YEHEZKIEL 9:2 - WUKE SUSI WATTI'U AL᷊AL᷊USASSA

² Sangkaṛṛindo'a sinummabbanga siri annumma wuassu samba'an liuddu ngaran Sawannakku Wal᷊en Mawu, sangkatou-sangkatou uaapiddu lutangnga. Suadio'a ringanni mangitou pia taumata uapedettu linen apan uaapiddu wawoṛṛetta. I mangitou sinumutta wuṛṛu dirumarisikka maranin mezbah witu'a.

YEHEZKIEL 9:2 Referans Kwoze

YEHEZKIEL 10:2

Wua'udde Ruata nabbisara su taumata apan uapeddettu linen udde, “Suttate suwallattu manga bola su al᷊ungngu manga mala'ekatta udde, wuṛṛu panganute sangkangkumma waṛṛan putungnga. Wua'udde sal᷊iawuṛṛa'e waṛṛa udde su soa.” I tou tinumuṛṛutta, wuṛṛu i ya'u mangke mannutukka si tou.

IMAMATTA 16:4

Wua'udde i Harun ṛinone manutukka manga atoranna indi. Tantal᷊anna taambe sinumutta su Wabbo'a Lembon Susi i tou ṛinone mandeno ana see mabbansalla laubbu imam, eteudde laubba, sal᷊ana maautta, papeṛṛetta wuṛṛu paporongnga, sarangkanambone wuassu linen.

SONDAPPA 15:6

See sire pitu mala'ekatta wuṛṛu pitu asasusa udde sinumabbanga wuassu Wal᷊en Ruata. Peddeti mangitou wuassu linen apan waresi wuṛṛu sussal᷊endapa. Wuṛṛu i mangitou ual᷊uṛṛen lal᷊induma sabba'a apan niola'a wuassu wul᷊awanna.

2 MARARATU 15:35

Arawe tumba'u sangkule, manga tampa passubanna monganna tawe nihohakka na'oman sara tumanange sidutu mangangapiddu sasamba wuṛṛu mannambunnu amania isudde. Ete i Yotam apan napararisikku Ngara Pasallanganna su samba'an sawannaku Wal᷊en Mawu.

YEREMIA 26:10

Sutempo manga tembonannu araratuannu Yehuda naaringikka apa apan buatte nariaddi, i mangitou nasasaṛṛawutta sinumabbangnga wuassu wal᷊en araratuanna ana see inaite watukku Wal᷊en Mawu, wuṛṛu niuma'ianna su Ngara Pasallanganna Wakku.

YEREMIA 25:9

‘I Ya'u sarun mamaggo anambon balahanna wuassu sawannakka, wuṛṛu lai allang-Ku, i Nebukadnezar ratun Babel. I mangitou sarun Ta'u parentanna iapapangalo mando'appa Yehuda wuṛṛu tumanangnge see lai al᷊awo'u walahanna maranine. Walahannu Yehuda suadio'a ringannu manga walahanna al᷊indonganne sarun Ta'u pateanna wuṛṛu Ta'u iwala maṛṛimunsa'a saran mal᷊annu-l᷊annu. Manga taumata apan naasilo udde sarun ṛumindu'a wuṛṛu maapendamma atata'utta. I Ya'u, Mawu, buatte nabbisara.

YEREMIA 1:15

I Ya'u sarun mandolokku anambon walahanna su samba'an sawannakka rumanta mangaṛṛo Yerusalem. Manga darandungnga apan uapal᷊iwutta soa indi see lai manga ngaran pasallangannu wahewalla wuṛṛu anambon soa su Yehuda sarun aṛṛoanni mangitou.

2 TAWARIKH 27:3

Ete i Yotam apan na'ola'a Ngara Wahewan Sawannakka su Wal᷊en Mawu, wuṛṛu nanohassa darandungngu Yerusalem su wageangngu leta'a apan isassago Ofel.

2 TAWARIKH 4:1

Ratu Salomo nandolokka niapaola'a sambau mezbah wuassu witu'a, al᷊o'engnge wuṛṛu alal᷊akke sambau-sambau 9 metere, wuṛṛu atanggakke 4.5 metere.

SASABANGNGA 40:29

wuṛṛu su saruannu ngara udde i tou nangaddon medda pangadoannu sasamba itattambunna. Su wowon mezbah udde i tou nangonggolu sasamba itattambunna maola'a wuṛṛu sasamba ia'imbe.

YEHEZKIEL 9:3

See semakka lullansianga apan mamasingkattu darantan Duatan Israel, natuakka wuassu manga mala'ekatta, ana see na'ingkatta wuassu tampane paarorone udde watukku ngara suttanna su Wal᷊en Mawu. Ne Mawu namago taumata apan uapeddettu linen udde, wisara-Ne,

YEHEZKIEL 9:11

Wua'udde taumata apan uapeddettu linen udde nabelengke wuṛṛu nabbal᷊o su Mawu, wisarane, “Anambon parenta Mawu buatte niamatta.”

DANIEL 10:5

I ya'u naningngara, ana see i ya'u naasilo sangkatou apan ual᷊uṛṛen peddeta wuassu linen wuṛṛu wawa'issu lawassa wuassu wul᷊awanna tutune.

DANIEL 12:6

Iapa sangkatou naiwal᷊o siapa apan uarisikka maddananiannu wunnu sal᷊ukka, “Tingngerate manga arariadianna apan maatingnga indi masue?”

YEREMIA 4:6

Pantingira'e lal᷊anna watukku Sion, wuiddu Mawu, pa'asaṛṛawutte massal᷊iu, arie mal᷊annabba. Mawu tantal᷊anna mandantan asasilaka wuṛṛu ahahohakka apan bahewalla wuassu sawannakka.

YEHEZKIEL 8:3

I tou nangul᷊ukku sambau saranapa ere ta'iakka, see nangametta uta'u. Wua'udde sulal᷊ummu sondappa udde, i ya'u niwengkettu Ghaṛṛahon Duata watukku winalanganna wuṛṛu niapidda su Wal᷊en Mawu su Yerusalem, su ngara sasuttanna su rallakku lal᷊umme apan su samba'an sawannakka. Isudde pia paal᷊uanna sassubbanna apan buatte naaranta asasa'un Duata.

AMOS 9:1

I ya'u naasilo Mawu uarisikka maranin mezbah. I Tou nangonggollu parenta indi, “Puulle pa'ikka-ikkatta manga puan diṛṛi su Wal᷊e-U tadea'u ahewallu panumbal᷊ene umio'a. Paṛṛaa'e manga diṛṛi udde su puan manga taumata. I mangitou apan tawe mate sarun Ta'u pateanna sulal᷊ummu pangalo. Tawe saran sangkatou apan tawe maatal᷊angngu watanganne, tawe saran sangkatou apan maal᷊aassangnga.