YEREMIA 10:18 - WUKE SUSI WATTI'U AL᷊AL᷊USASSA

¹⁸ Paassa indi Mawu sarun manuntungngu anambon walahannu Yehuda su pamamuanganna; i yamiu sarangkanambone sarun ṛimunsaan-Ne sara masue. Eteudde tanata wuassu Mawu.

YEREMIA 10:18 Referans Kwoze

1 SAMUEL 25:29

Unnuwisara pia sangkatou apan mamangalo si Tuangku, ne i Tuangku sarun lu'arannu Ruata ere lai darotongnga apan rariagannu tatahuanne. Arawe seetti Tuangnga sarun iwaretan Mawu marau-rau, iwaretan taṛṛa ali-ali.

ZAKARIA 1:6

Ringannu nappaattu manga nabi manga allang-Ku udde, i Ya'u namasingkattu manga parenta wuṛṛu manga tataggu su iupungngu al᷊amonanu. Arawe i mangitou tawe maddaringikka na'oman sara i mangitou ṛinone mamasanna pangillul᷊eanne. Wua'udde i mangitou sinumassilla wuṛṛu nanga'u manungku i Ya'u, Mawu Apan Lembontaṛṛino, buatte nakkuumanni mangitou uasul᷊ungngu pasasal᷊a mangitou, wuṛṛu uasul᷊ungngu apa apan buatte nitantung-Ku.”

YEHEZKIEL 6:10

Ne i mangitou sarun maasingkatta manungku ete i Ya'u Mawu wuṛṛu manungku anambon tataggu apan Ta'u nionggola wal᷊ine wawansaga awusu.”

YEREMIA 23:20

Asasa'u-Ne tawe umompo'a tantal᷊anna sarangkanambone apan niṛṛiinne taambe niola'a. Su allo addantane umattu Mawu sarun maasunna olangnge udde ringannu matualaga.”

YEREMIA 16:13

Ana waugu udde, i yamiu sarun Ta'u limbuaṛṛanna wuassu wanua indi wuṛṛu Ta'u iramme su sambau wanua apan awagananni yamiu wuṛṛu al᷊amonanu. Poiaroddi i yamiu sarun mattaṛṛamawu allo ṛabbi su manga mawu waine, wuṛṛu i Ya'u tate umakkanni yamiu. ’ ”

TAHIUL᷊E 28:52

I mangitou sarun mamangalo al᷊awo'u soa apan nionggolu Mawu Ruatanu si yamiu, ma'oman sara darandungnge apan matanggakka wuṛṛu matohassa ipamungan kamiu udde sarun maṛṛa'a.

YEREMIA 22:26

I'o wuṛṛu inangngu sarun Ta'u limbuaṛṛanna wuṛṛu Ta'u iramme watukku wanua wal᷊ine niariaddiannu, wuṛṛu poiaroddi iraddua sarun nate.

ZEFANYA 1:17

Mawu nabbisara, “I Ya'u sarun mandantan manambo asasilaka su umattu taumata, na'oman sara i mangitou sarun uasasaṛṛipo ere taumata wuta. I mangitou sarun ma'ola'a rosa si Ya'u, wuṛṛu orassa indi daṛṛan mangitou. Sarun mabboso ere ua'e, wuṛṛu manga winal᷊unanni mangitou sarun mawukku'a su leta'a.”

YESAYA 22:17

Paaṛṛaddo, i Ya'u sarun mandammenu marau-rau. I'o sarun Ta'u attonganna wuṛṛu Ta'u lul᷊unanna ana see Ta'u ital᷊inggi ere bale watukku wanua apan bahewalla. Poiaroddi i'o sarun mate su sandiṛṛannu manga kereta ipammunganu. I'o buatte nandal᷊eo arannu ṛuangannu hagurangngu.