YEHEZKIEL 7:16 - WUKE SUSI WATTI'U AL᷊AL᷊USASSA

¹⁶ Sambageanganna sarum maralukka wuṛṛu tumal᷊angngu watanganne su panenteanna. Isudde i mangitou sarun maola'a ere manu'a merpati apan lallimbuaṛṛanna wuassu manga wawal᷊anne; sarangkanambone sarun sumal᷊iomanna ana waugu manga rosa mangitou.

YEHEZKIEL 7:16 Referans Kwoze

YESAYA 59:11

I yami su atata'utta wuṛṛu su asasusa; i yami maddea'a atatul᷊idda, arawe tawe baddi'a; i yami mangngantimma asasal᷊amatta, arawe tawe gunane.

YESAYA 38:14

Tingi'u mallannu ma'adio'a wuṛṛu massi'ome, naal᷊ihidda ana'u manu'u winalanganna i ya'u sussal᷊ande. Mata'u nal᷊otakke uatingngara langitta, Mawu, pallosa'awe i ya'u wuassu asasusa indi.

EZRA 9:15

Mawu, Ruatan Israel! I'o matul᷊idda, salaiwe aroddi I'o namalan kami wiakka. I yami tawe su tampane sumaruanna aṛṛa'uan-Nu.”

YESAYA 37:31

Taumatan Yehuda apan ta'e wiakka sarun su lal᷊umanna'a ere sasuanna apan ṛamunne tumaniten mal᷊al᷊umma wuṛṛu mapasabbangu wuane.

YEHEZKIEL 36:31

I yamiu sarun maanaungnga pallal᷊agunu apan dal᷊eo wuṛṛu inolaannu apan tawe suṛṛinone udde, ana see i yamiu mabbal᷊i mammuta batangannu sassane ana waugu manga rosa wuṛṛu al᷊al᷊eonu udde.

YEREMIA 44:28

Tumaba'u manga pira taumata apan sarun masal᷊amatta wuṛṛu mabbelengnga su Yehuda wuassu Mesir. Ne anambon taumatan Yehuda apan su Mesir sarun maasilo tanne wisara mangitou ara'e wisara-U apan matualaga.

YEREMIA 44:14

Wuassu taumatan Yehuda apan nallambe, apan inaite su Mesir matana'a poiaroddi, tawe saran sangkatou apan mal᷊iu ara'e mabbiakka. Tawe saran sangkatou wuassi mangitou sarun maawelengnga watukku Yehuda, salaiwe olangnge udde tumaniten ipaapulu mangitou. Atonna, taweddu maawelengnga tabbene'e manga pirang katou tumatal᷊angnga.”

YEREMIA 31:9

I mangitou u'amatta ringannu allo mata apan mappinapi, Ta'u niwinalatanna wuṛṛu Ta'u niehetta i mangitou. Ta'u niapidda i mangitou niumamattu tampa apan manambo ua'ene, niummatta su lal᷊anna ratakke su tampa i mangitou tawe matara. Su Israel, i Ya'u maola'a Iamangnga; Efraim uddewe ana-U pahul᷊une.”

YESAYA 1:9

Unnuwisara Mawu Apan Lembontaṛṛino, tawe mandalukka manga pira taumata hunan kite, i ite lai nasuete abbi, ere Sodom wuṛṛu Gomora.

DARALO 55:2

Oh Ruata, daringiṛṛewe aal᷊iomangku, ariewe tawe maddaringikka sasal᷊ande'u.

YEREMIA 9:19

Su Sion niaringikka tingikku lal᷊uai, “I ite matete wuṛṛu tumaniten niapaasili. Wanuan kite ṛinone itantangngi ite, manga wal᷊eng kite naṛṛusa'a pasital᷊eṛṛonga.”

YEHEZKIEL 14:22

Unnuwisara piaddu naatal᷊angnga wuṛṛu nanal᷊amatta manga anangne, ellehewe i mangitou napawe i mangitou rumanta ringannu. Pa'ellege ereapa al᷊al᷊eone i mangitou, ne i yamiu sarun maatutukka manungku naṛṛinote inolaang-Ku nakkuumannu Yerusalem.

YEHEZKIEL 34:6

Ne manga domba-U nabbal᷊i lullallele su manga wuidda apan matanggakka wuṛṛu su manga wowone. I mangitou nassal᷊iawukka su ahewallu runia, tawe saran sangkatou apan ma'ellega si mangitou ara'e maddea'a si mangitou.

NAHUM 2:7

Ratu buatte niasametta, manga mangangimbene sussal᷊iomanna wuṛṛu sussangitta, i mangitou ma'uare ere manua'a addio'a, wuṛṛu mammeppella sabba'a ana waugu massusa.

ZEFANYA 1:14

Allon pallaṛṛuungngu Mawu maranite, ore, marani-ranite, manungku sarun dumanta ringannu mal᷊ihakka. Allo udde napenen atataddu'a, na'oman sara manga tantara apan atohasanne lai sarun sumal᷊iomanna ana waugu niasueannu ṛingidda!

YESAYA 59:12

Tumanite manambo al᷊al᷊eong kami su saruan-Nu; manga rosang kami mapaasal᷊ang kami. I yami atonna-tonna naatutukka al᷊al᷊eong kami, wuṛṛu naasingkatta manga rosan kami.

YEREMIA 3:21

Roso su manga puiddu wowone niaringikka tingikku hio; udde tingikku walahannu Israel apan lulluai wuṛṛu mangke sussal᷊ande, ana waugu i mangitou narosate, wuṛṛu naabul᷊ite Mawu Ruata mangitou.