YEREMIA 10:12 - WUKE SUSI WATTI'U AL᷊AL᷊USASSA

¹² Mawu apan nandiaddi runia ringannu taṛṛino-Ne, na'ola'a runia ringannu asingkan-Ne, wuṛṛu namilattu langitta ringannu apapia-Ne.

YEREMIA 10:12 Referans Kwoze

AYUB 9:8

Niwilanne winalanganna ringannu taweddu nallal᷊ima; ringanna niṛṛinda liuddu atoannu tahal᷊oangnga.

PANDARIADDI 1:1

Su al᷊amonane, su tempo Ruata nanattakke mandiaddi ul᷊ilin pati'uppa,

AMSAL 3:19

Ringannu asingkatta, Mawu nandiaddi runia; ringannu darangngu-Ne i tou namilattu langitta su tampa-Ne.

YESAYA 40:22

Iapa nandiadi uaṛṛamba'a roso su al᷊imboin dunia, tumanangnge a'asiloanna maraddio'a ere taṛṛangassa. I tou namilattu langitta ere mal᷊aṛṛenessa, wuṛṛu namasen langitta naola'a ere rasanna apan atanaanna.

KOLOSE 1:16

Ana waugu ete sulal᷊ummi Tou Ruata nandiaddi al᷊awo'u manga apa su surga wuṛṛu su wowon dunia, al᷊awo'u apa apan aasiloanna wuṛṛu apa apan tawe asiloanna, nasutta lai alawo'u ghaṛṛaho apan uataṛṛino wuṛṛu uaparenta. Ahewallu runia indi niola'a sulal᷊ummi Kristus wuṛṛu hunane si Kristus.

YOHANES 1:3

Sarangkanambone niola'a sulal᷊ummi Tou, wuṛṛu wuassu al᷊awo'u apan piate, tawe saran sambau apan inola'a tawedi Tou.

DARALO 24:2

I Tou nangaddon rapappake su wowon tahal᷊oangnga, wuṛṛu nipasi'a su ua'e apan mal᷊al᷊umma.

ZAKARIA 12:1

Eteindi tanatan Mawu su ola'u Israel. Mawu apan namataddu langitta, nandiaddi runia nangonggollu wiakka su taumata nabbisara,

YEREMIA 32:17

“Mawu Apan Atanggaṛṛanne, ete I'o nandiaddi langitta wuṛṛu runia ringannu taṛṛino wuṛṛu auatan-Nu apan bahewalla. Tawe saran sambau apan masahadda Si'o.

YEREMIA 10:13

Tumba'u ringannu mangonggollu parenta, mannuntingikke ua'e su langitta. Wuassu manga pentakku runia niaparanta-Ne winabbawa, wuṛṛu niolang-Nge sawallu ma'ilatta sulal᷊ummu uranna, see lai niapasabbang-Nge anginna wuassu pananahipunan-Ne.

YESAYA 49:8

Mawu nabbisara uman-Ne, “Sutempo i Ya'u mal᷊uassa, i Ya'u sarun sumimbakka; su allo i Ya'u manal᷊amatta, i Ya'u mantul᷊ungngi yamiu. I yamiu Ta'u lu'aranna wuṛṛu riagang-Ku, wuṛṛu Ta'u olaanna paaire su manga walahanna. Ta'u isul᷊e apia wanua apan mal᷊annabba maola'a leta'a pussa'a apan wawanuanna.

YESAYA 48:13

Lima-U nangaddon mal᷊ita'u runia wuṛṛu namil᷊attu winalanganna. Napawe i Ya'u mamaggo aranne, ringannu mal᷊ihakka i mangitou rumanta.

YESAYA 45:18

Ete Mawu apan nandiaddi langitta, Ete i Tou Ruata! Ete i Tou nandiaddi wuṛṛu namungkangu runia, niola'a matohassa wuṛṛu sidutu uarisikka. I tou tawe na'ola'a sambau tampa apan mal᷊anna-l᷊annaba, arawe tampa apan atatanaanna. Ete i Tou apan nabbisara, “Ete i Ya'u Mawu, wuṛṛu taweddu bal᷊ine.

YESAYA 45:12

Ete i Ya'u Mawu apan nandiaddi runia, wuṛṛu nandiaddi taumata mamanua isudde. Ringannu taṛṛino-U i Ya'u namilattu langitta, wuṛṛu namarenta matannallo, wul᷊anna wuṛṛu manga anumpitanna.

YESAYA 44:24

Etearendi wisara Mawu Mananal᷊amannu apan nandiaddi si'o ro'en ta'e sulal᷊ummu illoṛṛo, “Ete i Ya'u Mawu apan nandiaddi al᷊awo'a, apan sassane namilattu langitta, wuṛṛu taweddu nassumbala nandiaddi runia.

YESAYA 42:5

Mawu Ruata nandiaddi wuṛṛu namilattu langitta; i Tou na'ola'a runia wuṛṛu al᷊awo'a apan tuttuwo su leata'a. I Tou nangonggollu sasangngo ipabbiakka wuṛṛu niawa. I Tou nangonggollu tanata indi su allang-Nge.

DARALO 104:24

Aroddi anambone lanna'u manara-Nu, Mawu, sarangkanambone niolang-Ngu ringannu apande; runia napenen lanna'u lima-Nu.

DARALO 33:6

Mawu nanita, ne langitta nariaddite; matannallo, wul᷊anna wuṛṛu anumpitanna niola'u ṛengetan-Ne.

AMSAL 30:4

Taumata suapane apan buatte napapal᷊ele su surga? Buattewe i tou nakkangkumma anginna sulal᷊ummu limane, wuṛṛu nami'unna ua'e sulal᷊ummu laungnge, ara'e nanantunnu manga passarannu runia? Isai i tou, wuṛṛu isai anangnge? I'o sarun masingkatta!

DARALO 119:90

Apapia-Nu mattaṛṛangnga su al᷊o'engngu tempo, I'o nanohassa runia tadea'u ta'e pia.

DARALO 78:69

I Tou napararisikku Wal᷊en-Ne ere tatanaan-Ne su surga, wuṛṛu ere runia, matohassa saran mal᷊annu-l᷊annu.

AYUB 26:7

Ruata namilattu langitta, uaal᷊ungnga tahal᷊oangnga, wuṛṛu nangelen dunia su tampa tawe loṛṛone.

DARALO 104:2

wuṛṛu aoosannu asasemakka. I'o namataddu langitta ere rasanna,

DARALO 93:1

Mawu uddewe Ratu; i Tou uapeddettu awawantuga wuṛṛu atatohassa. Runia uarisikka matohassa tawe umio'a.

PANDARIADDI 2:5

taambe bualanna apan tinumuwo wuṛṛu taambe manga sinuananna su runia, ana waugu Ruata taambe napaasossokku uranna wuṛṛu taambe taumata mammanara leta'a udde.

AYUB 37:18

Wotongnge i'o ere Ruata apan namilattu winalanganna wuṛṛu niapaattikka ere atta'a iwabboso ara'e kaca?

YESAYA 37:16

“Mawu Apan Lembontaṛṛino, Ruatan Israel, apan ua'ianna su aṛṛa'uannu Ruata, ete I'o Ruata tinggassa apan uataṛṛino al᷊awo'u araratuanna su wowon dunia indi. Ete I'o apan nandiaddi langitta wuṛṛu runia.

YEREMIA 10:16

Ruatan Yakub wal᷊ine ere manga paal᷊uanna udde; i Tou mandariaddi al᷊awo'a. Aran-Ne eteudde Mawu Apan Lembontaṛṛino; i Tou buatte namile Israel maola'a uman-Ne.

YEREMIA 27:5

“Ringannu taṛṛino-U apan bahewalla wuṛṛu ringannu atatoha-U i Ya'u wotongnge mangonggolla sisai-sai apan ipaapulu-U.

1 TAWARIKH 16:26

Manga mongannu walahanna waine tumba'u paal᷊uanna sassubbanna arawe Mawu uddewe nandiaddi winalanganna.

DARALO 65:7

Ringannu atatohan-Nu I'o napararisikku manga wowone, tadea'u mapal᷊iatta'u taṛṛino-Nu apan matohassa.

YEREMIA 14:22

Manga mongannu manga walahanna tawe mapanossokku uranna su runia. Langitta lai tawe wotongnge manossokku uranna ringannu taṛṛinone sassane. Tumba'u ete I'o aantimanni yami. I'o na'ola'a sarangkanambone udde nariaddi.