YEHEZKIEL 6:6 - WUKE SUSI WATTI'U AL᷊AL᷊USASSA

⁶ Anambon soa su Israel sarun ihohakka, al᷊awo'u mezbahne wuṛṛu paal᷊uanne ṛimunsaanna iapasal᷊iawukka, manga panambunannu amaniane pasi tal᷊eṛṛonga, wuṛṛu al᷊awo'a apan a'olaanni mangitou sarun mawul᷊i.

YEHEZKIEL 6:6 Referans Kwoze

ZAKARIA 13:2

Su allo udde sarun Ta'u pappasanna arannu manga paal᷊uanna wuassu leta'a indi, na'oman sara tate saran sangkatou apan mannaungnga. Anambon taumata apan mangnga'u watanganne nabi sarun Ta'u limbuaṛṛanna suadio'a ringanni mangitou apan niasuttanu ghṛṛaho mallinga.

MIKHA 1:7

Manga paal᷊uanne apan maarega sarun ṛimunsaanna, wuṛṛu suapan saranapa apan nionggolla su manga wawine apan mammanara su kuil sarun tutunganna, see al᷊awo'u paal᷊uanne sarun ṛimunsaanna. Manga saranapa uddewe ina'ul᷊en patataṛṛamawune su mongannu asasuwukka. Orassa indi sarangkanambone udde sarun ṛuwoannu manga seetta olanna sasamba aadiangkamanna su manga monganni mangitou.”

YEHEZKIEL 5:14

I'o sarun maola'a manga tuidda wuṛṛu manga walahanna maraninu sarun mangal᷊uandaga si'o; suapan taumata apan sumabbi sarun mangindaunu.

YESAYA 6:11

I ya'u naiwal᷊o, “Pira al᷊annune olangnge sarun iapaamatta, Mawu?” I Tou sinumimbakka, “Ma'oman sara manga soa mahohakka abbi sara tate tumatanangnge, manga wal᷊en tate atanaanna lai, wuṛṛu leta'a naola'a tawe loṛṛone wuṛṛu lol᷊okke,

YEHEZKIEL 6:4

Manga mezbahne sarun iṛṛa'a wuṛṛu manga pananambunannu amaniane sarun waanna. Anambon taumata isudde sarun pateanna su saruannu paal᷊uanne.

IMAMATTA 26:30

I Ya'u sarun makkimunsa'a manga tampa patataṛamawuanu su wowon manga wuidda, manggohakku manga mezbahnu tampa panutunganna amania, wuṛṛu mallombo manga winal᷊unannu su manga mongannu apan naṛaate udde. Ringannu maddantinna

ZEFANYA 1:18

Su allo apan maata'utta udde Mawu sarun mapal᷊iatta'u asasa'u-Ne, ne anambon wul᷊awanna wuṛṛu sal᷊a'an mangitou tawe maasal᷊amatta si mangitou. Ahewallu runia sarun maṛṛimunsa'a abbi soṛṛowannu putungngu asasa'u-Ne. Ringannu tawe niaṛṛangngo i Tou sarun manawutta anambon niawa su runia indi.

HABAKUK 2:18

Niawontohante i'o! I'o mabbisara su alu sampaddi, “Darisikke!” ara'e su sambau watu wahewalla, “Pabbangunte!” wotongngewe sambau paal᷊uanna mamasingkattu sambau saranapa si'o? Wotongnge mariaddi paal᷊uanna udde aoosannu wul᷊awanna wuṛṛu sal᷊a'a, arawe i tou tawe niawa. Apa hunane paal᷊uanna sassubbanna? Udde tumba'u inolaannu taumata. Apan niasombangannu wuassi tou tumba'u awusu. Tawe gunane pangangimannu mallal᷊anginnu paal᷊uanna su lanna'u limane, apan tawe maawisara udde.

MIKHA 5:13

Manga diṛṛin Mongannu Asyera su wunuanu sarun Ta'u iapaṛṛa'a, wuṛṛu manga soannu apan pia tanda'a watune sarun Ta'u ṛimunsaanna.

MIKHA 3:12

Ana waugu al᷊aleonu udde, Sion sarun pajekoanna ere wawail᷊anna, Yerusalem sarun maola'a ombon winalal᷊anna, wuṛṛu wuiddu Wal᷊en Mawu mabbal᷊i mahurangnge.

HOSEA 10:8

Manga kuil su manga wuidda su Betel tampan taumatan Israel massubba paal᷊uanna, sarun ṛimunsaanna. Larangnga wuṛṛu nannal᷊o sarun tumuwo su mezbah i mangitou. Ana see i mangitou sarun mangintul᷊i sarun manga wowone, “Taapete i yami!” wuṛṛu su manga wuidda, “Soopete i yami!”

HOSEA 10:2

Manga taumata apan naungnge taṛṛa l᷊inga udde, orassa indi ṛinone mamasanna pangillul᷊eannu rosane. Ruata sarun makkimunsa'a mezbah i mangitou, wuṛṛu mapaṛṛa'a manga palen paal᷊uanni mangitou.

YEHEZKIEL 30:13

Mawu Apan Atanggaṛṛanne nabbisara, “I Ya'u sarun makkimunsa'a manga paal᷊uanna wuṛṛu manga monganna su Memfis. Tate lai ratu su Mesir. Anambon tumanangne sarun Ta'u olaanna matta'utta.

YEHEZKIEL 16:39

I'o sarun Ta'u itantilla su manga arangnguannu udde, wuṛṛu i mangitou sarun mapaṛṛa'a manga tampa i'o sussandaga wuṛṛu massubba paal᷊uanna. Al᷊awo'u laungngu wuṛṛu lal᷊ogakku sarun aṛṛoanni mangitou, ma'oman sara i'o matantol᷊e.

YEREMIA 34:22

I Ya'u sarun mangongollu darolokka tadea'u i mangitou mabbelengnga su soa indi, ana see malliwunna, mangaṛṛo, wuṛṛu manoṛṛobba soa udde. Manga soan Yehuda sarun Ta'u olaanna ere wadda'u anne apan tawe tanaannu taumata. I Ya'u, Mawu, buatte nabbisara.”

YEREMIA 17:3

wuṛṛu su manga wowone su liuddu soa. Ana waugu anambon tampa pasasubbanna paal᷊uanna apan buatte nilanginni yamiu su ahewallu wanua wuṛṛu ana waugu al᷊awo'u rosa apan buatte niola'i yamiu, ne i Ya'u sarun ma'ola'a manga seennu mandootta al᷊awo'u darotongnga wuṛṛu pa'aalanu.

YEREMIA 10:22

Paddaringikke! Pia batti'a manungku sambau walahanna su sawannakka nanattakku paggahahio. Tantarane sarun ma'ola'a manga soan Yehuda mabbal᷊i mal᷊annabba wuṛṛu tawe taumatane. Manga asun ahuranganna sarun ma'imbuni poiaroddi.”

YEREMIA 9:19

Su Sion niaringikka tingikku lal᷊uai, “I ite matete wuṛṛu tumaniten niapaasili. Wanuan kite ṛinone itantangngi ite, manga wal᷊eng kite naṛṛusa'a pasital᷊eṛṛonga.”

YEREMIA 9:11

Mawu nabbisara, “Yerusalem Ta'u olaanna napapussa'a tampa pa'imbuniannu asun ahuranganna. Manga soan Yehuda sarun mabbal᷊i mal᷊annabba, tampa apan tate lai atanaanna.”

YEREMIA 2:15

Seenne mammiṛṛonganna ere singa, letangnge niola'a mamara wuṛṛu tawe loṛṛone, manga soane nasue nisoṛṛobbu putungnga, niwala aroddi tawe tumanangnge.

YESAYA 64:10

Manga soa-Nu apan na'ukkassa naal᷊ihidda wadda'u anne, Yerusalem naola'a wadda'a maṛṛasa wuṛṛu mal᷊annabba.

YESAYA 27:9

Arawe manga rosan Israel tumba'u wotongnge ampunganna amungkangngu mezbah manga monganna ihilingnga al᷊ussa naal᷊ihidda apukka. Anambon tampan amania wuṛṛu hambarannu Monganna Asyera ṛinone ṛimunsaanna lai.

YESAYA 2:18

Manga paal᷊uanna sarun mawul᷊i abbi-abbi.

YESAYA 1:31

Naal᷊ihidda laṛṛami natutungngu waṛṛan putungnga, aroddi lai manga taumata apan uataṛṛino sarun iapawinasa ana waugu inolanni mangitou sassane apan tumaniten dal᷊eo, wuṛṛu taweddu wotongnge mapaillol᷊on awawinasa udde.

DARALO 115:8

Antimanna etearoddi pal᷊addu manga taumata apan nallanginna, wuṛṛu anambon taumata apan mangngimanna si tou.

IMAMATTA 26:31

manga soanu sarun Ta'u wal᷊uanna mabbal᷊i tuidda, manga tampa patataṛamawuannu Ta'u ṛimunsaanna wuṛṛu manga sasambanu tawe Ta'u seengkamanna.

1 SAMUEL 5:4

Arawe tiṛṛabbine marua'allo, i mangitou naasilo apia manungku paal᷊uanna udde nanawote apia su saruannu Wantallu Pa'aire udde. Paassa indi puane wuṛṛu ta'iakke ruan ba'a naponggo'a wuṛṛu ete uaraddo su pappuannu ngara; tumba'u awa'u paal᷊uanna udde ta'e su lannangnge. (

YEHEZKIEL 6:7

Suapa-suapa pia taumata apan iapate, wuṛṛu i mangitou apan nasal᷊amatta sarun maasingkatta manungku ete i Ya'u Mawu.

YEHEZKIEL 12:19

Pasingkata'e su anambon balahanna apa apan i Ya'u, Mawu Apan Atanggaṛṛanne nabbisara su tumana'u Yerusalem apan ta'e uatana'a su leta'i mangitou. I mangitou sarun mangiladda sutempo umanna wuṛṛu mangngindon atata'utta sutempo ma'inumma. Leta'i mangitou sarun mabbal᷊i maṛṛasa, ana waugu anambon taumata apan uatana'a isudde sidutu lullawangnga tita.

1 MARARATU 14:23

Su puiddu manga wuidda wuṛṛu su al᷊ungngu manga aal᷊uanna masallakka, i mangitou na'ola'a manga tampa pasasubbanna paal᷊uanna, wuṛṛu napararisikku manga diṛṛi see manga paal᷊uanni monganna Asyera tadea'u subbanna.

YEREMIA 9:10

I ya'u, Yeremia, nabbisara, “I ya'u lumuaite wuṛṛu lumal᷊o ana waugu nannal᷊o su wadda'a wuṛṛu su manga wowone apan naṛṛangute wuṛṛu naṛṛaggassa see lai tate amatannu taumata. Tingikku winatangnga tate aringiṛṛanna lai, manu'u winalanganna wuṛṛu manga winatangnga waine tinumalangke wuṛṛu nawul᷊ite.”

YEREMIA 51:18

Manga paal᷊uanna udde tawe aregane, ṛinone aal᷊uandahanna wuṛṛu heloanna. Napawe nia'omante tempone, i mangitou sarun nate.