YEREMIA 1:8 - WUKE SUSI WATTI'U AL᷊AL᷊USASSA

⁸ Arie paata'utti mangitou, ana waugu i Ya'u sarun maṛṛundinganna si'o tadea'u mallu'adda si'o. Ya'u, Mawu, buatte nabbisara!”

YEREMIA 1:8 Referans Kwoze

YOSUA 1:5

Tawe saran sangkatou apan botongnge maawaddonu Yosua, su al᷊o'engngu pabbiaṛṛannu. Ana waugu i Ya'u sidutu su sandiṛṛannu ere lai dorone su sandiṛṛanni Musa. I Ya'u tawe manantangu.

YOSUA 1:9

Naunge, i Ya'u buatte namarenta si'o tadea'u i'o atonna-tonna mangimanna wuṛṛu waṛṛani! Imbaṛṛanga i'o mata'utta ara'e alal᷊eoannu ikkata, ana waugu i Ya'u Mawu Ruatanu uṛundingnna su al᷊awo'u tampa a'amatannu.”

YESAYA 51:7

Paddaringikke si Ya'u, ei pabbawala-Ku, i yamiu masingkattu apa apan naṛṛino; al᷊aṛṛa-U sasahipunanna sulal᷊ummu naungngu. Arie paata'utta amungkangngu i yamiu eetannu taumata, arie passinggawanga amungkangngu i yamiu al᷊uandahanni mangitou.

TAHIUL᷊E 31:6

Ṛinone naungngi yamiu matammuda wuṛṛu waṛṛani! Imbaṛṛangnga mata'utti mangitou, ana waugu Mawu Ruatanu sassane sarun mantul᷊ungngi yamiu. I Tou tawe mapaurangngu naungngu ara'e manantangngi yamiu.”

WATTI'U MANGA RASUL 4:13

Manga wageangngu ammul᷊annu Mamamarikissa udde naherangnga naasilo awawaṛṛanin Petrus wuṛṛu i Yohanes, see lai i mangitou masingkatta manungku rasul darua udde taumata wiasa apan tawe si'ol᷊ane. See i mangitou naatutukke manungku rasul darua eteudde manga taumata apan uatantalongnga Mawu Yesus.

TAHIUL᷊E 31:8

Mawu sarun mangehetta wuṛṛu mantulungngu. I Tou tawe mapaasusan naungngu ara'e manantangngu. Ana waugu udde imbaṛṛangnga mata'utta ara'e suminggawangnga.”

SASABANGNGA 3:12

Ruata sinumimbakka, “I Ya'u sarun mantul᷊ungngu. Wuṛṛu napawe balahannu udde buatte niapiddu sinumabangnga wuassu Mesir, i yamiu sarun mattaṛṛamawu si Ya'u su wowone indi. Eteudde tatialane manungku i Ya'u nandolokku.”

WATTI'U MANGA RASUL 18:10

Ana waugu i Ya'u uaṛṛundinganna si'o. Tawe saran sangkatou apan mandal᷊eo si'o ana waugu manambo taumata su soa indi taumata-U.”

YESAYA 43:2

Napawe i'o mamare ua'e, i Ya'u sarun uaṛundinganna si'o, i'o tawe mawontolla sulal᷊ummu manga asasusanu. Napawe umamatta su putungnga, i'o tawe mal᷊oso, manga wawono'a mawakkatta tawe maasilaka si'o.

WATTI'U MANGA RASUL 26:17

I Ya'u sarun mapaal᷊iunu wuassu walahannu Israel wuṛṛu wuassu walahanna waine apan wal᷊ine Yahudi. I Ya'u sarun mandolokku inai ringanni mangitou iapawu'a mata mangitou,

WATTI'U MANGA RASUL 4:29

Orassa indi, Mawu, ellehete ereapa i mangitou mammansaggi yami. Wuṛṛu wala'e i yami, manga allang-Ngu indi mamasingkattu watti'a ringannu tawe matta'utta.

MATIUS 28:20

Aṛṛa'ete i mangitou tuttuṛṛutta anambon parenta apan suete niparenta-U si yamiu. Wuṛṛu paanaunge, i Ya'u sarun maṛṛundinganna si yamiu saran panginsueannu runia indi.”

MATIUS 10:26

“Ariewe pa'atauttu taumata. Tawe apa apan uawuni, apan tawe asiloanna, wuṛṛu tawedu apa apan ia'adappingnga apan tawe asingkatanna.

YEREMIA 20:11

Arawe I'o, oh Mawu, uasamba'a si ya'u; I'o lembon matohassa wuṛṛu ma'uatta. I mangitou mangngenggenna wuṛṛu mangngallangnga si ya'u sarun manawo wuṛṛu tawe maailore. I mangitou sarun masili sarangkal᷊o'enge, tate nariaddi anambon hol᷊agi mangitou. Hahelo mangitou udde sidutu sarun nanaunganna.

YEREMIA 1:17

Pandiahite, Yeremia! Roote wuṛṛu pasingkata'a si mangitou, sarangkanambone apan Ta'u nirolokka si'o. Arie mata'utti mangitou, tadea'u i'o tawe Ta'u olaanna lembon matta'utta lai sumaruanna si mangitou.

YESAYA 51:12

Mawu nabbisara, “Ete i Ya'u Mawu apan malluassa si yamiu. Anio i'o matta'uttu taumata apan mattate, su taumata apan niramme ere wal᷊abbuka?

EFESUS 6:20

Ana waugu ete Watti'u Al᷊al᷊uassa udde, i ya'u naola'a sangkatou daroloṛṛanna, wuṛṛu orassa indi sulal᷊ummu tuttupanna. Aal᷊iomante tadea'u i ya'u waṛṛani mabbisara su ola'u Watti'u Al᷊al᷊uassa udde, su ereapa i ya'u ṛinone mabbisara.

YEREMIA 30:11

I Ya'u sarun dumanta wuṛṛu i yamiu Ta'u iapaasal᷊amatta. Manga walahanna, su tampa i yamiu Ta'u nisal᷊iawukka sarangkanambone sarun Ta'u pateanna, arawe i yamiu tawe Ta'u olaanna aroddi. Atonna i yamiu tawe maal᷊iu wuassu ṛuumanna arawe ṛuumang-Ku si yamiu udde matul᷊idda uasul᷊ungngu atoranna. I Ya'u, Mawu, buatte nabbisara.”

YEREMIA 39:11

Ratu Nebukadnezar buatte nandolokki Nebuzaradan, darua perwira tantarane, mapasabbangngu parenta ereindi.

YEREMIA 42:11

I ya'u tumaniten massusa ana waugu buatte nandantan asasilaka si yamiu. Ariete mata'uttu ratun Babel udde. I Ya'u supattangngannu tadea'u mantul᷊ungnga wuṛṛu mamallossi yamiu wuassu kuasane.

DANIEL 3:17

Amungkangngu Ruata apan sassubbanni yami wotongnge manal᷊amatta si yami wuassu pandu'a apan tantal᷊anna lukkenggamma udde wuṛṛu wuassu taṛṛinon Tuangku – ne i Tou sarun ma'ola'a udde.

DANIEL 3:25

Sasimbakku ratu, “Arawe anio i ya'u naasilo siri appatta apan u'aamatta su pattangngannu putungnga udde? I mangitou tawe raṛṛapusanna wuṛṛu mangke tawe apa-apa. Wuṛṛu iapa aiappanne udde lihidde naal᷊ihidda monganna.”