YEHEZKIEL 43:8 - WUKE SUSI WATTI'U AL᷊AL᷊USASSA

⁸ Dorone manga ratu mangitou ma'ola'a manga pua ngara wuṛṛu manga diṛṛi ngaran bal᷊en araratuanni mangitou su liuddu manga pua ngara wuṛṛu manga diṛṛin Bal᷊e-U, na'oman sara tumba'u pia samba'u darandunga su wallanne. I mangitou buatte nandal᷊eo arang-Ku apan na'ukkassa ringannu manga inolaanni mangitou apan maarantinna. Ana waugu udde i mangitou Ta'u nipate sulal᷊ummu asasa'u-U.

YEHEZKIEL 43:8 Referans Kwoze

YEHEZKIEL 5:11

I Ya'u uddewe Ruata apan biakka, Mawu Apan Atanggaṛṛanne, wuṛṛu indiwe wisara-U: Ana waugu i'o buatte nandal᷊eo Wal᷊e-U ringannu al᷊awo'u inolaannu apan dal᷊eo wuṛṛu maarantinna, i Ya'u sarun makkimunsa'a si'o ringannu tawe ampunge.

YEHEZKIEL 44:7

I mangitou buatte nalluhudda Wal᷊e-U, ana waugu tantal᷊anna tawa wuṛṛu daṛṛan sasamba ia'onggolla si Ya'u, i mangitou namalan sinumutta sulal᷊umme manga taumata raho apan tawe nisunatta, wuṛṛu tawe tumuṛṛutta si Ya'u. Ringannu manga inolaanni mangitou apan maarantinna udde, i mangitou buatte nilumawangnga paaire-U si mangitou.

YEHEZKIEL 23:39

Sutempo itarua namate manga ana-U wuṛṛu nangonggolla su manga monganna, itarua taṛṛa tuari udde nirumanta su Wal᷊e-U wuṛṛu nalluhudda!

2 TAWARIKH 33:7

Paal᷊uanna sassubbanna niaddone sulal᷊ummu Wal᷊en Mawu, sumbal᷊i su ola'u tampa udde Ruata buatte nabbisara si Daud wuṛṛu si Salomo anangnge, “Wal᷊e-U su Yerusalem indi, apan buatte Ta'u nipile suwallattu mapul᷊o dua leta'u ṛuangannu Israel, eteudde tampa apan Ta'u tinantunna maola'a tampa patataṛṛamawuanna si Ya'u saran mal᷊annu-l᷊annu.

2 TAWARIKH 33:4

Mawu buatte nabbisara manungku maddatingngu mal᷊annu-l᷊annu ete Yerusalem udde maola'a tampa patataṛṛamawuanna si Tou, arawe poiaroddi su Wal᷊en Mawu udde, Manasye buatte nallanginnu manga mezbah passubbanna manga monganna.

SASABANGNGA 12:7

Daṛṛane addio'a wuṛṛa'a su darua diṛṛi ngara wuṛṛu su pua ngaran bal᷊e su tampa i mangitou u'inassa.

MAL᷊AṚṚUUNGNGA 19:27

Marua' allo udde, sutempo awingnge napu'o wuṛṛu namu'a ngara ana waugu inaite umamatta, i tou naasilo awingnge nawantinga su saruannu wal᷊en udde ringannu limane uaagassa ngara.

YEHEZKIEL 5:12

Sepertatallu wuassu lal᷊oṛṛon soanu sarun mate ana waugu ṛiwutta see al᷊aṛṛutumma apan maṛṛia'a su soa. Sepertatallu sarun pototannu hal᷊ele su liuddu soa, wuṛṛu sepertatallu lai sarun Ta'u ital᷊eṛṛonga su al᷊awo'u tampa wuṛṛu sarun Ta'u enggenannu hal᷊ele.

YEHEZKIEL 5:13

I'o sarun maapendamma asadattu asasa'u wuṛṛu al᷊al᷊eo naung-Ku ma'oman sara i Ya'u mul᷊ete. Napawe sarangkanambone udde nariaddite, i'o sarun mangimanna atonna manungku i Ya'u, Mawu, buatte nabbisara si'o, ana waugu i Ya'u massa'u su ola'u lal᷊awangngu.