YEHEZKIEL 5:10 - WUKE SUSI WATTI'U AL᷊AL᷊USASSA

¹⁰ Timmadde sarun uminassa anangnge sassane wuṛṛu ana'a sarun uminassa hagurangnge. Etearoddi i mangitou sarun Ta'u iṛṛuumanna, wuṛṛu iapa ta'e wiakka Ta'u isal᷊iawukka su al᷊awo'u tampa.

YEHEZKIEL 5:10 Referans Kwoze

ZAKARIA 2:6

Mawu nabbisara su uman-Ne, “I Ya'u buatte nanal᷊iawukki yamiu su al᷊awo'u pappi'uanne. Arawe orassa indi ei manga taumata niwuangnga, tal᷊angke wuassu Babel wuṛṛu pabbelengke su Yerusalem.

YEHEZKIEL 12:14

Anambon lal᷊oṛṛon bal᷊en araratuanna, nasutta manga mananantiro wuṛṛu mandariaga ratu sarun Ta'u isal᷊iawukka su al᷊awo'u tampa. I mangitou sarun Ta'u enggenanna wuṛṛu Ta'u pateanna.

YEREMIA 19:9

Seetta sarun maaliwunna soa indi, wuṛṛu maddea'a mamate tumanangnge. Patatalliwunna udde aroddi ahewalle, na'oman sara manga taumata sulal᷊ummu soa indi uaa'inassa hawene, ewe'e lai manga ana'i mangitou sassane.”

TAHIUL᷊E 28:64

Mawu sarun manal᷊iawukki yamiu suwallatu manga walahanna su ahewallu runia. Poiaroddi yamiu sarun massubba manga Mawu apan niola'a wuassu alu wuṛṛu watu, manga Mawu apan awagananni yamiu wuṛṛu awaganannu iupungngu al᷊amonanu.

IMAMATTA 26:29

I yamiu sarun amal᷊unusanna, na'oman sara uminassa manga anangu sassane.

YEHEZKIEL 36:19

I mangitou Ta'u niṛṛuumanna uasul᷊ungngu ringannu ola'u pabbiaṛṛanna wuṛṛu ala'uanni mangitou, ana see i mangitou Ta'u nisal᷊iawukka watukku manga wanua waine.

YEHEZKIEL 5:2

Sepertatallu ṛinone tutungannu su pattangngannu soa udde napawe pallal᷊iwunna udde nasuete. Sepertatallu lai ṛinone pototannu hal᷊elenu lapiddu mamal᷊iwutta soa udde. Wuṛṛu sepertatallu panginsueanne ṛinone i'o manal᷊iawukka su winalanganna, ana see i Ya'u mangenggenna ringannu hal᷊ele-U.

DARALO 44:11

I'o namalan kami tinumal᷊angu watanganni yami wuassu seetti yami, wuṛṛu i mangitou nangaṛṛo darotongngi yami.

ZAKARIA 7:14

Naal᷊ihidda tandi'a, i Ya'u nanahangginna si mangitou na'oman sara i mangitou niwata'a mamanua su manga wanua waine. Leta'a apan masuwukka indi nabbal᷊ite mal᷊annabba tawe tumatanangnge wuṛṛu lol᷊okka.”

AMOS 9:9

I Ya'u sarun mangonggollu parenta wuṛṛu mattappa walahannu Israel ere taumata mattappa gandumma sulal᷊ummu niṛṛu. Su ipanahangginna sarangkanambone apan tawe gunane suwallatti yamiu, i Ya'u sarun malluakki mangitou suwallattu manga walahanna.

YEHEZKIEL 22:15

I Ya'u sarun manal᷊iawukku tumanangngu su ahewallu wanua wuṛṛu walahanna, wuṛṛu i Ya'u sarun mapaaddon inolaannu apan dal᷊eo udde.

YEHEZKIEL 6:8

Sangkawageanganna addio'a wuassi mangitou sarun Ta'u iapaal᷊iu wuassu pamamate udde, arawe i mangitou sarun isal᷊iawukka su wallattu manga araratuanna;

YEHEZKIEL 5:12

Sepertatallu wuassu lal᷊oṛṛon soanu sarun mate ana waugu ṛiwutta see al᷊aṛṛutumma apan maṛṛia'a su soa. Sepertatallu sarun pototannu hal᷊ele su liuddu soa, wuṛṛu sepertatallu lai sarun Ta'u ital᷊eṛṛonga su al᷊awo'u tampa wuṛṛu sarun Ta'u enggenannu hal᷊ele.

LAL᷊ALLU 4:10

Tumaniten bahewalla asasilaka udde apan naṛṛia'a su uma'u na'oman sara manga inangnga apan masaṛṛionto'a nantunnu anangnge su urinna ipalloṛṛo tianna.

LAL᷊ALLU 2:20

Mawu, ellehete wuṛṛu panutukke i mangitou apan sassansaran-Nu udde! Apa piaddu suete apan niolang-Ngu aroddi? Inangnga niuminassa anangne sidutu apan arangnguanna, imam wuṛṛu nabi nipate sulal᷊ummu Wal᷊en-Nu apan susi.

YEREMIA 9:16

I mangitou sarun Ta'u isal᷊iawukka suwallattu manga walahanna apan awagananni mangitou ara'e al᷊amona mangitou. I Ya'u sidutu sarun mandolokku tantara apan mammangalo si mangitou ma'oman sara i Ya'u mamate si mangitou abbi.”

IMAMATTA 26:33

I Ya'u sarun mandantan papangalo su wanuanu wuṛṛu manal᷊iawukki yamiu su manga wanua waine. Manga wawail᷊annu tate lu'aranna, wuṛṛu manga soanu niwalate naola'a tuidda.

LUKAS 21:24

Piaddu pateannu hal᷊ele, pia lai apan sarun iapidda ere taumata niatawanna watukku manga wanuan taumata; wuṛṛu manga taumata apan tawe maaillal᷊a Ruata sarun maṛṛinda Yerusalem ma'oman sara masue tempone apan suete tinantunnu Mawu si mangitou.”

YEHEZKIEL 20:23

Su wadda'u anne udde i Ya'u nassalu manungku i Ya'u sarun manal᷊iawukki mangitou su ahewallu runia,

YEREMIA 50:17

Mawu nabbisara, “Taumatan Israel ere ammul᷊annu domba apan a'enggenanna wuṛṛu nisal᷊iawukku singa. Paarorone i mangitou nipangaloannu ratun Asyur, wua'udde i Nebukadnezar ratun Babel nallaso'a manga duṛṛi mangitou.

YEREMIA 44:12

Wuṛṛu amungkangngu wuassu taumatan Yehuda apan nallambe piaddu mappulu inai watukku Mesir wuṛṛu matana'a poiaroddi, i mangitou sarun mate abbi. I mangitou sarangkanambone, wahewalla addio'a, sarun nate su Mesir sulal᷊ummu pangalo ara'e ana waugu ṛutumma. Taumata sarun maapendamma atata'utta maasilo si mangitou wuṛṛu sarun mallobbossa si mangitou. Aranni mangitou sarun ipaatta maola'a wawontoga.

YESAYA 49:26

Ya'u sarun ma'ola'a seennu iwu'annu daṛṛa, na'oman sara i mangitou uapapatete. Ne anambon taumata sarun maasingkatta, manungku i Ya'u, Mawu, Mananal᷊amannu; Apan Lembonmatohassa, Ruatan Yakub, Mananubbussa si'o.”

YESAYA 9:20

Taumatan Manasye wuṛṛu taumatan Efraim uapapangalo, see na'aukka nilumawangnga Yehuda. Arawe Mawu ta'e massa'u wuṛṛu sidutu makkuumanna.

NEHEMIA 1:8

Oh Mawu, naungewe manga wisara-Nu, manungku amungkangngu i yami, umattu Israel, tawe satia Si'o, i yami sarun isal᷊iwukku Mawu suwallattu manga walahanna waine.

2 MARARATU 6:29

Ana waugu udde iambua nallahate ana'u ana see iambua niumante. Tiṛabbine sutempo i ya'u maddoronga tadea'u iambua mallaha anangnge, anangnge niwunin tou!”

TAHIUL᷊E 32:26

I Ya'u maapulu manginsue si mangitou tawe lambene, tadea'u i mangitou tate lai naunganna.

TAHIUL᷊E 4:27

Mawu sarun manal᷊iawukki i yamiu suwallatu manga walahanna waine wuṛṛu tumba'u matul᷊ungna suwallati yamiu apan sidutu wiakka.

YEREMIA 13:14

Wua'udde i mangitou Ta'u ipatatenggoka sambau ringannu waine. Timmadde dario'a sarun Ta'u olaanne aroddi ringannu tawe ampungnge. I mangitou sarun Ta'u pateanna ringannu tawe apendamma u'akkanna ara'e tuttal᷊antuppa. I Ya'u, Mawu, buatte nabbisara.”

YEREMIA 49:32

Mawu nabbisara apia si Nebukadnezar, “Aṛṛote manga unta wuṛṛu anambon winatangnga papadul᷊iananni mangitou! Manga taumata apan utangnge nipol᷊o maautta udde sarun i Ya'u isal᷊iawukka su anambon tampa. I Ya'u sarun mandantan asasilaka si mangitou wuassu al᷊awo'u pappi'uanne.

YEREMIA 49:36

I Ya'u sarun mapatiuppu anginna su Elam wuassu al᷊awo'u tampa, wuṛṛu manal᷊iawukku tumanangnge su anambon tampa na'oman sara tawe saran sambau wanua apan tawe niarantannu tumatal᷊angnga wuassu Elam udde.

LAL᷊ALLU 4:3

Sumbal᷊i inangngu serigala mammasusu anangne, arawe umaku tumaniten maṛṛagissa ere manu'a unta su wadda'a.

YEHEZKIEL 17:21

Tantarane apan apianne sarun mate sulal᷊ummu pangalo wuṛṛu ingana'a naatal᷊angnga sarun massal᷊iawukka su anambon tampa. Ne uma-U maasingkatte manungku i Ya'u, Mawu buatte nabbisara.”

LAL᷊ALLU 4:16

Mawu tate lai mannaungnga uman-Ne; i Tou sassane apan nanal᷊iawukki mangitou wuṛṛu na'ola'a manga imam tate lai iaregga; manga piaṛṛangnge tateddu umakkanna.

YEHEZKIEL 12:15

Sutempo i mangitou Ta'u isal᷊iawukka su pattangngannu manga walahanna waine su manga wanua awagananna, i mangitou sarun maasingkatta manungku ete i Ya'u Mawu.

DANIEL 9:7

Oh Mawu, manara-Nu sidutu naṛṛino wuṛṛu matul᷊idda, arawe i yami sidutu mandantan asasili su watangani yami, eteudde i yami sarangkanambone apan uatana'a su Yudea wuṛṛu su Yerusalem wuṛṛu anambon taumata sambalahanni yami apan buatte nisal᷊iawukku Mawu watukku manga wanua apan marau wuṛṛu marani ana waugu i mangitou tate matuṛṛutta su Mawu.