YEHEZKIEL 47:16 - WUKE SUSI WATTI'U AL᷊AL᷊USASSA

¹⁶ watukku Berota wuṛṛu Sibraim (manga soa udde addone suwallattu soa Damsyik wuṛṛu soan Hamat), wua'udde watukku soan Hazar-Enan, su passarannu soan Hauran.

YEHEZKIEL 47:16 Referans Kwoze

YEHEZKIEL 48:1

Passarannu leta'a su samba'an sawannakka makkatadda watukku ra'i manattakka wuassu Tahal᷊oangngu Tangngane mabatukku soan Hetlon, lal᷊anna suttanna watukku Hamat, soa Hazar-Enan, maddatingngu passaranna suwallattu soa Damsyik wuṛṛu soan Hamat. Manga ṛuanganna manansunna indi sambau-sambau ṛinone maasomba santampa leta'a apan mal᷊al᷊angnga wuassu passarannu ra'i mabbatukku waṛṛatta maddatingngu Tahal᷊oangngu Tangngane, sulal᷊ummu atokke manansunna indi wuassu sawannakka watukku timukka: Dan Asyer Naftali Manasye Efraim Ruben Yehuda

2 SAMUEL 8:8

Waine lai wua'udde i Daud nanganu atta'a manambo atonna wuassu Betah wuṛṛu Berotai, manga soa apan dorone paparentanni Hadadezer.

REENGANNA 13:21

Ne manga taumata udde inaite watukku punnu sawannakka wuṛṛu namarikissa wanua udde manattakka wuassu wadda'u Zin su samba'an timukka watukku sawannakka na'oman sara soan Rehob, maranin dal᷊anna watukku Hamat.

ZAKARIA 9:2

Hamat apan uasasara ringannu Hadrakh udde tatahuanan-Ne, aroddi lai manga soan Tirus wuṛṛu Sidon ringannu al᷊awo'u asingkattu tumanangnge.

PANDARIADDI 14:15

Isudde i Abram nattahia manga taumatane naola'a piran kawageanganna, ana see namangalo seetta su tempo ṛabbi wuṛṛu napaarugi mangitou. I tou nengenggenna si mangitou naddatingngu Hoba su samba'an sawannaku soa Damsyik.

WATTI'U MANGA RASUL 9:2

wuṛṛu madorongnga surattu parenta inai su manga piaṛṛa'u wal᷊en pattataṛṛamawuannu taumatan Yahudi su Damsyik, tadea'u amungkangngu i tou maaratingnga poiaroddi manga taumatan apan mangngimanna Mawu Yesus, i tou wotongnge manametta wuṛṛu mangapiddi mangitou su Yerusalem.

AMOS 6:14

Mawu Apan Atanggaṛṛanne wuṛṛu Lembontaṛṛino sassane nabbisara, “Umattu Israel, i Ya'u sarun mangirimmu tantara wuassu sambau walahannu raho iapapangalo wanuannu. I mangitou sarun manansara si yamiu wuassu lal᷊anna watukku Hamat su sawannakka maddatingngu Wawal᷊aannu Araba su timukka.”

YEHEZKIEL 47:17

Nariaddi, passaranna samba'an sawannakka nitattakka wuassu Tahal᷊oangnga Tangngane maddatingngu ra'i, watukku soa Hazar-Enan; wageangngu leta'u Damsyik wuṛṛu Hamat poi su sawannakku passaranna udde.

1 TAWARIKH 18:5

Taumatan Siria wuassu Damsyik nandolokku tantara niapaontolla si Ratu Hadadezer, arawe i Daud namaddon mangitou wuṛṛu namate 22.000 su atoune.

1 MARARATU 8:65

Su Wal᷊en Mawu udde i Salomo wuṛṛu anambon umattu Israel nallaghu ramean Rasannu Rongnga al᷊annune pitu allo. Tumaniten manambo reengannu taumata apan uasemodda isudde. I mangitou nirumanta wuassu wageangngu leta'a araune wuassu Lal᷊annu Hamat su sawannakka maddatingngu passarannu Mesir su timukka.

REENGANNA 34:8

wuṛṛu wua'isudde watukku Lal᷊annu Hamat, ana see masal᷊a watukku Zedad

YESAYA 10:9

Ta'u aṛṛoanna manga soan Kalno wuṛṛu Karkemis, Hamat wuṛṛu Arpad. Ta'u aṛṛoanna lai manga soan Samaria wuṛṛu Damsyik.

YEHEZKIEL 27:18

Tumana'u Damsyik namalli saranapa wal᷊u'annu wuṛṛu manga auntungannu wuṛṛu namaekka ringannu anggore wuassu Helbon, wambul᷊un domba wuassu Sahar, atta'a nisassalla wuṛṛu rampa-rampa.

YEHEZKIEL 47:18

Passaranna su samba'a ra'i mabbatukku timukka, wuassu sambau tampa suwallattu wageangngu leta'u Damsyik wuṛṛu wageangngu leta'u Hauran. Nariaddi sal᷊ukku Yordan naola'a passarannu wallattu leta'u Israel su samba'a waṛṛatta wuṛṛu Gilead su samba'a ra'i, maddatingngu Tamar su salleannu Tahal᷊oangnga Nate.

YEHEZKIEL 47:20

Passaranna su samba'an baṛṛatta niola'u Tahal᷊oangngu Tangngane, ana see mabbatukku sawannakka su sambau tampa su samba'a waṛṛattu lal᷊anna sumutta watukku Hamat.