YEREMIA 1:3 - WUKE SUSI WATTI'U AL᷊AL᷊USASSA

³ Wua'udde Mawu nabbisara si tou apia ringannu masokka-sokka, manattakka wuassu i Yoyakim ana'i Yosia uaparenta naddatingngu tonna mapul᷊oassa i Zedekia ana'i Yosia uaparenta. Su wul᷊anna al᷊imane tonna udde lai tumana'u Yerusalem niṛṛuwo watukku pamamuanganna.

YEREMIA 1:3 Referans Kwoze

YEREMIA 39:2

Su allo assione wul᷊anna aiappanne tonna mapul᷊o assa sutempo i Ratu Zedekia uaparenta, darandungngu soa nihohakku seetta,

2 MARARATU 23:34

Wua'udde i Ratu Nekho nanenegu ana'i Yosia aranne i Elyakim naola'a ratun Yehuda, wuṛṛu namal᷊u aranni Elyakim nabbal᷊i Yoyakim. I Yoahas niapiddi tou watukku Mesir wuṛṛu i tou natete poiaroddi.

ZAKARIA 8:19

“Puasa apan a'olaanna su wul᷊anna aippanne, al᷊imane, appitune, wuṛṛu appul᷊one sarun maola'a manga ramea apan napenen al᷊al᷊uassa wuṛṛu lal᷊umanna'a su tumana'u Yehuda. Pandangngute atatul᷊idda wuṛṛu paddarame!”

ZAKARIA 7:5

Wisara-Ne, “Wal᷊oa'e su anambon tumana'u wanua indi wuṛṛu su manga imam, manungku puassa wuṛṛu lal᷊uai apan niola'i mangitou su wul᷊anna al᷊imane wuṛṛu appitune al᷊annune pitun pol᷊o su tonnane indi wal᷊inewe aaddatta si Ya'u.

YEREMIA 34:1

Sutempo i Nebukadnezar ratun Babel ringannu tantarane apan nitohassu manga tantara wuassu al᷊awo'u walahanna wuṛṛu araratuanna apan nassuṛṛubbawa si tou nirumanta mamangalo Yerusalem wuṛṛu manga soa maranine, Mawu nabbisara si ya'u.

1 TAWARIKH 3:15

I Yosia pia siri appatta ana'a esakka; i Yohanan, i Yoyakim, i Zedekia wuṛṛu i Yoahas.

2 MARARATU 24:17

Wua'udde i Nebukadnezar, nanenegi Matanya, tuṛṛangu iamangi Yoyakhin, naola'a ratun Yehuda, wuṛṛu namal᷊u aranne nabbal᷊i i Zedekia.

YEREMIA 1:4

Mawu nabbisara si ya'u,

YEREMIA 35:1

Sutempo Yoyakim ana'i Yosia naola'a ratun Yehuda, Mawu nabbisara si ya'u,

YEREMIA 36:2

“Anute sambau buke lalul᷊unanna, wuṛṛu woṛṛeta'a isudde sarangkanambone apan buatte Ta'u niwisara si'o su ola'u Israel wuṛṛu Yehuda, wuṛṛu su ola'u al᷊awo'u walahanna. Woṛṛeta'e anambon wisara-U ro'en i Ya'u paarorone nabbisara si'o sutempo i Ratu Yosia uaparenta naddatingngu allo indi.