YEREMIA 1:5 - WUKE SUSI WATTI'U AL᷊AL᷊USASSA

⁵ “Tantal᷊anna i Ya'u taambe nadiandi si'o sulal᷊ummu piolon inangngu, wuṛṛu tantal᷊anna i'o taambe nasungkangnga, i Ya'u buatte namile wuṛṛu maneneggu maola'a nabi su manga walahanna.”

YEREMIA 1:5 Referans Kwoze

DARALO 139:16

I'o maasilo si ya'u sutempo i ya'u ta'e sulal᷊ummu illoṛṛo; sarangkanambone uawoṛetta sulal᷊ummu wuke-Nu; manga allone buatte nitantunna tantal᷊anna allo sambau taambe nitattakka.

YESAYA 49:1

Paddaringikke si ya'u, ei manga wanua apan marau panutukke manga wisara'u. Mawu namaggo si ya'u tantal᷊anna i ya'u taambe niasungkanga, i Tou namile si ya'u ro'en ta'e sulal᷊ummu illoṛṛo.

ROMA 8:29

I mangitou lai suete nipilen Duata, wuṛṛu buatte nitantuna lai wuassu paarorone maola'a massul᷊ungngu Anang-Nge, eteudde Yesus Kristus. Ringannu aroddi Anang-Nge naola'a paarorone su wallattu anambon manga tuṛṛangnga.

YESAYA 49:5

Ro'en taambe nasungkanga, i ya'u niwaggoante Mawu maola'a allang-Nge, tadea'u ipangammullu umattu Israel, ana see i mangitou mabbelengnga apia ringanni Tou. Mawu na'ola'a si ya'u aaddatanna, Ruata uddewe atatoha'u.

YESAYA 44:2

Ete i Ya'u Mawu apan nandiaddi si'o, apan na'ola'a si'o ro'en ta'e su illoṛṛo, wuṛṛu apan nangontolla si'o. Arie pa'ata'utta, ete i'o allang-Ku, umatta nipile-U apan arangnguang-Ku.

LUKAS 1:41

Aroddi napawe i Elisabet naaringikka Maria nattabea, ana'a sulal᷊ummu illoṛṛon i Elisabet udde inumal᷊ore. Ne i Elisabet niasuttanten Ghaṛṛahon Ruata,

LUKAS 1:76

I'o, ei Ana'u, sarun isago nabi Ruata Lembon Atanggaṛṛanne. I'o apan nirolokka malliu ṛoro Mawu wuṛṛu mamu'a lal᷊an-Ne,

SASABANGNGA 33:17

Unnu Mawu si Musa, “Darorongngu sarun Ta'u daringiṛṛanna, ana waugu i Ya'u masingkannu wuṛṛu i Ya'u mal᷊uassa si'o.”

YEREMIA 1:10

Allo indi i Ya'u mangonggolla si'o taṛṛino su manga walahanna wuṛṛu manga araratuanna – taṛṛino ipanuwangnga wuṛṛu ipangema'a, tadea'u ipamaddo wuṛṛu ipamate, iapararisikka wuṛṛu ipassuanna.”

SASABANGNGA 33:12

Su sambau allo i Musa nabbisara Mawu, “Mawu, I'o namarenta si ya'u niapapiaṛṛa'u walahanna indi watukku wanua apan pina'ire-Nu. Arawe I'o tawe nabbal᷊o isai apan sarun irolokku mallal᷊ima si ya'u. Mawu, I'o nabbisara manungku I'o masingka'u, wuṛṛu mal᷊uassa si ya'u.

LUKAS 1:15

I tou sarun maola'a taumata mapia su aellegu Mawu, wuṛṛu i tou tawe ma'inumma anggore ara'e inumanna ma'awu'anna. Ro'en inasungkangnge i tou aintaṛṛoanten Ghaṛṛahon Ruata.

ROMA 1:1

Manga tuṛṛangnga sarangkanambone su Roma apan arangnguannu Ruata wuṛṛu apan buatte niwagoannu Ruata maola'a al᷊aṛṛanang-Nge. Ruata buatte namile wuṛṛu i ya'u sassane niapaatenega mammasingkattu Watti'u Al᷊al᷊uassa wuassu Ruata.

YEREMIA 50:34

Arawe i Ya'u mananal᷊amatti mangitou udde matohassa, arang-Ku Mawu Apan Lembontaṛṛino. Ete i Ya'u sassane apam nangesakku hatto mangitou wuṛṛu nangapiddu paddarame su wowon dunia. Arawe su taumatan Babel i Ya'u sarun mandantan pabbawawul᷊o wuṛṛu atata'utta.”

EFESUS 1:22

Ruata napasuṛṛubbawan sarangkanambone udde su al᷊unggu parentan Kristus, wuṛṛu nangonggoli Kristus su jamaatta maola'a tembonannu al᷊awo'u jamaatta.

YOHANES 10:36

anio i yamiu mabbisara si Ya'u mangngadio'a Ruata ana waugu nabbisara i Ya'u Ana'u Ruata? Sumbal᷊i Ya'u nipilen Ruata wuṛṛu nirolokka watukku runia.

1 KORINTUS 8:3

Arawe taumata apan atonna-tonna marangngu Ruata, i tou asingkatannu Ruata.

DARALO 139:15

Sutempo manga duṛṛi'u niola'a, ringannu ma'uduppa nilanginna sulal᷊ummu illoṛṛon inangku, tantal᷊anna i ya'u maggewalla poiaroddi ringannu awagananna, i ya'u tawe iawuni Si'o.

YEREMIA 1:4

Mawu nabbisara si ya'u,

YEREMIA 25:13

Babel sarun Ta'u iṛṛuumanna ringannu anambon asasilaka apan buatte Ta'u niṛṛiinna su manga walahanna wuṛṛu apan buatte Ta'u niapasingkatta wuassi Yeremia – eteudde anambon asasilaka apan uawoṛṛetta sulal᷊ummu buke indi.

YEREMIA 36:2

“Anute sambau buke lalul᷊unanna, wuṛṛu woṛṛeta'a isudde sarangkanambone apan buatte Ta'u niwisara si'o su ola'u Israel wuṛṛu Yehuda, wuṛṛu su ola'u al᷊awo'u walahanna. Woṛṛeta'e anambon wisara-U ro'en i Ya'u paarorone nabbisara si'o sutempo i Ratu Yosia uaparenta naddatingngu allo indi.

YEREMIA 20:15

Niawontohante lai mangangapiddu watti'a apan naaola'a iamangku lembon lulluassa, sutempo niapasingkatta si tou, “I'o maasomba sangkatou ana'a esakka!”