YEREMIA 10:23 - WUKE SUSI WATTI'U AL᷊AL᷊USASSA

²³ Mawu, i ya'u masingkatta tawe saran sangkatou apan maataṛṛino manantunnu nasimme ara'e mangul᷊inna lal᷊annu pabbiaṛṛanne.

YEREMIA 10:23 Referans Kwoze

AMSAL 20:24

Mawu buatte nanantunnu lal᷊annu pabbiaṛṛannu taumata su runia indi; waugu udde taumata tawe maasunna lal᷊annu pabbiaṛṛanne sassane.

AMSAL 16:1

Taumata wotongnge manggol᷊aga, arawe Ruata apan makkawessa.

DARALO 37:23

Mawu mangngehetta taumata sulal᷊anna apan ṛinone amatanne, i Tou mannohassa taumata mabbiakka tuttuṛṛuta apulu-Ne.

DARALO 17:5

I ya'u sidutu mabiakka tumuṛṛuttu tatantiro-Nu wuṛṛu tawe sumewadda wuassu lal᷊an-Nu.

AMSAL 3:6

Pannaungke Mawu sulal᷊ummu al᷊awo'u manaranu, ne i Tou sarun mamiaṛṛangngu lal᷊annu pabbiaṛṛanna apan mapia.

AMSAL 16:9

Taumata wotongnge manggol᷊aga, arawe Ruata apan manantunnu lal᷊annu pabbiaṛṛanne.

YESAYA 26:7

Taumata mapia su lal᷊anna matul᷊idda, ana waugu I'o, Mawu, namu'a lal᷊anni mangitou.

DANIEL 5:23

Tuangku mammungan batanganne su saruannu Mawu su surga wuṛṛu waṛṛani mandolokka mangapiddu manga mangko apan buatte niaṛṛo wuassu Wal᷊en Mawu. Ana see Tuangku wuṛṛu manga tembonanne, manga awingnga wuṛṛu manga nia'in Tuangku na'inumma wuassu manga mangko wul᷊awanna, sal᷊a'a, witu'a atta'a, alu wuṛṛu watu, manga monganna apan tawe maasilo ara'e maaringikka ara'e tawe maasunna. Tuangku tawe mangaddatta Ruata apan mannantunnu pabbiarṛṛanna wuṛṛu papaten tuangku manantunnu amatannu pabiaṛṛanni Tuangku.