YEREMIA 11:20 - WUKE SUSI WATTI'U AL᷊AL᷊USASSA

²⁰ Ana see i ya'u inumal᷊iomanna, “Oh Mawu Apan Lembontaṛṛino, I'o mallaṛṛuungnga apan matul᷊idda; ete I'o apan masingkattu ṛingidda wuṛṛu naungngu taumata. Hatto'u indi ta'u itantilla Si'o. Doronganna i ya'u wotongnge maasilo Si'o mabbal᷊issa inolaannu manga taumata udde.”

YEREMIA 11:20 Referans Kwoze

YEREMIA 20:12

Arawe, oh Mawu Apan Lembontaṛṛino, ringannu atatul᷊idda I'o nanal᷊u'atta taumata; I'o masingkattu naungnga wuṛṛu ṛingiranni mangitou. Ana waugu udde walaawe i ya'u ma'ellega Si'o mabbal᷊issa al᷊al᷊eon seetta ana waugu tumba'u Si'o ta'u itantilla hatto'u.

YEREMIA 17:10

I Ya'u, Mawu, mannaṛṛassidda naungnga, naungngu taumata Ta'u i uji. Suapan taumata sarun Ta'u wal᷊isanna tumuṛṛuttu pallal᷊agune, wuṛṛu Ta'u olaanna uasul᷊ungngu inolaanne.”

DARALO 7:9

I'o makkungngu umattu taumata; i ya'u onggol᷊eten atatul᷊idda, oh Mawu, ana waugu i ya'u tawe sal᷊ane.

1 SAMUEL 16:7

Arawe Mawu nabbisara si Samuel, “Arie i'o umanggangu al᷊aṛṛamage wuṛṛu wadangnge mal᷊angkassa; wal᷊ine i tou Ta'u pileanna. I Ya'u tawe ma'ellega wa'ikke, arawe i Ya'u ma'ellega naungnge.”

SONDAPPA 2:23

Manga mallal᷊aṛṛenggenne sarun Ta'u pateanna lai tadea'u anambon jamaatta maatutukka manungku ete i Ya'u, i Tou apan masingkatu ṛingiranna wuṛṛu naungngu taumata. I yamiu sarun Ta'u wal᷊isanna tumuṛṛuttu inolaannu sangkatou-sangkatou.

YEREMIA 17:18

Doronganna iapa mangngenggenna wuṛṛu mangngallangnga si ya'u, pansilian-Nu wuṛṛu penean-Nu ringannu atata'utta. Arawe ariewe ma'ola'a aroddi si ya'u, oh Mawu. Rantate asasilaka si mangitou ma'oman sara i mangitou masue mawinasa.

YEREMIA 15:15

Wua'udde i ya'u nabbisara, “Mawu, I'o ma'asunna. Naungewe, wuṛṛu ontol᷊ewe i ya'u. Wal᷊isete i mangitou apan mangngenggenna wuṛṛu mangngallangnga si ya'u. Ariewe tumaniten masabbare si mangitou ma'oman sara i mangitou wotongnge maapate si ya'u. Naungete manungku ana waugu I'o i ya'u nial᷊uandahanna.

1 TAWARIKH 29:17

I ya'u masingkatta I'o mannal᷊u'atta naungngu taumata wuṛṛu maapulun taumata apan naungnge waresi. Ringannu asasaṛṛionto'a wuṛṛu al᷊al᷊uassu naungnga sarangkanambone indi ta'u ionggolla Si'o. I ya'u buatte na'ellega ereapa al᷊aṛṛanang-Ngu apan uasemodda isindi uaapiddu aonggolli mangitou Si'o ringannu al᷊al᷊uassu naungnga.

PANDARIADDI 18:25

Ariewe manga taumata apan tawe sal᷊ane udde pateanna suadio'a ringannu taumata pia sal᷊ane. Arie Mawu! Ana waugu amungkangngu udde olaannu Mawu, taumata apan tawe sal᷊ane sarun iṛṛuumanna suadio'a ringannu taumata nassal᷊a. Tawe mariaddi mallaruungngu ul᷊ilin pati'uppa makkungnga tawe su atatul᷊idda!”

SONDAPPA 18:20

Ei surga, lala'e ana waugu aṛṛaṛṛimunsa'u soa udde! Ei, al᷊aṛṛana'u Ruata, manga rasul, manga nabi, lala'e! Ana waugu Ruata suete naṛṛuumanni tou maola'a sambau bawal᷊issu sarangkanambone apan niola'i mangitou si yamiu!

1 PETRUS 2:23

Su tempo i Tou lallelanna, i Tou tawe nabal᷊issu lal᷊ela. Su tempo i Tou uatataṛṛanga, i Tou tawe namansaga; i Tou tumba'u nanantillu hatto-Ne su Ruata, Mallaṛṛuungnga apan matul᷊ida udde.

2 TIMOTIUS 4:14

Aleksander, taṛṛa ola'a witu'a udde suete na'ola'a manga inolaanna apan lal᷊eo si ya'u. Mawu sarun mabbal᷊issa si tou tumuṛṛuttu inolaanne.

FILIPI 4:6

Arie paasinggawanga su ola'u manga apa. Sulal᷊ummu al᷊awo'u inolaanna, aal᷊iomante wuṛṛu paddorongke su Ruata. Apa apan ipaapulun kamiu, wal᷊oa'e udde sidutu su Ruata ringannu wisara aadiangkamanna.

WATTI'U MANGA RASUL 17:31

Ana waugu i Tou suete nanantunnu sambau tempo ipamarikissa ahewallu runia indi ringannu atatul᷊idda. Manara udde sarun olaannu sangkatou apan suete nipilen Ruata su ipa'ola'a manara udde. Wuṛṛu tadea'u anambon taumata ma'asunna olangnge udde, Ruata suete napaawiakku taumata apia udde wuassu papate!”

YEREMIA 12:1

“Amungkangngu i ya'u mangapiddu hatto'u su saruan-Nu, oh Mawu, isudde mangke asingkatanna manungku ete I'o apan atonna. Arawe i ya'u mappulu lai ma'iwal᷊o Si'o su ola'u atatul᷊idda; Anio taumata lal᷊eo mabbal᷊i su lal᷊umanna'a? Anio ewe'e taumata taṛṛa linga mabbal᷊i ala?

DARALO 98:9

Ana waugu i Tou nirumanta makkuungngu runia; manga walahanna sarun ṛuungan-Ne ringannu atatul᷊idda wuṛṛu su ṛinone.

DARALO 57:1

Su piaṛṛa'u mangangantari. Tumuṛṛuttu antari: Imbaṛṛangnga manggohakka. Daralo wuassi Daud, sutempo i tou tinumal᷊anga su loṛṛangnga mallinda'i Saul.

DARALO 43:1

Onggol᷊eten atatul᷊idda si ya'u, oh Ruata, sambaaite i ya'u su saruannu walahanna apan dal᷊eo. Liuaawe i ya'u wuassu taumata lal᷊eo wuṛṛu taṛṛa wahia.

DARALO 35:2

Panganute lal᷊indumma wuṛṛu allung-Ngu, wuṛṛu darisikke pangontola si ya'u.

AYUB 5:8

Amungkangngu i ya'u erete i'o udde su Ruata i ya'u sumal᷊ande. Ete si Tou i ya'u sarun mangalae, lapiddu manantillu hatto'u.

1 TAWARIKH 28:9

Ana see si Salomo, i Daud nabbisara, “Ana'u, ṛinone Ruata apan sassubbannu iamangngu, a'uannu lai maola'a Ruatanu. I'o ṛinone mangngimanna si Tou ringannu mal᷊uassa wuṛṛu awawiran naungnga. Ana waugu i Tou masingkatta anambon ṛingiranna wuṛṛu apulun naungngi ite. Amungkangu i'o maddea'a si Tou, i Tou sarun asombangannu, arawe amungkangu i'o manantangngi Tou, i Tou saran manantangngu saran mal᷊annu-l᷊annu.

1 SAMUEL 24:15

Pa'ellege allangngu indi apan sarun pateannu ratun Israel! Pa'ellege allangngu indi apan sidutu a'enggenanne! Allangngu tumba'u sambau asu apan nate, tumba'u ere utu.

DARALO 7:8

Ammul᷊a'e manga walahanna apan marani-Nu, wuṛṛu pamarentate si mangitou wuassu addera-Nu su surga.

DARALO 58:10

Tantal᷊anna taambe naatutukka, i mangitou natete, naal᷊ihidda ṛapusi'a apan ta'e nangelomma wuṛṛu ta'e mawawo nasue nitalla'u anginna, naal᷊ihidda sasuanna naṛṛangute.

DARALO 139:23

Parikisewe i ya'u oh Ruata, saṛṛasirewe naungku, sal᷊u'atewe i ya'u wuṛṛu asingkatewe ṛingirangku.

YEREMIA 12:3

Arawe I'o, oh Mawu, masingka'u. I'o ma'asilo inolaangku, wuṛṛu I'o masingkattu ereapa apendammu naungku Si'o. Apira'e manga taumata lal᷊eo udde sumabbangnga, apira'e i mangitou ere domba su pamamototanna. Riagaite i mangitou maddatingngu tempone i mangitou ṛatanna.

YEHEZKIEL 11:5

Wua'udde Ghaṛṛahon Mawu nangooppa si ya'u, wuṛṛu i ya'u nirolokku Mawu iapawisara su taumatan Israel, “Ei walahannu Israel, i Ya'u masingkatta apa apan iwabbisaran kamiu wuṛṛu ihaagolagi yamiu.

2 MARARATU 19:14

I Hizkia nanengkamma suratta udde wuassu manga daroloṛṛanna, ana see i tou nabbasate. Wua'udde i tou inaite su Wal᷊en Mawu, wuṛṛu namilattu suratta udde su saruannu Mawu,

DARALO 7:10

Illol᷊oa'e al᷊al᷊eon taumata mal᷊awanga wuṛṛu tohasse naungngu taumata mapia, ana waugu I'o Ruata apan matul᷊idda, apan masingkattu naunga wuṛṛu ṛingirannu taumata.

LAL᷊ALLU 3:58

I'o nirumanta manahekku hatto'u, oh Mawu, niawa'u I'o buatte nanal᷊amatta.

LAL᷊ALLU 3:59

I'o ma'ellega al᷊al᷊eo apan niola'a su saruangku, hol᷊aga lal᷊eo wuassu seetta apan maddantingku. Ana waugu udde, oh Mawu, sambaaite hatto'u.

LAL᷊ALLU 3:64

Ṛuumana'e i mangitou uasul᷊ungngu inolaanni mangitou, oh Mawu.