YEHEZKIEL 43:25 - WUKE SUSI WATTI'U AL᷊AL᷊USASSA

²⁵ Suapan allo, al᷊annune pitu allo, i'o ṛinone mangonggollu sasamba ambinga sambau, sapi esakka saṛṛen tumuwo, wuṛṛu ambinga mendangenna maola'a sasamba aampunga rosa. Manga winatangnga udde imbaṛṛanga pia sangkulle.

YEHEZKIEL 43:25 Referans Kwoze

IMAMATTA 8:33

Al᷊annune pitu allo imbaṛṛangnga i yamiu manantangngu Rasannu Mawu ma'oman sara lal᷊aghun patatenegu muddussa.

IMAMATTA 8:35

Al᷊annune pitu allo, allo wuṛṛu ṛabbi, yamiu ṛinone uatana'a su saruannu ngaran Dasanna mapaamattu sarangkanambone apan irolokku Mawu. Amungkangngu i yamiu maddiri tumuṛṛutta, i yamiu sarun mate. Eteudde apan nirolokku Mawu si ya'u.”

YEHEZKIEL 43:22

Tiṛṛabbine i'o ṛinone mangonggollu sasamba sambau ambinga mendangenna apan tawe sangkulle tadea'u maola'a sasamba aampunga rosa. Ukkasse mezbah udde ringannu daṛṛan ambinga udde, nassul᷊ungngu apa apan niolangngu ringannu sapi esakka apan ta'e saṛṛen tumuwo udde.

YEHEZKIEL 43:26

Pitu allo al᷊annune manga imam ṛinone maola'a ammul᷊annu massa'e mezbah udde wuṛṛu mandiahi mezbah udde tadea'u wotongnge ipaatta.