YEHEZKIEL 47:22 - WUKE SUSI WATTI'U AL᷊AL᷊USASSA

²² wuṛṛu leta'a uddewe pussa'anu saran mal᷊annu-l᷊annu. Manga taumata raho apan matana'a suwallatti yamiu, wuṛṛu uatahuanna manga ana'a apan niasungkanga isudde, ṛinone lai maasomba tahia wuassu leta'a udde. I mangitou ṛinone ireengnga lai maola'a walahannu Israel, wuṛṛu i mangitou lai iundi tadea'u maasomba leta'a sutempo ma'ola'a patatahia leta'a suwallattu manga ṛuangannu Israel.

YEHEZKIEL 47:22 Referans Kwoze

KOLOSE 3:11

Ana waugu wuassu inolaanna udde, nawul᷊ite al᷊awo'u apendamma mappapaṛṛalan taumatan Yahudi wuṛṛu wal᷊ine Yahudi, taumata nisunatta wuṛṛu taumata tawe nisunatta, tate lai paṛṛalane su wallatu taumata raho wuṛṛu taumata woddo; su wallatu allangnga wuṛṛu wal᷊ine allangnga, ana waugu Kristus uddewe uatahuanna sarangkanambone, wuṛṛu i Tou uaaukka ringanni mangitou sarangkanambone!

EFESUS 3:6

Addapingnga udde ete indi: Sulal᷊ummu Watti'u Al᷊al᷊uassa udde, taumata wal᷊ine Yahudi, maapendamma lai manga al᷊amattu Ruata apan dorone nissaddia tumba'u su taumatan Yahudi. Manga taumata wal᷊ine Yahudi naola'e wageangngu wadangnga sambau, wuṛṛu manengkamma lai suadio'a apa apan suete pina'ire Ruata sulal᷊ummi Kristus Yesus.

ROMA 10:12

Udde mariaddi su anambon taumata, ana waugu tawe paṛṛalane taumatan Yahudi wuṛṛu taumatan walahanna waine. Ruata apan sambau eteudde Ruatan anambon taumata. I Tou mangngonggolu al᷊amatta manambo-nambo su anambon taumata apan ma'itul᷊ungnga si Tou.

WATTI'U MANGA RASUL 11:18

Napawe naaringikke udde, i mangitou tate nanompola apia. See i mangitou nadalote Ruata. I mangitou mabbisara, “Amungkangngu aroddi, manga taumata apan bal᷊ine Yahudi lai inonggol᷊annu Ruata tempone mawal᷊u wuassu manga rosane wuṛṛu maapussa'a wiakka apan tutune!”

WATTI'U MANGA RASUL 15:9

Ruata tawe mapapaṛṛalang kite wuṛṛu i mangitou. I Tou nangukkassa naungngi mangitou ana waugu i mangitou mangngimanna.

YESAYA 14:1

Mawu sarun umakkannu Israel uman-Ne, wuṛṛu mamile si mangitou apia maola'a pussa'a-Ne. I Tou sarun mapaatana'i mangitou apia su wanua mangitou sassane. Taumata raho sarun dumanta wuṛṛu ma'ammulli mangitou.

TAHIUL᷊E 10:19

Ne i yamiu lai ṛinone mapal᷊iatta'u darangngunu su manga taumata raho udde, ana waugu dorone lai yamiu taumata raho su Mesir.

YEHEZKIEL 47:21

Tahiate leta'a udde suwallatti yamiu, tumuṛṛuttu manga ṛuangannu Israel;

YEHEZKIEL 47:23

Suapan tumana'u raho ṛinone onggol᷊annu leta'a suadio'a ringannu walahannu Israel suapa i tou uatana'a. I Ya'u, Mawu Apan Atanggaṛṛanne buatte nabbisara.”

IMAMATTA 19:34

Ola'ewe i mangitou ere lai yamiu ma'ola'a manga taumata sambalahannu wuṛṛu pandangngute si mangitou ere lai yamiu mandangngu watangannu sassane. Paanaunge manungku i yamiu lai buatte nabbiakka ere taumata raho su Mesir. Ete i Ya'u Ruatanu.

YEHEZKIEL 45:1

Tantal᷊anna manga leta'a udde taambe nitahia maola'a leta'a pussa'a suapan ṛuanganna, ṛinone sambau iṛṛae huna Mawu. Leta'a udde al᷊o'engnge ṛinone 12,5 kilometere, wuṛṛu al᷊alakke 10 kilometere. Ahewallu leta'a udde niapasingkatta na'ukkassa.

YEHEZKIEL 48:29

Mawu Apan Atanggaṛṛanne nabbisara, “Etearoddi leta'a udde ṛinone tahianna su manga ṛuangannu Israel.”