YEHEZKIEL 43:20 - WUKE SUSI WATTI'U AL᷊AL᷊USASSA

²⁰ Panganute addio'a daṛṛa wuṛṛu apua'e su manga tatandu'a su wuune appatta su puiddu mezbah udde, aroddi lai su manga wuune wageangngu tangngane see su uapal᷊iwutta winggi mezbah udde. Ringannu olangnge udde i'o napa'ukkassu mezbah udde wuṛṛu naṛṛae mezbah udde tumba'u si Ya'u.

YEHEZKIEL 43:20 Referans Kwoze

IMAMATTA 16:19

Ringannu tal᷊imaddone i tou ṛinone momokkan daṛṛa udde su wowon mezbah. Ringannu olangnge aroddi i tou namaresi mezbah wuassu ararantinnu walahannu Israel, tadea'u mabbal᷊i susi.

IMAMATTA 8:15

Ana see i Musa namopotta wuṛṛu nanganu sambageanganna wuassu daṛṛane. Daṛṛa udde niwuṛṛan tal᷊imaddone su manga tatandu'a su manga pabbuuannu mezbah, tadea'u mezbah udde iṛṛae hanan Duata. Daṛṛa lambene niwokkan tou su apampakku mezbah. Etearoddi olangnge mezbah udde niola'a susi wuṛṛu niṛṛae hanan Mawu.

YEHEZKIEL 43:26

Pitu allo al᷊annune manga imam ṛinone maola'a ammul᷊annu massa'e mezbah udde wuṛṛu mandiahi mezbah udde tadea'u wotongnge ipaatta.

YEHEZKIEL 43:22

Tiṛṛabbine i'o ṛinone mangonggollu sasamba sambau ambinga mendangenna apan tawe sangkulle tadea'u maola'a sasamba aampunga rosa. Ukkasse mezbah udde ringannu daṛṛan ambinga udde, nassul᷊ungngu apa apan niolangngu ringannu sapi esakka apan ta'e saṛṛen tumuwo udde.

IMAMATTA 9:9

Manga ana'i Harun nanogokku daṛṛan binatangnga udde si Harun, wuṛṛu i tou nangammon tal᷊imaddone sulal᷊ummu daṛṛa udde, apiddu namuṛṛa su manga tatandu'a su mezbah pabbuuanne appata. Wua'udde daṛṛa lambene niwokka su apampakku mezbah.

SASABANGNGA 29:36

Miallo-miallo ṛinone ionggola sambau sapi esakka ipangampungnga rosa. Ringannu sasamba udde mezbah maola'a ma'ukkassa. Ana see i'o ṛinone mallana mezbah udde ringannu lanan zaitun tadea'u iṛṛa'e hunane si Ya'u.

SASABANGNGA 29:12

Panganute sambageanganna daṛṛan sapi udde wuṛṛu wuṛṛa'a wuṛṛu tal᷊imaddonu su manga tatandu'u mezbah. Lamben daṛṛa ṛinone ilal᷊innu su al᷊ungngu mezbah.

IMAMATTA 4:34

Imam ṛinone mangammon tal᷊imaddone sulal᷊ummu daṛṛan binatangnga udde, ana see iwuṛṛa su manga tatandu'a su manga pabbuuannu mezbah, wuṛṛu lambene iwokka su apampakku mezbah.

IMAMATTA 4:30

Imam ṛinone mangammon tal᷊imaddone sulal᷊ummu daṛṛan winatangnga udde, ana see iwuṛṛa su manga tatandu'a su manga pabbuuannu mezbah wuṛṛu lambene iwokka su apampakku mezbah.

IMAMATTA 4:25

Imam ṛinone mangammon tal᷊imaddone sulal᷊ummu daṛṛan binatangnga udde ana see iwuṛṛa su manga tatandu'a su manga wu'un mezbah wuṛṛu lambene iwokka su apampakku mezbah.

IMAMATTA 16:18

i Harun ṛinone sumabbangnga wuṛṛu inai watukku mezbah sasamba itattambunna tadea'u ipamaresi mezbah udde. I tou ṛinone manganu addio'a daṛṛan sapi wuṛṛu daṛṛan ambinga, wuṛṛu mamuṛṛa su manga tatandu'a su manga pabbuuannu mezbah.

YEHEZKIEL 43:14

Wuassu hote naddatingngu passarannu mezbah al᷊iu wowane, atanggakke sambau sumeterene. Wageangngu tangngane dua metere, wuṛṛu setenga metere maṛṛiputanna wuassu uapal᷊iwutta ledda mezbah. Wageangnge atallune, eteudde puiddu mezbah, setenga metere lai maṛṛiputanna wuassu uapal᷊iwutta wageangngu tangngane.

YEHEZKIEL 45:19

Imam ṛinone manganu daṛṛa wuassu sasamba papappassa rosa udde, ana see iapu su manga diṛṛi ngaran Bal᷊e-U, wuṛṛu lai su manga ngara pasallanganna apan mattudda watukku rallakku lal᷊umme.

SASABANGNGA 29:37

Ola'e udde miallo-miallo al᷊annune pitu allo. Ne ahewallu mezbah mabbal᷊i susi; sarangkanambone apan ma'eṛṛetta su mezbah udde ṛinone itantilla su Mawu, wuṛṛu isai-sai apan nangeṛṛetta, sarun maasomba asasilaka ana waugu atatohassu asasusine.”

IMAMATTA 8:14

Wua'udde i Musa nanganute sapi esakka saṛṛen tumuwo maola'a sasamba aampunga rosa. I Harun wuṛṛu manga anangnge nangandangngu liman mangitou su puan binatangnga udde.

YEHEZKIEL 45:18

Mawu Apan Atanggaṛṛanne nabbisara su uman-Ne, “Su allo paarorone wul᷊anna paarorone, i yamiu ṛinone mapaasusin Bal᷊e-U ringannu mangonggollu sambau sapi esakka saṛṛen tumuwo apan tawe sangkulle.