YEHEZKIEL 9:1 - WUKE SUSI WATTI'U AL᷊AL᷊USASSA

¹ Wua'udde i ya'u naaringikka Ruata niumui, “Rantate isindi ei manga taumata apan sarun mapaamattu ṛuumang-Ku su soa indi. Apira'e manga ahiddu!”

YEHEZKIEL 9:1 Referans Kwoze

YESAYA 6:8

Ana see i ya'u naaringikka tingikku Mawu nabbisara, “Isai apan Ta'u irolokka? Isai apan sarun maola'a mangangapiddu watti'i ite?” I ya'u sinumimbakka, “Indi i ya'u. Doloṛṛa'e i ya'u!”

SONDAPPA 14:7

Mala'ekatta udde u'ui ringannu tingikka apan ma'ikkatta, “Aata'utten Ruata wuṛṛu paddalote awawantu-Ge! Ana waugu nia'omante tempone Ruata mamarikissa taumata. Subbaite i Tou apan nandiaddi langitta, runia, tahal᷊oangnga wuṛṛu al᷊awo'u al᷊imatan ua'e!”

1 TAWARIKH 21:15

Ana see Mawu nandolokku sangkatou mala'ekatta niapaṛṛimunsa'a Yerusalem. Arawe sutempo mala'ekatta udde na'omate maranin paṛṛindanna ganduma pussa'an Arauna taumatan Yebus, Mawu namal᷊u parenta-Ne makkuumannu walahanna udde. I Tou nabbisara mala'ekatta udde, “Wotongngete, Taal᷊a'e!”

2 MARARATU 10:24

Ana see i Yehu wuṛṛu Yonadab nangonggolu sasamba si Baal. Su liuddu wal᷊en wahewalla, i Yehu buatte nangaddon 80 su atoune mandariaga wuṛṛu tembonannu tantara. I tou lai buatte nangonggolu parenta indi si mangitou, “I yamiu ṛinone mamate anambon taumata udde. Isai apan napaatal᷊angu sangkatou wuassi mangitou, sarun pateanna!”

SASABANGNGA 12:23

Su tempo Mawu mamal᷊intaddu wanua indi mamate manga taumata Mesir, Mawu sarun ma'elega daṛṛa su sal᷊aba'u wuṛṛu su pua ngaran bal᷊enu; ne i Tou sarun sumabbi wuṛṛu tawe mamalan Mala'ekattu Papate sumutta su wal᷊enu wuṛṛu mamate si yamiu.

YEHEZKIEL 43:3

Aellega uasul᷊ungnga ere lai ta'u niasiloanna sutempo Ruata nirumanta makkimunsa'a Yerusalem, wuṛṛu ere lai ta'u niasiloanna su Sal᷊ukku Kebar. Ana see i ya'u naṛṛa'a wuṛṛu niumal᷊intudda.

YEREMIA 4:6

Pantingira'e lal᷊anna watukku Sion, wuiddu Mawu, pa'asaṛṛawutte massal᷊iu, arie mal᷊annabba. Mawu tantal᷊anna mandantan asasilaka wuṛṛu ahahohakka apan bahewalla wuassu sawannakka.