YEHEZKIEL 48:10 - WUKE SUSI WATTI'U AL᷊AL᷊USASSA

¹⁰ Su wageangngu tangngane leta'a udde sarun iapararisikka Wal᷊e Mawu. Manga imam ṛinone maasomba wageangnga wuassu leta'a apan susi udde. Wageangngi mangitou eteudde 12,5 kilometere wuassu sandiṛṛannu ra'i watukku waṛṛatta, wuṛṛu lima kilometere wuassu sandiṛṛannu sawannakka watukku timukka.

YEHEZKIEL 48:10 Referans Kwoze

YEHEZKIEL 45:4

Leta'a udde na'ukkassa, wuṛṛu nisaddia huna manga imam apan mammanara mammiaṛṛa'u patataṛṛamawu su Wal᷊e Mawu. Sambageanganna wuassu leta'a udde sarun maola'a tampa pa'olaanna wal᷊en mangitou, wuṛṛu sambageanganna lai hunan Bal᷊e Mawu.

YEHEZKIEL 44:28

Manga imam nanengkamma manara imam udde maola'a wageangnga si mangitou wuassuapa apan Ta'u nionggolla su Israel maṛṛana'a mappulunna. I mangitou imbaṛṛangnga manahuanna manga apa su Israel: Ete i Ya'u darotongngi mangitou.

MATIUS 10:10

Arie lai mangapiddu pato'am padaroronganna, ara'e laubba ruam parassa su amatannu, ara'e sapatu, ara'e ta'inna. Ana taumata apan mammanara sarun isuungnga hausanne.

PANDARIADDI 13:14

Napawe i Lot inaite aroddi, Mawu nabbisara si Abram, “Wuassu tampa dararisiṛṛannu udde, pa'ellege paapia-pia su al᷊awo'u pi'une;

YEHEZKIEL 48:9

Sambageanganna wuassu wageangngu leta'a udde niṛṛae wuattu Mawu, eteudde santampa leta'a su pattangnganne, al᷊o'engnge 12,5 kilometere wuṛṛu al᷊alakke 10 kilometere.