YEREMIA 1:15 - WUKE SUSI WATTI'U AL᷊AL᷊USASSA

¹⁵ I Ya'u sarun mandolokku anambon walahanna su samba'an sawannakka rumanta mangaṛṛo Yerusalem. Manga darandungnga apan uapal᷊iwutta soa indi see lai manga ngaran pasallangannu wahewalla wuṛṛu anambon soa su Yehuda sarun aṛṛoanni mangitou.

YEREMIA 1:15 Referans Kwoze

YEREMIA 43:10

Ana see wal᷊oa'a si mangitou manungku i Ya'u, Mawu Apan Lembontaṛṛino, Ruatan Israel sarun maparantan allang-Ku Nebukadnezar ratun Babel, watukku tampa udde. Wuṛṛu su wowo manga watu apan nial᷊inu sulal᷊ummu leta'a udde, i tou sarun mapararisikku wal᷊en araratuanne see mani'akka rasannu araratuanne.

YEREMIA 25:9

‘I Ya'u sarun mamaggo anambon balahanna wuassu sawannakka, wuṛṛu lai allang-Ku, i Nebukadnezar ratun Babel. I mangitou sarun Ta'u parentanna iapapangalo mando'appa Yehuda wuṛṛu tumanangnge see lai al᷊awo'u walahanna maranine. Walahannu Yehuda suadio'a ringannu manga walahanna al᷊indonganne sarun Ta'u pateanna wuṛṛu Ta'u iwala maṛṛimunsa'a saran mal᷊annu-l᷊annu. Manga taumata apan naasilo udde sarun ṛumindu'a wuṛṛu maapendamma atata'utta. I Ya'u, Mawu, buatte nabbisara.

YEREMIA 9:11

Mawu nabbisara, “Yerusalem Ta'u olaanna napapussa'a tampa pa'imbuniannu asun ahuranganna. Manga soan Yehuda sarun mabbal᷊i mal᷊annabba, tampa apan tate lai atanaanna.”

YEREMIA 4:16

I mangitou mapaanaungngu manga araratuanna wuṛṛu namasingkatta tumana'u Yerusalem manungku seetta inawarendite nirumanta wuassu wanua apan marau. I mangitou mangikkuittu gahoressan pangalo su manga soan Yehuda

YEREMIA 39:3

wuṛṛu Yerusalem niaṛṛo. Ne anambon tembonannu araratuannu Babel nirumanta wuṛṛu inaite niuma'ianna su Ngara Pasallangannu Tangngane. Suwallatti mangitou isudde lai Nergal Sarezer, i Samgar Nebo, i Sarsekim tembonannu amonannu araratuanna, i Nergal Sarezer Rabmag wuṛṛu manga perwira waine.

YEREMIA 10:25

Sabbanga'e asasa'u-Nu su manga walahanna apan tawe manga'u Si'o wuṛṛu apan tawe mattaṛṛamawu Si'o. Ana waugu i mangitou buatte namate uman-Nu sara nasue wuṛṛu nanggohakku wanuang kami.

YESAYA 22:7

Manga wawal᷊anne apan masuwukka su Yehuda napenen keretan pangalo. Tantaran awal᷊o nariahite su saruannu manga ngara pasallangannu su Yerusalem.

LAL᷊ALLU 5:11

Manga wawine su Sion niṛṛampassa, manga maṛṛuala nil᷊al᷊eo su manga ampungngu Yehuda.

YEREMIA 44:6

Ana waugu udde i Ya'u napasabbangngu asasa'u-U wuṛṛu al᷊al᷊eo naung-Ku su manga soan Yehuda wuṛṛu manga lal᷊anna su Yerusalem. Sarangkanambone Ta'u nisoṛṛobba na'oman sara nabbal᷊i ete manga tuidda wuṛṛu nal᷊ol᷊okka ere lai aellehanna orassa indi.

YEREMIA 34:22

I Ya'u sarun mangongollu darolokka tadea'u i mangitou mabbelengnga su soa indi, ana see malliwunna, mangaṛṛo, wuṛṛu manoṛṛobba soa udde. Manga soan Yehuda sarun Ta'u olaanna ere wadda'u anne apan tawe tanaannu taumata. I Ya'u, Mawu, buatte nabbisara.”

YEREMIA 33:10

Mawu nabbisara, “Taumata mabbisara manungku tampa indi ere wadda'u anne, tawe taumata ara'e winatangnga apan matana'a isudde. Wisaram mangitou udde atonna, ana waugu manga soan Yehuda wuṛṛu manga lal᷊anna su Yerusalem tate loṛṛone abbi; tawe taumata ara'e winatangnga apan matana'a isudde.

YEREMIA 25:28

Wuṛṛu amungkangngu i mangitou maddiri manengkamma halasi udde wuassu limanu tadea'u pa'inummanna anggore, wal᷊oa'e manungku Mawu Apan Lembontaṛṛino buatte namarentan olangnge udde.

YEREMIA 10:22

Paddaringikke! Pia batti'a manungku sambau walahanna su sawannakka nanattakku paggahahio. Tantarane sarun ma'ola'a manga soan Yehuda mabbal᷊i mal᷊annabba wuṛṛu tawe taumatane. Manga asun ahuranganna sarun ma'imbuni poiaroddi.”

YEREMIA 6:22

Mawu nabbisara, “Sambau araratuanna apan matohassa tantal᷊anna u'amatta wuassu wanua apan marau su sawannakka. I mangitou rumanta mapapangalo.

YEREMIA 5:15

Ei ummattu Israel, Mawu tantal᷊anna mandantan sambau walahanna wuassu wanua apan marau tadea'u iapapangalo si yamiu. Walahanna udde piate ro'en al᷊amonane, pabbawisarane tawe asunnanni yamiu,

YEREMIA 4:6

Pantingira'e lal᷊anna watukku Sion, wuiddu Mawu, pa'asaṛṛawutte massal᷊iu, arie mal᷊annabba. Mawu tantal᷊anna mandantan asasilaka wuṛṛu ahahohakka apan bahewalla wuassu sawannakka.

YEREMIA 13:20

Mawu nabbisara su tumana'u Yerusalem, “Panutukke! Manga seennu tantal᷊anna ruddanta wuassu sawannakka! Suapate manga taumata apan ṛinone lindumanni yamiu wuṛṛu apan ipammungang kamiu udde.

YEREMIA 34:1

Sutempo i Nebukadnezar ratun Babel ringannu tantarane apan nitohassu manga tantara wuassu al᷊awo'u walahanna wuṛṛu araratuanna apan nassuṛṛubbawa si tou nirumanta mamangalo Yerusalem wuṛṛu manga soa maranine, Mawu nabbisara si ya'u.

YEREMIA 46:24

Tumana'u Mesir sarun pansilianna, ana waugu niwaddon balahanna wuassu sawannakka. I Ya'u, Mawu, buatte nabbisara.”

YEHEZKIEL 32:30

Anambon parinsi wuassu sawannakka udde poiaroddi, aroddi lai manga taumatan Sidon. Dorone taṛṛino mangitou nandatan atata'utta, arawe orassa indi i mangitou niapaasili wuṛṛu ringannu tawe nisunatta sinumossokka su runian taumata nate suadio'a ringannu manga taumata nate sulal᷊ummu pangalo. Poiaroddi i mangitou ual᷊allowangnga wuṛṛu uapasanna pasasal᷊a su sampunna ringannu manga taumata apan sinumossokka su runian taumata nate.

YOEL 2:20

Ammul᷊annu saṛṛappalanna wuassu sawannakka sarun Ta'u limbuaṛṛanna, sambageanganna Ta'u ul᷊uhanna watukku wadda'u anne. Watukku Tahal᷊oangnga Nate Ta'u itol᷊a'a warisanna su monane, watukku Tahal᷊oangnga Tangngane Ta'u limbuaṛṛanna warisana su liudde. Manga winal᷊unanne sarun mahal᷊uru. I mangitou Ta'u pateanna ana waugu buatte nanansara si yamiu.

ZAKARIA 6:6

Keretan pangalo apan wawol᷊engannu awal᷊o ma'itumma inai watukku Babel su sawannakka. Awal᷊o mawira watukku waṛṛatta wuṛṛu awal᷊o boṛṛenganna mattudda watukku araratuanna su timukka.”