YEHEZKIEL 47:19 - WUKE SUSI WATTI'U AL᷊AL᷊USASSA

¹⁹ Passaranna su samba'a timukka mabbatukku taṛṛanganna, wuassu Tamar watukku al᷊imatang kua'e Kades-Meriba, ana see i tou watukku pal᷊onna su al᷊o'engngu passarannu Mesir maddatingngu Tahal᷊oangnga Tangngane.

YEHEZKIEL 47:19 Referans Kwoze

YEHEZKIEL 48:28

Su samba'a timukku leta'u Gad pia passaranna apan nanattakka wuassi taṛṛanganna Tamar sumabbi al᷊imatan kua'e Kades-Meriba, ana see watukku pal᷊onna al᷊o'engngu passarannu Mesir maddatingngu Tahal᷊oangngu Tangngane.

TAHIUL᷊E 32:51

Iraddua tawe maatuṛṛutta si Ya'u wuṛṛu tawe mangaddata si Ya'u su saruannu walahannu Israel su tempo i yamiu na'omate su al᷊imatan ua'en Meriba, maranin soan Kades, su wadda'u Zin.

REENGANNA 34:5

Isudde mabbeṛṛo watukku wawal᷊anna su passarannu Mesir wuṛṛu muddussa su Tahal᷊oangnga Tangngane.

REENGANNA 20:13

Eteudde al᷊immatan ua'e su Meriba. Su tampa udde manga taumatan Israel sussamboṛṛe su Mawu, wuṛṛu isudde lai Mawu napal᷊iatta'u taṛṛino-Ne apan susi su walahanna udde.

YESAYA 27:12

Sutempo udde Mawu sarun mangammullu pabbawala-Ge passambau wuassu Sal᷊ukku Efrat maddatingngu passarannu Mesir. I Tou sarun makkaen mangitou naal᷊ihidda taumata makkaen watun gandumma wuassu wal᷊a'ane.

DARALO 81:7

“I Ya'u buatte namasanna winabbawa wuassu wambangngu, wuṛṛu namallossu so'anna wuassu limanu.

YOSUA 12:3

ana see lai naapangana wageangngu Wawal᷊annu Yordan su samba'an da'i, wuassu Ranon Galilea watukku timukka maddatingngu Bet-Yesimot (su samba'an Tahal᷊oanga Nate), masal᷊a watukku wawal᷊annu Wowon Pisga.

TAHIUL᷊E 33:8

Su ṛuanganni Lewi i tou nabbisara: “Ringannu Urim wuṛṛu Tumim, I'o mapal᷊iatta'u apulu-Nu, su taumatan Lewi, allang-Ngu apan matuṛṛutta. I'o buatte namono'a si mangitou su Masa, wuṛṛu uatatiakki mangitou su al᷊imatan ua'e su Meriba.

REENGANNA 34:3

Su timukka, passaranna udde manattakka wuassu wadda'u Zin rumurukka su Edom. Su ra'i passaranna udde manattakka wuassu pentakku timukku Tahal᷊oangnga Nate,

1 MARARATU 8:65

Su Wal᷊en Mawu udde i Salomo wuṛṛu anambon umattu Israel nallaghu ramean Rasannu Rongnga al᷊annune pitu allo. Tumaniten manambo reengannu taumata apan uasemodda isudde. I mangitou nirumanta wuassu wageangngu leta'a araune wuassu Lal᷊annu Hamat su sawannakka maddatingngu passarannu Mesir su timukka.

YEHEZKIEL 47:10

Wuassu manga al᷊imatang kua'e su En-Gedi maddatingngu al᷊imatang kua'e su En-Eglaim, manga winggine sarun marame ringannu manga samakka apan mammatin soma mangitou isudde. Al᷊awo'u hatin inassa sarun pia sulal᷊ummu ua'e udde, ere apan pia sulal᷊ummu Tahal᷊oangnga Tangngane.

YEHEZKIEL 47:15

Passaranna su samba'a sawannakka manattakka wuassu Tahal᷊oangnga Tangngane mabbatukku ra'i maddatingngu soa Hetlon, watukku Hamat, inai aroddi watukku soa Zedad,

REENGANNA 20:1

Su wul᷊anna paarorone anambon ruagannu Israel na'omate su wadda'u Zin wuṛṛu namanuate su Kades. I Miryam nate wuṛṛu nilabbingnga isudde.

1 MARARATU 9:18

Baalat, Tamar su wadda'u Yehuda,

2 TAWARIKH 20:2

Ne nirumantate taumata uaapiddu watti'a indi si Ratu Yosafat, “Tumaniten manambo tantaran Edom nirumanta wuassu samba'an tahal᷊oangnga Nate mamangalo si Tuangnga. I mangitou napangaṛṛote soa Hazezon-Tamar.” (Hazezon-Tamar eteudde aranne waine wuassu soa En-Gedi.)