YEHEZKIEL 45:17 - WUKE SUSI WATTI'U AL᷊AL᷊USASSA

¹⁷ Ete i tou apan ṛinone mamalli winatangnga maola'a sasamba itattambunna wuṛṛu manga saranapa olaanna sasamba gandumma wuṛṛu sasamba anggore su anambon balahannu Israel su allo-allo wahewalla, Ramean Bul᷊anna Wakku, manga allon Sabat wuṛṛu manga allo wahewalla waine. I tou ṛinone manaddia sasamba aampungnga rosa, sasamba gandumma, sasamba itattambunna, wuṛṛu sasamban paddarame ipaddorongnga aampungnga su walahannu Israel.”

YEHEZKIEL 45:17 Referans Kwoze

YESAYA 66:23

Suapan Bul᷊anna wakku wuṛṛu suapan allon Sabat anambon umattu taumata sarun dumanta massubba si Ya'u su Yerusalem.

2 TAWARIKH 31:3

Wuassu winatangnga papadul᷊iananne sassane ratu nangonggolu manga winatangnga apan pappandumanna ipaatta su sasamba itattambunna suapan marua allo wuṛṛu waawallo, wuṛṛu su sasamba apan ionggola su allon Sabat, su ramean Bul᷊anna Wakku, wuṛṛu su manga ramea waine ere buatte tinantunna sulal᷊ummu manga titan Mawu.

IBRANI 13:10

I ite uatahuanna sambau tampan sasamba pangonggol᷊annu sasamba su Ruata. Wuṛṛu manga imam apan mangngimbe si Tou sulal᷊ummu Rasannu Mawu, tawe su ṛinone umanna sasamba apan uaraddo su wowon tampan sasamba udde.

YEHEZKIEL 43:27

Napawe pitu allo udde nal᷊iudde, manga imam ṛinone mannattakke mangonggollu sasamba itattambunna wuṛṛu sasamban paddarame maola'a hausannu umatta. Ne i Ya'u mal᷊uassa ringanni yamiu sarangkanambone. I Ya'u, Mawu Apan Atanggaṛṛanne buatte nabbisara.”

2 TAWARIKH 30:24

Ratu Hizkia nangonggolu 1.000 sapi esakka wuṛṛu 7.000 domba. Manga mamanaran araratuanni Hizkia nangonggolu 1.000 sapi esakka wuṛṛu 10.000 domba. Winatangnga sarangkanambone udde nionggola su tumana'u soa iapaṛṛata wuṛṛu inasanna. Tumaniten manambo imam napasusin batanganne.

1 PETRUS 3:18

Ana waugu Kristus sassane nate tumba'u paassa, ma'oman sara mal᷊annu-l᷊annu ana waugu rosan taumata – sangkatou apan tawe sal᷊ane, nate hunan taumata apan nassal᷊a. Kristus naola'a udde tadea'u i Tou wotongnge mangehetta si yamiu ringannu Ruata. I Tou nipate su ola'u wadanga arawe niaapawiakka apia su ola'u Ghaṛṛaho.

1 PETRUS 2:24

Kristus sassane namasanna manga rosan kite su watangan-Ne roso su alu arussa, tadea'u i ite mapallosa wuassu taṛṛinon dosa, wuṛṛu mabbiakka tuttuṛṛuta apulun Duata. Ete manga lessan Kristus apan nangapia si yamiu.

IBRANI 13:15

Ana waugu udde, ringannu tatangngannu Mawu Yesus, ṛinone i ite sidutu maddalo Ruata; udde maola'a sambau aonggolu a'adiangkamanni ite si Tou, apan nionggoli ite ringannu wisaram wiwikka ipaddalo aran-Ne.

KOLOSE 3:17

Al᷊awo'u apa apan a'olaanni yamiu ara'e sulal᷊ummu wisara, ṛinone udde olaanna wuṛṛu iwisara sulal᷊ummu arannu Mawu Yesus. Aal᷊iomante su Ruata Iamangnga ana waugu inolaannu Mawu Yesus si yamiu.

EFESUS 5:2

Wiakku ṛinone aintaṛṛoannu darangngu, ere lai Kristus marangngu si ite. I Tou nanantillu watangan-Ne ana waugu i ite, maola'a sambau sasamba apan mawangngi wuṛṛu maal᷊uassa naungngu Ruata.

YOHANES 1:16

I Tou napenen darangngu; tawe illol᷊one, i Tou mangngal᷊amatta si ite.

DARALO 68:18

Ringannu su mapul᷊o ṛiwune kereta apan matohassa Ruata nirumanta suwallati mangitou sulal᷊ummu awawantu-Ge.

DARALO 22:29

Ana waugu ete Mawu apan uataṛṛino, i Tou uaparenta manga walahanna.

EZRA 1:5

Wua'udde manga tembonannu bawosoanna wuassu ṛuanganni Yehuda wuṛṛu Benyamin, manga iman wuṛṛu manga taumatan Lewi, wuṛṛu suapan taumata apan naungnge nial᷊oren Duata, nandiahite inai mapul᷊e watukku Yerusalem wuṛṛu mapararisikku apia Wal᷊en Mawu.

2 TAWARIKH 5:6

Ratu Salomo wuṛṛu anambon tumana'u Israel sarangkanambone uasemodda su saruannu Wantallu Paaire udde ana see nangonggola su Mawu sasamba domba wuṛṛu sapi apan tawe iareengnga anambone.

2 SAMUEL 6:19

Wua'udde nattahia anna si mangitou sarangkanambone. Suapan taumata isudde mawae ete esakka ara'e wawine nionggol᷊annu sanduru ṛemessa apan buatte nitapa, roti wuṛṛu kukisse kismis. Wua'udde i mangitou sarangkanambone napul᷊ete su wal᷊ene sangkatou-sangkatou.

YEHEZKIEL 46:1

Mawu Apan Atanggaṛṛanne nabbisara, “Ngara pasallangannu ra'i apan mabbatukku rallakku lal᷊umme ṛinone sidutu uaṛṛuuda al᷊annune annummu allo mammanara. Sasuttanna udde tumba'u wotongnge wu'anna su allon Sabat wuṛṛu Ramean Bulanna Wakku.

IMAMATTA 4:27

Amungkangngu pia wuassu sangkatou tumana'u soa na'ola'a rosa ana waugu tawe nipattatudda nilumawangnga sambau su wallatu parentan Mawu,

REENGANNA 29:29

Su allo aiannumme onggol᷊a'e ual᷊u sapi esakka saṛṛentumuwo, darua domba esakka, mapul᷊o appata domba esakka anangnge uukke santonna, sambau-sambau tawe sangkule.