YEREMIA 1:7 - WUKE SUSI WATTI'U AL᷊AL᷊USASSA

⁷ Arawe Mawu sinumimbakka, “Arie pabbisara manungku i'o ta'e dario'a. Amungkangngu i Ya'u mandolokku inai ringanni sai-sai, i'o ṛinone inai, wuṛṛu sarangkanambone apan Ta'u nirolokka udde iwal᷊onu, ṛinone iapasingkannu si mangitou.

YEREMIA 1:7 Referans Kwoze

REENGANNA 22:20

Rabbi udde Ruata nirumanta ringanni Bileam wuṛṛu nabbisara, “Manga taumata udde nirumanta madorongnga si'o inai ringanni mangitou. Nariaddi pasasadiate inai. Arawe pa'ola'e tumba'u apan irolokka si'o.”

MATIUS 28:20

Aṛṛa'ete i mangitou tuttuṛṛutta anambon parenta apan suete niparenta-U si yamiu. Wuṛṛu paanaunge, i Ya'u sarun maṛṛundinganna si yamiu saran panginsueannu runia indi.”

YEHEZKIEL 3:27

Paṛṛadote, amungkangngu i Ya'u mabbisara si'o apia wuṛṛu mamelengngu atatohannu maggahatto, i'o ṛinone mamasingkattu apa apan i Ya'u, Mawu Apan Atanggaṛṛanne mamasingkatta si mangitou. Sambageanganna wuassi mangitou sarun maddaringikka, arawe sambagenganna lai tawe, ana waugu i mangitou atonna walahanna mal᷊awangnga.”

2 TAWARIKH 18:13

Arawe i Mikha sinumimbakka, “Ringannu arannu Mawu apan wiakka, i ya'u tumba'u mamasingkatta apa apan niapasingkattu Mawu si ya'u!”

1 MARARATU 22:14

Arawe i Mikha sinumimbakka, “Ringannu arannu Mawu apan biakka, i ya'u tumba'u mamasingkatta apa apan niwal᷊on Mawu si ya'u!”

REENGANNA 22:38

I Bileam sinumimbakka, “Ne, orassa indi ya'u nirumantate. Arawe i ya'u tawe taṛṛino mabbisaran al᷊awo'u wisara tumba'u amungkangngu Mawu mandolo'u iapawisara.”

WATTI'U MANGA RASUL 20:27

Tawe saran paassa i ya'u tinumal᷊angnga wuassu manara'u mannal᷊a'a si yamiu anambon pandumannu Ruata.

1 MARARATU 3:7

Oh Mawu, Ruata'u, I'o namile si ya'u naola'a ratu nallol᷊ossa iamangku, salaiwe i ya'u ta'e saṛṛentumuwo wuṛṛu wagga ereapa olangnge mamarenta.

YEREMIA 7:27

Wua'udde Mawu nabbisara, “Ana waugu udde, ei Yeremia, salaiwe i'o mamasingkattu sarangkanambone udde su walahang-Ku, i mangitou maddiri massunna manga wisaranu. Salaiwe i'o mamaggo si mangitou, i mangitou tawe sumimbakka.

YEHEZKIEL 2:7

Pasingkata'e anambon tanata-U si mangitou, tanne i mangitou mappulu maddaringikka ara'e maddiri. Naungete manungku i mangitou udde manga lumal᷊awangnga.

AMOS 7:15

Arawe Mawu nangal᷊appa si ya'u wuassu manara'u, wuṛṛu nandolo'u iapapasingkattu tanata-Ne su taumatan Israel.

SASABANGNGA 6:29

Arawe i Musa sinumimbakka, “Mawu, I'o masingkatta manungku i ya'u longonna massinaukka. Ratu sarun tawe maddaringikka si ya'u?”

YEREMIA 26:2

Mawu nabbisara si ya'u, “Roote darisikka su rallakku Wal᷊e-U wuṛṛu pabbisarate su tumana'u Yehuda apan uddanta mattaṛṛamawu isudde. Wal᷊oa'a si mangitou sarangkanambone apan Ta'u nirolokka si'o tadea'u iapasingkatta si mangitou. Arie hainganna sarang kaddio'a.

YEREMIA 43:1

Tanata Mawu, Ruatan Israel, apan ṛinone ta'u iapasingkatta su tumana'u wanua buatte ta'u niapasingkatta sarangkanambone.

YUNUS 3:2

Wisara-Ne, “Roote watukku Niniwe, soa wahewalla udde, wuṛṛu wal᷊oa'e su tumanangnge, tanata apan Ta'u nionggolla si'o.”