YEREMIA 11:4 - WUKE SUSI WATTI'U AL᷊AL᷊USASSA

⁴ Pa'aire udde buatte Ta'u niola'a ringannu al᷊amona mangitou sutempo i mangitou Ta'u niapidda sinumabbangnga wuassu Mesir, wanua apan ere naraka si mangitou. I Ya'u nandolokki mangitou matuṛṛutta si Ya'u wuṛṛu ma'ola'a al᷊awo'a apan Ta'u iparenta si mangitou. Orassa indi buatte Ta'u niwal᷊o lai su taumatan Yehuda wuṛṛu tumana'u Yerusalem manungku napawe i mangitou matuṛṛutta si Ya'u, i mangitou sarun maola'a uma-U wuṛṛu i Ya'u Ruata mangitou.

YEREMIA 11:4 Referans Kwoze

TAHIUL᷊E 4:20

Arawe i yamiu uddewe walahanna apan niapasal᷊amatta wuassu Mesir, su tampa i yamiu tumaniten uatataṛṛanga. I yamiu niapiddi Tou sinumabbangnga wuassu wanua udde, tadea'u mabbal᷊i walahanna sassane ere olangngu orassa indi.

IMAMATTA 26:12

I Ya'u sarun marundinganna si yamiu; i Ya'u sarun maola'a Ruatanu wuṛṛu i yamiu mabbal᷊i al᷊aṛṛana-U.

2 KORINTUS 6:16

Apa sul᷊ungnge Wal᷊e Mawu wuṛṛu wal᷊em paal᷊uanna? I ite indi Wal᷊en Mawu, eteudde Ruata apan wiakka. Ruata sassane nabbisara, “I Ya'u sarun matana'a su pattangnganni mangitou, wuṛṛu mabbiakka suadio'a ringanni mangitou. I Ya'u sarun maola'a Ruata mangitou wuṛṛu i mangitou sarun maola'a al᷊aṛṛana-U.

ZAKARIA 8:8

wuṛṛu mangapiddi mangitou mabbelengnga wuassu ra'i wuṛṛu wuassu waṛṛatta, ma'oman sara i mangitou matana'a su Yerusalem apia. I mangitou sarun mabbal᷊i uma-U wuṛṛu i Ya'u Ruatan mangitou. I Ya'u sarun mamarenta si mangitou ringannu satia wuṛṛu atatul᷊idda.”

YEREMIA 24:7

I Ya'u sarun mangonggolla si mangitou apendamma ipassunna manungku ete i Ya'u Mawu. Ne i mangitou sarun maola'a uma-U, wuṛṛu i Ya'u mabbal᷊i Ruata mangitou, ana waugu i mangitou sarun mabbelengnga ringang-Ku ringannu ahewallu naungnga.

1 MARARATU 8:51

I mangitou uddewe uman-Nu sassane apan buatte niapiddu Mawu sinumabbangnga wuassu Mesir wanua suapa i mangitou nisansara.

ZAKARIA 13:9

Tumba'u sepeṛṛe tatallu apan masal᷊amatta. Wuṛṛu i mangitou sarun Ta'u iapaasusi ere taumata mannal᷊u'attu wul᷊awanna. Wua'udde i mangitou sarun umal᷊iomanna si Ya'u, wuṛṛu i Ya'u sarun sumimbakka si mangitou. I Ya'u sarun mabbisara si mangitou manungku i mangitou uddewe uma-Ku, wuṛṛu i mangitou lai sarun manga'u manungku ete i Ya'u Mawu Ruata mangitou.”

YEHEZKIEL 37:23

I mangitou tate mandal᷊eo watanganni mangitou ringannu ma'ola'a rosa wuṛṛu massubba manga paal᷊uanna apan maarantinna. I Ya'u sarun mamallossi mangitou wuassu al᷊awo'u tal᷊engko apan naaola'a si mangitou nangal᷊uandaga si Ya'u. I Ya'u sarun mapaasusi mangitou; i mangitou sarun maola'a uma-U, wuṛṛu i Ya'u Ruatan mangitou.

YEHEZKIEL 36:28

Ne i yamiu sarun matana'a su leta'a apan buatte Ta'u nionggolla su iupungngu al᷊amonanu. I yamiu sarun maola'a uma-U wuṛṛu i Ya'u lai sarun maola'a Ruatanu.

YEHEZKIEL 14:11

Sarangkanambone udde Ta'u olaanna tadea'u taumatan Israel tate mangindau-U wuṛṛu lai tate malluhudda watanganne ringannu rosa. Ringannu aroddi i mangitou sarun maola'a uma-U, wuṛṛu i Ya'u maola'a Ruata mangitou.” I Ya'u, Mawu Apan Atanggaṛṛanne buatte nabbisara.

YEHEZKIEL 11:20

Ne i mangitou sarun matuṛṛutta su manga atorang-Ku wuṛṛu mararingikka anambon parenta-U. I mangitou sarun maola'a uma-U wuṛṛu i Ya'u sarun maola'a Ruata mangitou.

YEREMIA 26:13

Ana waugu udde, pamal᷊ute ola'u pabbiaṛṛannu wuṛṛu manga inolaannu; paatuṛṛutte Mawu Ruatanu, tadea'u i Tou marru'udden ṛiin-Ne ipanilaka si yamiu.

TAHIUL᷊E 11:27

I yamiu sarun al᷊amatanna amungkangngu matuṛṛutta su manga titan Mawu Ruatanu, apan allo indi ta'u niapasingkatta si yamiu.

IMAMATTA 26:3

Amungkangngu i yamiu mabbiakka tuttuṛṛuta manga tita-U wuṛṛu manga parenta-U,

PANDARIADDI 17:8

I Ya'u sarun mangonggolla si'o wuṛṛu su papapulunnu, leta'a indi, apan orassa indi wawanuannu ere sangkatou taumata raho. Ahewallu leta'u Kanaan sarun maola'a pussa'an papapulunnu saran mal᷊annu-l᷊annu wuṛṛu i Ya'u sarun maola'a Ruata mangitou.”

IBRANI 5:9

Ne napawe i Tou niola'a mananal᷊amatta apan nasuungnga, i Tou naola'a punnu asasal᷊amatta saran mal᷊annu-l᷊annu hunane su anambon taumata apan matuṛṛuta si Tou,

MATIUS 28:20

Aṛṛa'ete i mangitou tuttuṛṛutta anambon parenta apan suete niparenta-U si yamiu. Wuṛṛu paanaunge, i Ya'u sarun maṛṛundinganna si yamiu saran panginsueannu runia indi.”

ZAKARIA 6:15

Manga taumata sarun dumanta wuassu tampa apan marau wuṛṛu mantul᷊ungnga mapararisikku Wal᷊e-U. Napawe wal᷊en udde nasuete, i mangitou sarun maasingkatta manungku i Ya'u Mawu Apan Lembontaṛṛino nandolokku ringanni mangitou. Sarangkanambone udde sarun mariaddi amungkangngu i mangitou atonna-tonna tuttuṛṛutta manga parenta-U, Mawu Ruata Mangitou.”

YEHEZKIEL 37:27

I Ya'u sarun manata'a suadio'a ringanni mangitou, i Ya'u sarun maola'a Ruata mangitou wuṛṛu i mangitou uma-U.

YEREMIA 32:28

Soa indi sarun Ta'u iwala su lima Nebukadnezar ratun Babel suadio'a ringannu tantarane. I mangitou sarun mangaṛṛo soa indi,

YESAYA 48:10

I Ya'u maddalo Si'o sulal᷊ummu putungngu asasusa, ere sal᷊a'a apan niwaresi su auntapanna.

1 SAMUEL 15:22

Arawe i Samuel nabbisara, “Suapane apan lembon ipaapulu Mawu, atatuṛṛutta ara'e sasamba? Atatuṛṛutta su Mawu mappianne wuassu mangonggollu sasamba. Mararingikka mappianne wuassu tawan domba.

SASABANGNGA 20:6

Arawe i Ya'u mapal᷊iatta'u darangngu-U su ṛiwune papapulunnu manga taumata marangngu si Ya'u wuṛṛu matuṛṛutta tita-U.

YESAYA 30:6

Arendi tanata Mawu su ola'u manga winatangnga apan uatana'a su leta'u timukka, “Manga daroloṛṛanna malluranna keledai wuṛṛu unta mangitou ringannu manga aonggolla, se'e sumabbi manga wageangngu leta'a apan napenen asasilaka, apan atatanaannu singa, atoanna mawisa, wuṛṛu naga pia papaidde. Manga aonggolla udde nionggolli mangitou su sambau walahanna apan tawe maatul᷊ungngi mangitou.

YEREMIA 11:7

Sutempo i Ya'u nangapiddu al᷊amona mangitou sinumabbangnga wuassu Mesir, ringannu ma'ikkatta i Ya'u napanaungnga si mangitou tadea'u matuṛṛutta si Ya'u. Naddatingngu sara orassa indi lai Ya'u ta'e sidutu mappanaungngu uma-U su olangnge udde,

YEREMIA 38:20

“Tawe,” sasimba'u, “I Tuangnga tawe itantilla si mangitou. I ya'u mangke sumal᷊ande tadea'u i Tuangnga tumuṛṛutta tanata Mawu; sal᷊immurine sarangkanambone maola'a ringannu mapia, wuṛṛu i Tuangnga tawe pateanna.

DANIEL 3:26

Wua'udde i Nebukadnezar nangudanin ngaran pandu'a udde wuṛṛu nabbisara, “Sadrakh, Mesakh wuṛṛu Abednego, manga allangngu Ruata Apan Atanggaṛṛanne! Sabbangke wuassu pandu'a udde!” Ne i mangitou sinumabbangke.

TAHIUL᷊E 5:6

‘Ete i Ya'u Mawu Ruatanu apan nangapiddi yamiu sinumabbangnga wuassu Mesir, su tampa i yamiu mattaṛṛuallanga.

2 MARARATU 18:6

wuṛṛu matuṛutta si Tou. Tawe saran paassa i tou nilumawanga Mawu. Al᷊awo'u parentan Mawu apan nionggola wuassi Musa, iapaamatti Hizkia ringannu atonna-tonna.