna lai, manu'u winalanganna wuṛṛu manga winatangnga waine tinumalangke wuṛṛu nawul᷊ite.”