YEHEZKIEL 45:1 - WUKE SUSI WATTI'U AL᷊AL᷊USASSA

¹ Tantal᷊anna manga leta'a udde taambe nitahia maola'a leta'a pussa'a suapan ṛuanganna, ṛinone sambau iṛṛae huna Mawu. Leta'a udde al᷊o'engnge ṛinone 12,5 kilometere, wuṛṛu al᷊alakke 10 kilometere. Ahewallu leta'a udde niapasingkatta na'ukkassa.

YEHEZKIEL 45:1 Referans Kwoze

YEHEZKIEL 48:29

Mawu Apan Atanggaṛṛanne nabbisara, “Etearoddi leta'a udde ṛinone tahianna su manga ṛuangannu Israel.”

REENGANNA 34:13

I Musa nabbisara su walahannu Israel, “Eteudde leta'a apan sarun sengkamanni yamiu ringannu iundi, leta'a apan tumuṛṛuttu parentan Mawu ṛinone tahianna su ṛuanganna sio mattangnga ṛuangannu su walahannu Israel.

AMSAL 3:9

Pangaddate Mawu ringannu mangonggolla si Tou sambau saranapa apan apianne wuassu al᷊awo'u darotongnga wuṛṛu hessin sasuannu,

YOSUA 14:2

Su ereapa buatte nirolokku Mawu si Musa, manga leta'a su samba'an baṛṛatu Sal᷊ukku Yordan apan tinantunna ionggola su sio mattangnga ṛuangannu walahannu Israel, ṛinone tahianna ringannu lal᷊anne iundi.

YOSUA 13:6

Nasutta lai ahewallu leta'u taumatan Sidon, apan uatana'a su panenteanna su wallatu manga Wowon Libanon wuṛṛu Misrefot-Maim.” “Anambon manga walahanna udde sarun Ta'u limbuaṛṛanna, su tempo ṛuangannu Israel mamangalo si mangitou,” unnu Mawu lai si Yosua. “Leta'a udde ṛinone tahiannu su ṛuangannu Israel maola'a leta'a pussa'a mangitou, ere lai Ya'u buatte namarenta si'o.

IMAMATTA 25:23

Letangngu tawe wotongnge iwal᷊u'a sarangkal᷊o'engnge, ana waugu leta'a udde wal᷊ine pussaanu, ewe'e pussa'an Duata. I yamiu tumba'u ere taumata raho apan niwala mappaattu leta'a udde.

YOSUA 13:7

Nariaddi, orassa indi tahiate leta'a udde su ṛuanganna sio su lal᷊ummu walahannu Israel, wuṛṛu sambageanganna wuassu ṛuanganni Manasye, tadea'u udde maola'a leta'a pussa'a mangitou.”

YOSUA 14:3

Leta'a su samba'an ra'in Sal᷊ukku Yordan buatte nionggoli Musa su ṛuanganna darua mattangnga waine udde. (Ṛinone iwoṛṛetta isindi manungku papapulunni Yusuf, nattahia su lal᷊ummu ṛuanganna darua: Ṛuanganni Manasye wuṛṛu ṛuanganni Efraim.) Su ola'u ṛuanganni Lewi, tawe leta'a nionggoli Musa si mangitou. I mangitou tumba'u nionggol᷊annu manga soa tampa atatanaanna, ringannu manga wadda'a pabbuwunanna sapi wuṛṛu domba mangitou.

YEHEZKIEL 42:16

Ringannu ta'inna auukke i tou nanguukka sandiṛṛannu samba'a ra'i: 250 metere.

YOSUA 14:1

Manansunna indi eteudde watti'a su ola'u ereapa wanua Kanaan su samba'an baṛṛatu Sal᷊ukku Yordan nitahia su ṛuangannu Israel. Nattahia leta'a udde su ṛuangannu Israel eteudde i Imam Eleazar, i Yosua ana'i Nun, wuṛṛu manga tembonannu amonanna su lal᷊ummu manga ṛuangannu Israel.