YEHEZKIEL 8:3 - WUKE SUSI WATTI'U AL᷊AL᷊USASSA

³ I tou nangul᷊ukku sambau saranapa ere ta'iakka, see nangametta uta'u. Wua'udde sulal᷊ummu sondappa udde, i ya'u niwengkettu Ghaṛṛahon Duata watukku winalanganna wuṛṛu niapidda su Wal᷊en Mawu su Yerusalem, su ngara sasuttanna su rallakku lal᷊umme apan su samba'an sawannakka. Isudde pia paal᷊uanna sassubbanna apan buatte naaranta asasa'un Duata.

YEHEZKIEL 8:3 Referans Kwoze

TAHIUL᷊E 32:16

I mangitou massubba paal᷊uanna, na'oman sara Mawu nasa'u, asasa'u-Ne nawitta ana waugu al᷊al᷊eo udde.

YEHEZKIEL 11:1

Ana see i ya'u niwengkettu Ghaṛṛahon Duata wuṛṛu niapidda su ngara samba'an Ra'i su Wal᷊en Mawu. Isudde i ya'u naasilo 25 su atoune, suwallatti mangitou pia ruan katou piaṛṛa'u walahanna, eteudde Yaazanya ana'i Azur wuṛṛu Pelaca ana'i Benaya.

YEHEZKIEL 5:11

I Ya'u uddewe Ruata apan biakka, Mawu Apan Atanggaṛṛanne, wuṛṛu indiwe wisara-U: Ana waugu i'o buatte nandal᷊eo Wal᷊e-U ringannu al᷊awo'u inolaannu apan dal᷊eo wuṛṛu maarantinna, i Ya'u sarun makkimunsa'a si'o ringannu tawe ampunge.

DANIEL 5:5

Inaṛṛombanganne niasiloanna ta'iakku taumata apan mammoṛṛettu sambau wisara su darandungngu wal᷊en araratuanna su tampa apan asenaṛṛanne aatarangannu semaku sol᷊o na'oman sara ratu wotongnge maasilo ringannu matualaga.

YEHEZKIEL 40:2

Sulal᷊ummu sambau aellega, Ruata nangapi'u watukku leta'u Israel wuṛṛu i ya'u niaddo su wowone apan atanggaṛṛanne. Su saruangku aellehangku ammul᷊annu bangunanna naal᷊ihidda sambau soa.

YEHEZKIEL 11:24

Sulal᷊ummu aellega udde, Ghaṛṛahon Duata namengketta si ya'u wuṛṛu namelengku ringannu manga taumata niwuangnga su Babel. Wua'udde nawul᷊ite sondappa udde.

YEHEZKIEL 2:9

Wua'udde i ya'u naasilo ta'iakka apan ual᷊ul᷊ukka si ya'u. Sulal᷊ummu ta'iakka udde pia buke lalul᷊unanna,

TAHIUL᷊E 32:21

I mangitou na'ola'a i Ya'u nasa'u su saranapa apan wal᷊ine Ruata, wuṛṛu massa'u su paal᷊uanna sassubbanni mangitou. Ne i Ya'u na'ola'a manga al᷊aṛṛana-U nasa'u su apa apan wal᷊ine walahanna, wuṛṛu nasa'u su walahanna apan longonna.

TAHIUL᷊E 6:15

Amungkangngu i yamiu massubba manga monganna waine, ne i yamiu sarun aemaannu asasa'u Mawu Ruatanu wuṛṛu insueanna pateanna, ana waugu Mawu Ruatanu su pattangnganni yamiu maddiri isul᷊ungnga ringannu manga apa waine.

TAHIUL᷊E 5:9

Imbaṛṛangnga massubba paal᷊uanna ereudde ana waugu i Ya'u Mawu Ruatanu maddiri isul᷊ungngu anambon al᷊awo'u saranapa. Manga taumata apan maddanting-Ku Ta'u iṛṛuumanna maddatingngu papapulunne atallune wuṛṛu aiappatu ṛawanne.

TAHIUL᷊E 4:24

Ana waugu Mawu Ruatanu naal᷊ihidda putungnga apan mannoṛṛobba. I Tou maddiri isul᷊ungngu al᷊awo'u saranapa apan sassubbanna.

SASABANGNGA 20:5

Imbaṛṛangnga massubba paal᷊uanna ere udde, ana waugu ete i Ya'u Ruatanu, wuṛṛu i Ya'u maddiri isul᷊ungngu sarangkanambone. Manga taumata apan maddanting-Ku, Ta'u iṛṛuumanna sara ṛawanna atallune wuṛṛu aiappanne.

WATTI'U MANGA RASUL 8:39

Napawe i mangitou nilumapputa wuassu ua'e, Ghaṛṛahon Ruata nangal᷊appa si Filipus wua isudde. Tembonanne wuassu Etiopia udde tate naasilo si tou. Ringannu lulluassa tembonanne udde nanassukku amatanne.

DANIEL 10:18

Ne paassa lai i tou nangeṛetta si ya'u, ana see i ya'u naapendamma ikka'u niatambanna.

DANIEL 10:10

Wua'udde pia ta'iakka nangeṛṛetta si ya'u wuṛṛu i ya'u napabbangunna iapiddu sasengannu ta'iakka wuṛṛu wantiṛṛangku.

YEHEZKIEL 8:5

Ruata nabbisara si ya'u, “Ei taumata apan mattate, pa'ellege watukku sawannakka.” I ya'u tinumuṛṛutta, wuṛṛu su samba'an mezbah maranin dal᷊anna suttanna, i ya'u naasilo paal᷊uanna apan nandantan asasa'un Duata udde.

YEHEZKIEL 7:20

Dorone i mangitou lulluassu permata apan maṛṛamaga, arawe ana waugu i mangitou mapaatta ipa'ola'a manga paal᷊uanna apan maarantinna, Mawu na'ola'a darotongngi mangitou udde nabbal᷊i sambau apan maata'utta.

YEHEZKIEL 3:14

Taṛṛino Mawu nirumanta si ya'u ringannu masaddata, wuṛṛu sutempo i ya'u niwengketta wuṛṛu niapiddu Ghaṛṛaho-Ne, naungku pendamanna mapetta wuṛṛu masal᷊ihamma.

YEHEZKIEL 3:12

Wua'udde Ghaṛṛahon Duata namengketta si ya'u wuṛṛu su liu'u a'aringiṛṛanna tingikka mabbisara, “Paddalote awawantugu Mawu su surga!”

YEREMIA 32:34

Ewe'e lai wal᷊en apan niola'a hunan tampan patataṛṛamawuanna si Ya'u buatte niluhuranni mangitou ringannu pinangaddoannu manga paal᷊uanni mangitou apan maarantinna su tampa udde.

YEREMIA 7:30

Taumatan Yehuda buatte na'ola'a al᷊al᷊eo. Manga paal᷊uanni mangitou apan ipaddanting-Ku udde buatte niaddon mangitou sulal᷊ummu Wal᷊e-U, na'oman sara nal᷊al᷊eote wal᷊en udde.

DARALO 78:58

I mangitou maannamma Ruata ringannu tampa passubbanna, wuṛṛu na'ola'a si Tou nasa'u ringannu manga paal᷊uanni mangitou.

2 MARARATU 21:7

Hambarannu Monganni Asyera niaddo su Wal᷊en Mawu, sumbal᷊i su ola'u tampa udde Mawu buatte nabbisara si Daud wuṛṛu si Salomo anangnge, “Wal᷊e-U wuṛṛu soan Yerusalem indi, buatte Ta'u nipile wuassu wallatu leta'u siri mapul᷊o dua ruangannu Israel, eteudde tampa apan nipile-U, maola'a tampa patataṛṛamawuanna si Ya'u.

2 MARARATU 16:14

I Ahas naasilo manungku mezbah witu'a apan niṛṛae su Mawu udde addone suwallatu Wal᷊en Mawu wuṛṛu mezbane apan wakku. Ana waugu udde mezbah witu'a udde niingkatta wuassu saruannu Wal᷊en Mawu su samba'a sawannakku mezbane apan wakku udde.

2 MARARATU 2:16

wuṛṛu nabbisara, “Yami indi liman pul᷊o su atoune, sarangkanambone mangkatohassa. Ana waugu udde, wette i ite inai maddea'a si Elia mawunu. Asinungka Ghaṛṛahon Duata buatte nangapiddi tou watukku wowone ara'e wawal᷊anne ana see nanantangngi Elia isudde.” “Lasa'e!” sasimbakki Elisa.

1 MARARATU 18:12

Amungkangngu i ya'u inai wua' isindi, Ghaṛṛaho Mawu asinungka sarun mangapiddu Iamangnga watukku tampa apan awaganangku! Wuṛṛu amungkangngu i ya'u mamasingkatta si Ahab manungku Iamangnga isindi, wua'udde i tou tawe naasomba Iamangnga, i tou sarun mamate si ya'u. Ṛinone Iamangnga masingkatta, i ya'u indi atonna-tonna mattaṛṛamawu su Mawu ro'en addio'a!

YOSUA 24:19

Ana see i Yosua nabbisara, “Arawe i yamiu asinungka tawe maataṛangnga massubba Mawu, ana waugu ete i Tou Mawu Ruata apan na'ukkassa, Apan Tinggassa. I Tou madiri pia do'appa. Amungkangngu i yamiu manantangngi Tou wuṛṛu mattaṛṛamawu manga Mawu waine, i Tou tawe mangampungnga rosanu. Arawe mawal᷊elongnga i Tou sarun lumawanna wuṛṛu maṛṛuumanni yamiu, salaiwe paarorone i Tou marangngu si yamiu.”

SASABANGNGA 34:14

Imbaṛṛangnga massubba Mawu waine, ana waugu i Ya'u Mawu, eteudde Ruata apan tawe iasul᷊ungngu manga apa su ruania indi.

SASABANGNGA 20:4

Imbaṛṛangnga i'o ma'ola'a paal᷊uanna hun su batangannu apan lihidde ere roso su langitta, su runia ara'e sulal᷊ummu ua'e su al᷊ungngu runia.

YEHEZKIEL 1:1

Su allo al᷊imane wul᷊anna aiappanne su tonna tallun pul᷊o, sulal᷊ummu tonna al᷊imane ro'en i Ratu Yoyakhin niapidda su pamamuanganna, i ya'u, Imam Yehezkiel ana'i Busi, isudde su winggin Sal᷊ukku Kebar su Babel suadio'a ringannu manga taumatan Yahudi apan niwuangnga waine. Inaṛṛombanganne langitta nawu'a wuṛṛu i ya'u naasomba sondappa su ola'u Ruata. I ya'u naaringikka Mawu nabbisara si ya'u wuṛṛu i ya'u naapendamma atatohassu taṛṛino-Ne.

YEHEZKIEL 10:3

Sutempo i tou sinumutta, manga mala'ekatta udde tantal᷊anna uarisikka su samba'an timukku Wal᷊en Mawu. Ammul᷊annu winabbawa namene rallakka sulal᷊umme wuṛṛu su ahewallu Wal᷊en Mawu.

YEHEZKIEL 37:1

I ya'u naapendamma taṛṛino Mawu, wuṛṛu Ghaṛṛaho-Ne nangapi'u sinumossokka su wawal᷊anne apan napene manga duṛṛi.

YEHEZKIEL 43:5

Ghaṛṛaho Mawu namengketta si ya'u wuṛṛu nangapi'u watukku rallakku lal᷊umme; iasudde i ya'u naasilo Wal᷊e Mawu aoosanna semakku daranta Mawu.

YEHEZKIEL 43:8

Dorone manga ratu mangitou ma'ola'a manga pua ngara wuṛṛu manga diṛṛi ngaran bal᷊en araratuanni mangitou su liuddu manga pua ngara wuṛṛu manga diṛṛin Bal᷊e-U, na'oman sara tumba'u pia samba'u darandunga su wallanne. I mangitou buatte nandal᷊eo arang-Ku apan na'ukkassa ringannu manga inolaanni mangitou apan maarantinna. Ana waugu udde i mangitou Ta'u nipate sulal᷊ummu asasa'u-U.

YEHEZKIEL 9:2

Sangkaṛṛindo'a sinummabbanga siri annumma wuassu samba'an liuddu ngaran Sawannakku Wal᷊en Mawu, sangkatou-sangkatou uaapiddu lutangnga. Suadio'a ringanni mangitou pia taumata uapedettu linen apan uaapiddu wawoṛṛetta. I mangitou sinumutta wuṛṛu dirumarisikka maranin mezbah witu'a.