YEREMIA 10:14 - WUKE SUSI WATTI'U AL᷊AL᷊USASSA

¹⁴ Naasilo sarangkanambone udde taumata naatutukke, manungku i tou woddo wuṛṛu tawe pasasunna. Manga basen wul᷊awanna niawul᷊iannu hatine, ana waugu paal᷊uanna sassubbanna lanna'u limane udde awusu wuṛṛu tawe sasangngone.

YEREMIA 10:14 Referans Kwoze

YEREMIA 10:8

Longonna wuṛṛu woddo mangitou sarangkanambone ana waugu mongannu tumba'u alu sangkabuwu, tawe maapangaṛṛa'a apa apan pia gunane.

YESAYA 42:17

Taumata apan mangngimanna su paal᷊uanna sassubbanna wuṛṛu mangnga'u udde maola'a mawu mangitou, sarun lobbosanna wuṛṛu pansilianna.”

YESAYA 45:16

Anambon taumata apan mallanginnu paal᷊uanna sassubbanna; sarun pansilianna wuṛṛu al᷊uandahanna.

DARALO 97:7

Anambon taumata apan massubba paal᷊uanna sarun pansilianna, apan mammungan darotongnga apan tawe gunane; anambon monganna sarun massubba su saruannu Mawu.

YESAYA 44:11

Atonna, anambon taumata apan massubba paal᷊uanna sarun masili. Taumata apan nallanginnu paal᷊uanna udde taumata ere i ite. Doloṛṛa'e i mangitou dumarisikka suadio'a; i mangitou sarun matta'utta wuṛṛu masili.

DARALO 14:2

Wuassu surga Mawu ual᷊ellega umattu taumata maddea'a taumata pande wuṛṛu massubba si Tou.

DARALO 92:6

Aroddi ahewalle manga inolaan-Nu, oh Mawu, aroddi alal᷊umme manga ṛingiran-Nu!

DARALO 94:8

Ei walahangku, ariewe mattingka woddo ereudde, paapiate mappaattu ṛingirannu!

AMSAL 30:2

I ya'u woddo ere winatangnga; tawe uatahuanna pasasunna.

ROMA 1:25

Ruata apan naṛṛino, nihantianni mangitou ringannu sarannapa awusu. Wal᷊ine mandariaddi ewe'e apan niriaddine udde sassubanna wuṛṛu a'imbeanni mangitou. Sumbal᷊i iapa nandiaddi udde apan ṛinone raloanna sarangkal᷊o'engnge! Amin.

YEREMIA 10:5

Manga paal᷊uanna sassubbanna udde naal᷊ihidda saṛṛen taumata su waillu katimu. I mangitou tawe maawisara, wuṛṛu tawe maal᷊empangnga, wuṛṛu ṛinone a'bengketanna. Arie mata'utti mangitou, ana waugu i mangitou tawe ma'ola'a al᷊al᷊eo si yamiu; ma'ola'a apapia lai i mangitou tawe maaola'a.”

1 SAMUEL 5:4

Arawe tiṛṛabbine marua'allo, i mangitou naasilo apia manungku paal᷊uanna udde nanawote apia su saruannu Wantallu Pa'aire udde. Paassa indi puane wuṛṛu ta'iakke ruan ba'a naponggo'a wuṛṛu ete uaraddo su pappuannu ngara; tumba'u awa'u paal᷊uanna udde ta'e su lannangnge. (

YESAYA 57:12

Arawe i Ya'u mamasingkatta si'o; pangangagamanu udde awusu, wuṛṛu anambon inolaannu udde tawe gunane si'o.