YEHEZKIEL 45:11 - WUKE SUSI WATTI'U AL᷊AL᷊USASSA

¹¹ Sambau efa ipanguukka saranapa mamara ṛinone loṛṛone nassul᷊ungngu sambau bat ipangukka ua'e. Aul᷊aanne eteudde sambau homer. Nariaddi, manga aul᷊aanna udde ṛinone arendi: 1 homer=10 efa=10 bat.

YEHEZKIEL 45:11 Referans Kwoze

YESAYA 5:10

Hessin bawail᷊anna tawe maola'a, waillu anggore apan ahewalle mapul᷊o hektare tumba'u nangonggollu wuane mapul᷊o litere anggore. Maṛṛasutta su literene wualanna tumba'u nangonggollu wuane mapul᷊o litere gandumma.”

REENGANNA 11:32

Su al᷊o'engngu allo udde, su al᷊o'engngu ṛabbi wuṛṛu su al᷊o'engngu allo manansunna, manga taumata lullutu manametta manu'a puyuh. Suapan taumata manametta mattingkatul᷊u saṛṛiwu su kilone. Manga manu'a udde iassal᷊iawukki mangitou uapal᷊iwutta paddasananna tadea'u mal᷊ihakka mamara.

SASABANGNGA 16:36

Aul᷊aannu saranapa apan inanaramanna ipappaattu taumata sutempo udde, lal᷊oṛṛone ruan pul᷊o su lieterene.)

1 MARARATU 7:26

Aappallu wensadda udde 75 milimetere. Winggine ere winggi mangko apan ual᷊e'onna watukku liudde ere bunga halohomma apan matti'akke. Wensadda udde wotongnge loṛṛoanna iraṛṛangngo 40.000 litere.