YEREMIA 11:21 - WUKE SUSI WATTI'U AL᷊AL᷊USASSA

²¹ Manga taumatan soa Anatot mappulu tadea'u i ya'u mate. I mangitou mabbisara, “Amungkangngu i'o mangke sidutu mammasingkattu manga tanata Mawu si yami, i'o sarun pateanni yami.”

YEREMIA 11:21 Referans Kwoze

AMOS 2:12

Arawe i yamiu nangonggollu ua'e anggore su taumata Nazir, na'oman naaola'a si mangitou nilumawangnga paaire. Wuṛṛu i yamiu manningaddu manga nabi mamasingkattu tanata-U.

YEREMIA 20:10

Niaringiṛṛanna taumata sussal᷊imburunga suapan tampa, “Atata'utta suapan tampa! Wette alaea'e udde siapa pia taṛṛinone!” Ewe'e lai anambon hawe'u ate uaṛṛaddo ananawo'u. Unni mangitou, “Asinungka ringannu sasal᷊o'a, i tou wotongnge iawaddo, tadea'u wotongngete i ite mabbal᷊issa atataddu'u naungnga si tou.”

YESAYA 30:10

I mangitou mabbisara su manga nabi, “Paal᷊annabba tutuwa'a moṛṛongnga! Arie pabbal᷊o si yami apa apan naṛṛino, ewe'e apa apan aapuluanni yami udde daringiṛṛanna. Wala'e i yamiu sidutu mabbal᷊iawa.

LUKAS 4:24

Mawu Yesus nanassukku wisara-Ne, “Paanaunge, tawe nabi apan a'addatanna su ampungnge sassane.

MATIUS 22:6

wuṛṛu waine lai nanametta manga ralol᷊oṛṛannu ratu udde see namuulla wuṛṛu namate si mangitou.

MATIUS 21:35

Arawe manga mamamanaram bailla udde nanametta manga ralol᷊oṛṛannu tatahuannu leta'a udde. Sangkatou nipuulla, waine nipate wuṛṛu waine lai niwaretannu watu.

MATIUS 10:21

Sarun mariaddi manungku taumata sarun manantillu tuṛṛangnge sassane iapapate. Wuṛṛu udde lai sarun mariaddi su wallattu iamangnga wuṛṛu anangnge. Al᷊aṛṛana'a sarun lumawangnga hagurangnge, wuṛṛu manantilli mangitou iapapate.

MIKHA 7:6

Ana waugu, sutempo ereindi lal᷊oṛṛon bal᷊e lai uasaseetta; ana'a esakka mallobbossa iamangnge, ana wawine lullawangnga inangngene, wuṛṛu manambo wawine uatatiakku la'iananne.

YEREMIA 26:8

Tawe nal᷊annu napawe i ya'u buatte namasingkattu anambon tanata Mawu ere buatte niparenta Mawu, i mangitou nanametta si ya'u lapiddu mangngintul᷊i, “I'o ṛinone nate!

YEREMIA 1:1

Buke indi lal᷊oṛṛoannu manga wisaran Yeremia ana'i Hilkia, sangkatou imam wuassu soa Anatot su wageangngu leta'i Benyamin.

YEREMIA 32:7

manungku i Hanameel, ana'a esakki tuṛṛangngu iamangku Salum, sarun dumanta maddorongnga tadea'u i ya'u mamalli letangnge su Anatot su wageangngu leta'i Benyamin. Ana waugu, ete i ya'u tuṛṛangnge apan aranianne wotongnge mamalli leta'a udde.

YEREMIA 34:20

I Ya'u sarun manantilli yamiu su seetta apan mappulu mamate si yamiu. Winal᷊unannu sarun inasannu manu'u winalanganna wuṛṛu winatangnga mal᷊aṛṛaga.