YEREMIA 11:19 - WUKE SUSI WATTI'U AL᷊AL᷊USASSA

¹⁹ I ya'u naal᷊ihidda domba apan ringannu tawe antimma lal᷊eo niapidda sutampa pamamototanna. I ya'u wagga manungku ete i ya'u apan maola'a punnu manga hol᷊agi mangitou apan dal᷊eo udde. I mangitou nabbisara, “Wette i ite manuwangnga alu indi tantal᷊anna i tou ta'e mangngonggollu wuane; i ite mamate si tou tadea'u aranne abbul᷊ianannu taumata.”

YEREMIA 11:19 Referans Kwoze

YEREMIA 20:10

Niaringiṛṛanna taumata sussal᷊imburunga suapan tampa, “Atata'utta suapan tampa! Wette alaea'e udde siapa pia taṛṛinone!” Ewe'e lai anambon hawe'u ate uaṛṛaddo ananawo'u. Unni mangitou, “Asinungka ringannu sasal᷊o'a, i tou wotongnge iawaddo, tadea'u wotongngete i ite mabbal᷊issa atataddu'u naungnga si tou.”

YEREMIA 18:18

Taumata mabbisara, “Wette i ite ma'ammulle lumawangnga si Yeremia. Wal᷊ine tumba'u i tou apan botongnge maggahatton Duata. Sidutu sarun pia imam apan botongnge mangonggollu al᷊aṛṛa'a, pia taumata pande apan botongnge mangonggollu tatantiro; wuṛṛu pia nabi apan wotongnge mamasingkatta si ite manga tanata wuassu Ruata. Wette i ite mangalaen tou su mallaṛṛuungnga wuṛṛu lai maddirite maddaringikka manga wisarane.”

DARALO 83:4

I mangitou makkinnu hol᷊aga lal᷊eo ipando'appa al᷊aṛṛanang-Ngu; wuṛṛu nabbaidda lumawangnga manga taumata apan lal᷊u'aran-Nu.

DARALO 31:13

I ya'u tinimbul᷊iananna naal᷊ihidda taumata nate, wuṛṛu nabbal᷊i ere saranapa nirammete.

AYUB 28:13

Asingkatta tawe su pattangngannu taumata; taweddu maasingkattu aregane apan atonna.

DARALO 27:13

I ya'u mangimanna manungku sarun mamendamma apapian Mawu sulal᷊ummu wia'u su runia indi.

YESAYA 38:11

Wisara'u, i ya'u tate lai ma'ellega Mawu su runia, ara'e ma'ellega taumata su runia indi.

YESAYA 32:7

Arawe sangkatou taṛṛa awusu maṛṛingidda wuṛṛu ma'ola'a al᷊al᷊eo. I tou maddea'a ṛingidda ipanilaka taumata asiangnga ringannu manga wisara awusu wuṛṛu mannal᷊awa'a si mangitou tadea'u tawe maasomba hakkane.

AMSAL 10:7

Pannanaunganna su taumata mapia udde maola'a al᷊amatta, arawe taumata lal᷊eo lapiddu abbul᷊iananna.

AMSAL 7:22

Ringannu tawe naṛṛingidda i tou nallaṛṛenggente wawine udde ere sapi apan niapidda sutampan pamamototanna wuṛṛu ere taumatan ṛuumanna apan niapidda manarimmattu ṛuumanna apan buatte nisaddian taumata woddo;

DARALO 116:9

Ne i ya'u wotongnge maapendamma mabbiakka su runia indi, sulal᷊ummu lu'addu Mawu.

DARALO 109:13

Wala'e anambon papapulunne ṛaddaanna, wuṛṛu aranne timbul᷊ianannu pal᷊awanna manansunna.

DANIEL 9:26

Su panginsueannu tempo udde piaṛṛa'a nipilen Duata udde sarun pateanna, sumbal᷊i i tou tawe sal᷊ane. Ne nirumantate tantaran sangkatou ratu apan matohassa, ana see nakkimunsa'e soa Yerusalem see lai Wal᷊en Mawu. Panguddusannu tempo udde sarun rumanta manawangnga apan mangapiddu pangalo wuṛṛu araṛṛimunsa'a, ere buatte nitantunnu Ruata.

DARALO 142:5

Sutempo i ya'u nanaile sandiṛṛanna, i ya'u naasilo tawe sasumbala si ya'u. Taweddu mallu'adda si ya'u, ara'e piaddu ma'ellega si ya'u.

DARALO 112:6

Taumata mapia tawe mabbelenga aroddi; i tou sarun nanaunganna saran mal᷊annu-l᷊annu.

DARALO 52:5

I'o lembon marangngu al᷊al᷊eo wuassu apapia, mallutuanna mammahia wuassu mabbisara atonna.

DARALO 35:15

Arawe sutempo i ya'u su asasusa, i mangitou lulluassa, wuṛṛu nakkulunna mando'appa si ya'u. I mangitou u'amatta ua'ento ipallobbosa si ya'u.

YEREMIA 26:8

Tawe nal᷊annu napawe i ya'u buatte namasingkattu anambon tanata Mawu ere buatte niparenta Mawu, i mangitou nanametta si ya'u lapiddu mangngintul᷊i, “I'o ṛinone nate!

YEHEZKIEL 32:24

Elam poiaroddi lai ringannu holangngu tantarane uapal᷊iwutta si tou. Tawe nisunatta, i mangitou sarangkanambone nate sulal᷊ummu pangalo, ana see nilumintukke su runian taumata nate. Sutempo wiakka, i mangitou mammata'utta, arawe orassa indi i mangitou natete wuṛṛu ṛinone mamasanna asasili suadio'a ringannu manga taumata apan natete sulal᷊ummu pangalo.

AMSAL 24:15

Imbaṛṛangnga ere taumata lal᷊eo apan ma'ire makkampassa taumata matul᷊idda wuṛṛu mangaṛṛo wal᷊ene.

HOSEA 9:8

Ruata nandolo'u maola'a nabi tadea'u mapaanaungnga si yamiu uman-Ne, arawe watukku apa i ya'u inai, i yamiu maddea'a manongnga si ya'u ere manu'u winalanganna. Su wanua pussa'an Duata sassane, i yamiu manga nabi ipasseettu tumanangnge.