YEHEZKIEL 48:14 - WUKE SUSI WATTI'U AL᷊AL᷊USASSA

¹⁴ Salaiwe sandango leta'a udde tawe iawal᷊u'i mangitou ara'e ipanal᷊iu; wageangnge apan apianne wuassu leta'u Israel tawe wotongnge ma'ingkatta su taumata waine, ana waugu leta'a udde buatte niṛṛae huna Mawu wuṛṛu maola'a pussa'a-Ne.

YEHEZKIEL 48:14 Referans Kwoze

IMAMATTA 27:28

Tawe saran sangkatou apan wotongnge mabbal᷊u'a ara'e manubbussa apa apan buatte niṛṛae ringannu tawe taweddu maal᷊angnga su Mawu, mawae udde taumata, winatanga ara'e leta'a. Udde tatahuanannu Mawu saran mal᷊annu-l᷊annu.

YEHEZKIEL 48:12

Ana waugu udde su papapulunni Zadok ṛinone ionggolla leta'a al᷊aṛṛaene su sandiṛṛannu leta'a apan sarun ionggolla su taumatan Lewi. Wuṛṛu leta'a apan niṛṛae udde lembon na'ukkassa.

IMAMATTA 25:34

Arawe wadda'u nannal᷊o maranin manga soa balagu Lewi tawe wotongnge iwal᷊u'a. Udde pussa'an taumatan Lewi saran mal᷊annu-l᷊annu.

IMAMATTA 23:20

Roti wuṛṛu darua ana'u domba udde ṛinone ionggolu imam maola'a sasamba iatogokka su Mawu, wuṛṛu udde maola'a wageangngu imam. Manga sasamba udde susi.

SASABANGNGA 22:29

Su tempo apan nitantunna, pangonggolen sasamba si Ya'u sambageanganna wuassu hessin gandumma, ua'en anggore wuṛṛu lanan zaitunni yamiu. Tantil᷊a'e si Ya'u manga anangngu esakka pahul᷊u,

ROMA 8:23

Wuṛṛu wal᷊ine tumba'u pati'uppu runia sassane sussal᷊ande; i ite sassane lai sussal᷊ande sulal᷊ummu naungngi ite. I ite buatte nanengkamma Ghaṛṛahon Duata, aonggolu Ruata apan paarorone, arawe i ite lai ta'e uaraṛṛado Ruata mapaal᷊iun kite wuassu sarangkanambone, wuṛṛu manga'u si ite maola'a al᷊aṛṛanang-Nge.

IMAMATTA 25:32

Arawe taumatan Lewi walate i mangitou manubbussa darotongngi mangitou su al᷊awo'u soa apan nitantunna si mangitou.

YEHEZKIEL 48:13

Leta'u manga taumatan Lewi udde al᷊o'engnge 12,5 kilometere wuassu ra'i maddatingngu waṛṛatta, wuṛṛu al᷊alakke 5 kilometere wuassu sawannakka maddatingngu timukka wuṛṛu addone uaraddagu leta'u manga imam.

SASABANGNGA 23:19

Suapan tonna i yamiu ṛinone mangapidda watukku wal᷊en Ruatanu gandumma paarorone apan niitingngi yamiu. Ṛemessu ana'u domba ara'e ana'u ambingnga tawe wotongnge lahannu ua'en susun inangnge.”