YEHEZKIEL 7:19 - WUKE SUSI WATTI'U AL᷊AL᷊USASSA

¹⁹ Wul᷊awanna wuṛṛu sal᷊a'a sarun iramme i mangitou su manga lal᷊anna naal᷊ihidda sapadda, ana waugu su allo Mawu mapasabbangu asasa'u-Ne, wul᷊awanna wuṛṛu sal᷊a'a udde tawe mapanal᷊amatta si mangitou, ewe'e lai mamontolli mangitou sulal᷊ummu rosa. I mangitou tawe mapappaatta ipalluassa ara'e ipalloṛṛo tianni mangitou.

YEHEZKIEL 7:19 Referans Kwoze

ZEFANYA 1:18

Su allo apan maata'utta udde Mawu sarun mapal᷊iatta'u asasa'u-Ne, ne anambon wul᷊awanna wuṛṛu sal᷊a'an mangitou tawe maasal᷊amatta si mangitou. Ahewallu runia sarun maṛṛimunsa'a abbi soṛṛowannu putungngu asasa'u-Ne. Ringannu tawe niaṛṛangngo i Tou sarun manawutta anambon niawa su runia indi.

AMSAL 11:4

Amungkangngu uasaruante papate, darotongnga tate gunane; wiakku sarun masal᷊amatta napawe naungngu masaṛṛionto'a.

YEHEZKIEL 14:7

Suapan taumatan Israel ara'e taumata raho apan uatana'a suwallattu walahannu Israel, apan nangindau-U wuṛṛu nanantillu watanganne su paal᷊uanna, ana see naddorongnga tatantiro su sangkatou nabi, sarun Ta'u simbaṛṛanna sassane.

MATIUS 16:26

Apa auntunganne su sangkatou taumata, amungkangngu ahewallu runia indi maola'a darotongnge arawe i tou awul᷊iannu wiakke? Wotongnge wiakka udde sal᷊iuannu sambau darotongnga?

YEHEZKIEL 44:12

Arawe ana waugu i mangitou buatte na'ola'a lal᷊aghu pasasubba paal᷊uanna hunan walahannu Israel, wuṛṛu ringannu olangnge udde mangngapiddu walahanna udde sulal᷊ummu rosa, ne i Ya'u, Mawu Apan Atanggaṛṛanne, massalu manungku i mangitou ṛinone iṛṛuumanna.

MANNANASE 5:10

Lembon manambo paa'alan sangkatou lembon manambo taumata waine ṛinone onggol᷊anni tou anna. Tawe auntunganna su tatahuanne, i tou tumba'u masingkatta manungku i tou ala.

YESAYA 55:2

Apa hunane mamalli sambau saranapa apan tawe maal᷊uassa naungnga, wuṛṛu mammanara hunan apa apan tawe maal᷊aidda? Tuṛṛutte parenta-Ku, ne i yamiu sarun umanna anna apan mapia, wuṛṛu mattemma anna uaimbe apan matemangnga.

YESAYA 30:22

Manga paal᷊uanna sassubbannu apan aoosannu sal᷊a'a wuṛṛu wul᷊awanna sarun irammen kami naal᷊ihidda sapadda, lapiddu mabbisara, “Paaraute wua dingangku!”

ROMA 11:9

Daud nabbisara lai, “Wala'e manga andeangngi mangitou maola'a wal᷊ati'a si mangitou sassane, wuṛṛu maola'a loṛṛangnga, tampa mangitou manawo wuṛṛu maṛṛimunsa'a!

2 MARARATU 7:15

I mangitou na'oman sara Sal᷊ukku Yordan. Su al᷊o'engu lal᷊anna i mangitou maasilo laubba wuṛṛu manga saranapa uasal᷊iawukka. Sarangkanambone udde ṛatangannu taumatan Siria walate awaretane sutempo i mangitou tinumal᷊anga. Manga daroloṛannu ratu udde napul᷊ete wuṛṛu nabbal᷊ote ratu.

AMSAL 10:2

Paa'ala apan niasombanganna ringannu mallinga tawe mandantan auntunganna; arawe mawal᷊i'a, atatul᷊idda sarun manal᷊amatta.

LAL᷊ALLU 4:1

Wul᷊awanna apan lullendappa naola'e mawol᷊a manga watun Wal᷊en Duata uasal᷊iawukka su lal᷊anna.

YEHEZKIEL 13:5

I mangitou tawe nandiaga manga tampa suapa manga darandungnge naṛṛa'a, wuṛṛu lai tawe nangapia manga tatanda'a udde. Nariaddi, Israel tawe iatahekka amungkangngu papangalo mariaddite su allo i Ya'u, Mawu rumanta makkuumanna.

ZEFANYA 1:3

anambon taumata wuṛṛu winatangnga, nasutta manu'u winalanganna wuṛṛu inassa. Taumata lal᷊eo sarun Ta'u pateanna. Anambon umattu taumata sarun insuenanna, tawe saran sangkatou apan Ta'u iwala wiakka. I Ya'u, Mawu, buatte nabbisara.